1. NAFARROAKO FORU KOMUNITATEA
1.7. BESTELAKOAK
15/2013 EBAZPENA, urtarrilaren 18koa, Hezkuntza Baliabideen zuzendari nagusiak emana, Biolina espezialitatea Musika eta Dantza Eskolen Berariazko Erregistroan inskribatzen duena, Fontellasko Udalaren Musika Eskolak irakats dezakeen irakaskuntza gisa.
Ikusirik Andrés Agorreta Arriazu jaunak, Fontellasko Udaleko alkate-udalburuak, Biolina espezialitatea herriko udalaren musika eskolan irakasten den irakaskuntza gisa inskribatzeko aurkeztu duen baimen eskaera dela-eta irekitako espedientea.
Ikusirik Hezkuntzako Ikuskapen Zerbitzuak eman duen aldeko txostena.
Kontuan harturik Musika eta Dantza Eskolen sorrerari eta funtzionamenduari buruzko oinarrizko arauak onesten dituen abenduaren 21eko 421/1992 Foru Dekretuaren 29. artikuluan xedatutakoa.
Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1.d) artikuluaren bidez eskuordetutako ahalmenak erabiliz, eta Hezkuntzako Azpiegituren Zerbitzuak proposaturik,
EBATZI DUT:
1. Nafarroako Gobernuaren Musika eta Dantza Eskolen Berariazko Erregistroan Biolina espezialitatea inskribatzea Fontellasko Udalaren Musika Eskolak ematen duen irakaskuntza gisa (ikastetxearen kodea: 31013483). Inskripzioak 2012ko azaroaren 23tik aurrera izanen ditu ondorioak, egun horretan sartu baitzen Hezkuntza Departamentuan ikastetxeko titularraren eskaera aipatu irakaskuntza inskribatzeko.
2. Une horretatik aurrera eskola horrek inskribatuta dituen ikasketak Hezkuntzari buruzko Lege Organikoaren 48.3 artikuluan ezarritakoak dira, irakasgai hauek dituela:
a) Oinarrizko eskaintza, abenduaren 21eko 421/1992 Foru Dekretuaren 9. artikuluko 1. idatz-zatietako a), b) eta c) letretan ezarritako antolamenduari jarraikiz:
-Instrumentu-praktika: Akordeoia, Klarinetea, Gitarra, Perkusioa, Pianoa, Saxofoia, Tronboia, Tronpeta eta Biolina.
-Instrumentu-praktikaren osagarri den musika prestakuntza: Musika Hizkuntza.
-Ahots eta instrumentu jarduerak taldean: Abesbatza eta Instrumentu Taldea.
b) Oinarrizko eskaintzan ez dauden beste irakasgai batzuk (9.2 artikulua): Musikaren Hastapenak 4 urtetik 7 urtera bitarteko ikasleentzat.
3. Eskolaren osaera aldatuz gero, eta aldaketak 421/1992 Foru Dekretuaren 29. artikuluan araututakoa ukitzen badu, Hezkuntza Departamentuari jakinarazi beharko zaio.
4. Foru dekretu horren 31. artikuluan aipatutako kasuetan, eskolaren baimena baliorik gabe uzten ahalko da.
5. Administrazioaren ebazpen honen kontra administrazio publiko interesdunak administrazioarekiko auzi-errekurtsoa jartzen ahalko du, Nafarroako Justizia Auzitegi Nagusiaren Administrazioarekiko Auzien Salari zuzendua, ebazpena argitaratu eta biharamunetik hasita bi hilabeteko epean, alde batera utzi gabe aurretik errekerimendua egin ahal izatea, Administrazioarekiko Auzien Jurisdikzioa arautzen duen ekainaren 13ko 29/1998 Legearen 44. artikuluan ezarritako moduan eta epeetan.
6. Ebazpen hau Nafarroako Aldizkari Ofizialean argitaratuko da.
7. Ebazpen hau igortzea Fontellasko Udaleko alkate-udalburu jaunari, Hezkuntzako Ikuskapen Zerbitzuari, Hezkuntzako Azpiegituren Zerbitzuari, Arte Ikasketetarako eta Musikaren Hiria Kudeatzeko Atalari, Ikastetxeen, Finantzaketaren eta Ikasketetarako Laguntzen Atalari, Kontratazioaren, Zerbitzu Osagarrien eta Koordinazio Administratiboaren Atalari eta Ikastetxeetako Informazioa Kudeatzeko Bulegoari.
Iruñean, 2013ko urtarrilaren 18an.-Hezkuntza Baliabideen zuzendari nagusia, Iñigo Huarte Huarte.
Iragarkiaren kodea: F1301453