1. NAFARROAKO FORU KOMUNITATEA
1.7. BESTELAKOAK
41/2013 EBAZPENA, urtarrilaren 18koa, Landa Garapenerako zuzendari nagusiak emana, Nekazaritzako Elikagaien Artisautza erregulatzen duten arau teknikoak aldatzen dituena.
Nekazaritzako Elikagaien Artisautza Batzordeak, 35. bileran, 2012ko azaroaren 27an, erabaki zuen honako arau tekniko hauek aldatzea: 1.1 N.T.A. Fruta kontserbak, 1.2 N.T.A Landare kontserbak, 2.2 N.T.A Belar eta fruta likoreak, 5.1 N.T.A Eztia eta erlezaintzako produktuak, 7.1. N.T.A Zerritik eratorritako produktuak eta 8.2. N.T.A Txokolateak eta bonboiak. Arau erregulatzaile hauek, ogibideetako artisauek pilatutako esperientziaren ondorio direnak, komeni denean alda daitezke, horietan hobekuntzak egiteko, nekazaritzako elikagaien artisautza produktuen kalitatea eta egiazkotasuna handitze aldera.
Ildo horretan, Nekazaritzako Elikagaien Artisautza Batzordeak arau horiek aldatzea proposatu du.
Horrenbestez, Nafarroako Foru Komunitateko Administrazioari buruzko abenduaren 3ko 15/2004 Foru Legearen 22. artikuluak ematen dizkidan eskumenak erabiliz,
EBATZI DUT:
1. Nekazaritzako Elikagaien Artisautza erregulatzen duten arau teknikoak aldatzea, honako hauei dagokienez: fruta kontserbak, landare kontserbak, belar eta fruta likoreak, eztia eta erlezaintzako produktuak, zerritik eratorritako produktuak eta txokolateak eta bonboiak. Arauen eduki berria 35. bileraren -2012ko azaroaren 27an- aktan jaso da, eta Nafarroako Gobernuaren web orrian argitaratuko da, esteka honetan: http://www.navarra.es/home_es/Servicios/ficha/2345/Registro-de-Empresas-Artesanales-Agroalimentarias documentacion.
2. Ebazpen honen aurka gora jotzeko errekurtsoa jar daiteke, Landa Garapeneko, Ingurumeneko eta Toki Administrazioko kontseilariari zuzendua, indarra hartu eta hilabeteko epean.
3. Ebazpen honek Nafarroako Aldizkari Ofizialean argitaratu eta biharamunean hartuko du indarra.
Iruñean, 2013ko urtarrilaren 18n.-Landa Garapeneko zuzendari nagusia, Juan Pablo Rebolé Ruiz.
Iragarkiaren kodea: F1300977