4. PROZEDURA JUDIZIALAK
IRUÑEKO LAN ARLOKO 3. EPAITEGIA
Jakinarazpen ediktua. Kaleratzeak/Kargu-uzteak oro har, 1058/2012 prozedura
Diana Giovanna Morales Ángelek eskaturik, kaleratzea dela-eta, Cerramientos Cucer, S.L./Villa Los Arcosen aurka epaitegi honetan bideratu den 1058/2012 prozeduran (Kaleratzeak / Kargu-uzteak oro har), xedapen zatian hauxe dioen ebazpena eman da gaurko egunean:
Iruñean, 2012ko abenduaren 4an. Carlos González Gonzálezek, Iruñeko Lan arloko 3. Epaitegiko epaile magistratu jaunak.
Baiesten dut Diana Giovanna Morales Ángel andreak, bidegabeko kaleratzea dela-eta, Cerramientos Cucer, S.L./Villa los Arcos enpresaren eta Soldatak Bermatzeko Funtsaren aurka jarritako demanda; horrenbestez, deklaratzen dut bidegabea izan zela demandatzailearen kaleratzea, 2012ko uztailaren 30etik aurrerako ondorioekin egindakoa, eta enpresa demandatua kondenatzen dut deklarazio horri men egitera eta auzi-jartzailea berriz hartzera, kaleratzearen aurretik zituen baldintza berberetan, edo bestela, hari 5.333,52 euroko kalte-ordaina ordaintzera (oker edo hutsik ezean).
Enpresak demandatzailea berriro hartzea erabakitzen badu, espresuki edo isilbidez, enpresa kondenatzen dut hari ordaintzera 2012ko uztailaren 30etik aurrera eta epai hau jakinarazi arte jaso ez dituen soldatak, 50,08 euro eguneko.
Halaber, Soldatak Bermatzeko Funtsa deklarazio horri men egitera kondenatzen dut.
Epai honen aurka bidezko da erregutze-errekurtsoa aurkeztea, Nafarroako Justizia Auzitegi Nagusiko Lan arloko Salari zuzendua, jakinarazpena egin eta ondoko bost eguneko epean iragarriko dena. Horretarako, aski izanen da jakinarazpena egiten denean alderdiak, haren abokatuak edo ordezkariak asmo horren berri ematea, eta zilegi da, orobat, adierazitako epean pertsona horiek epaitegi honetan agertzea edo idazkia aurkeztea.
Errekurtsoa iragartzearekin batera, epaitegi honen gordailu eta kontsignazioen 3160.0000.65.1058.12 kontuan, Banestoren edozein bulegotan, 300 euro sartu izanaren gordekina aurkeztuko da, eta horrez gainera, aparteko eragiketa batean, baina oraingoan 3160.0000.67.1058.12 kontuan, kondenaren xede den dirua sartu izanarena. Diru-sarrera banku-transferentziaren bidez egiten bada, 0030 1846 42 0005001274 zenbakia jarri beharko da, bulego hartzailearen gako gisa.
Diru kopuru horren ordez banku-abala aurkez daiteke, abal-emailearen erantzukizun solidarioa jaso beharko duena.
Errekurtsoa aurkezteko asmoaren berri ematean, errekurtsoaz arduratuko den legelaria edo lan harremanetako gradudun elkargokidea izendatuko da, dela idazki baten bidez, dela bertan agertuz, bestela ofizioz izendatuko baita, doako justizia izateko eskubidea duen langilea edo enpresaburua bada.
Beraz, epai honen bidez, behin betiko epaituz, hori erabaki, agindu eta sinatzen dut.
Eta Cerramientos Cucer, S.L./Villa Los Arcosi legezko jakinarazpena egiteko balio izan dezan, non den jakiterik ez baitago, honako hau egiten dut Nafarroako Aldizkari Ofizialean argitara dadin.
Hartzaileari ohartarazten zaio ez dela beste jakinarazpenik eginen, autoenak, epaienak edo epatzeenak izan ezik.
Iruñean, 2013ko otsailaren 4an.-Idazkari judiziala, Lourdes García Ruiz.
Iragarkiaren kodea: J1301800
