4. PROZEDURA JUDIZIALAK
IRUÑEKO LAN ARLOKO 2. EPAITEGIA
Jakinarazpen ediktua. 61/2012 prozedura arrunta
Aranzazu Ballesteros Pérez de Albéniz andreak, Iruñeko Lan arloko 2. Epaitegiko idazkari judizialak,
Aditzera ematen dut: Miguel Ignacio Fernandino Martinek, Johnson Emwinghare-Ekhoguek eta Santiago Carballa Morenok eskaturik, diru kopuru baten erreklamazioa dela-eta, Eufasa Inmuebles, S.L.ren, Eucarsa Encofrados, S.L.ren, Obras Especiales de Navarra, S.A.ren eta Soldatak Bermatzeko Funtsaren aurka lan arloko epaitegi honetan bideratu den 61/2012 prozeduran, xedapen zatian hauxe dioen ebazpena eman da gaurko egunean:
Epaitza:
Baiesten dut Miguel Ignacio Fernandino Martinek, Johnson Emwinghare-Ekhoguek eta Santiago Carballa Morenok Eufasa Inmuebles, S.L.ren, Obras Especiales de Navarra, S.A.ren, konkurtsoko administrazioaren eta Soldatak Bermatzeko Funtsaren aurka jarritako demanda, eta Eufasa Inmuebles, S.L. enpresa kondenatzen dut auzi-jartzaileei honako zenbateko hauek ordaintzera, demandak jasotako soldata kontzeptuengatik:
Miguel Ignacio Fernandino Martin jaunari 5.158,67 euro; horietatik Obras Especiales de Navarrak (Obenasa) solidarioki ordainduko dizkio, aipatutako enpresarekin batera, 4.844,51 euro.
Johnson Emwinghare-Ekhogue jaunari 4.267,58 euro; horietatik Obras Especiales de Navarra, SAk (Obenasa) solidarioki ordainduko dizkio, aipatutako enpresarekin batera, 4.039,23 euro.
Eta Santiago Carballa Moreno jaunari 4.243,73 euro; horietatik Obras Especiales de Navarra, SAk (Obenasa) solidarioki ordainduko dizkio, aipatutako enpresarekin batera, 1.000,42 euro.
Halaber, Eufasa Inmuebles, S.L. enpresa kondenatzen dut berandutza-errekarguaren %10eko interesa ordaintzera, eta gainerako demandatuak kondenatzen ditut deklarazio honi men egitera.
Alderdi auzi-jartzaileak atzera egin du Eucarsa encofrados, S.L.ren aurrean.
Jakinaraz bekie epaia alderdi guztiei, adieraziz haren aurka erregutze-errekurtsoa jar daitekeela Nafarroako Justizia Auzitegi Nagusiko Lan arloko Salari zuzendua, epaia jakinarazi eta ondoko bost egun balioduneko epean iragarriko dena. Horretarako, aski izanen da epaia jakinaraztean alderdiak, haren abokatuak, lan harremanetako gradudun elkargokideak edo ordezkariak asmo horren berri ematea. Zilegi izanen da, orobat, adierazitako epean pertsona horiek bertan agertzea edo idazkia aurkeztea. Errekurtsoaren berri ematean, alderdi errekurtsogileak errekurtsoa zuzenduko duen legelaria edo lan harremanetako gradudun elkargokidea izendatu beharko du.
Enpresari ohartarazten zaio ezen, errekurtsoa jarriz gero, horren iragarkiarekin batera, Lan arloko epaitegi honek Banesto taldean (Banco Español de Crédito, S.A., Banco de Vitoria, S.A.) irekita duen Gordailu eta Kontsignazioen kontuan 300 euro sartu izanaren frogagiria aurkeztu beharko duela. Kontua Iruñeko Nafarroako Gorteak kaleko 5ean dagoen sukurtsalekoa da (0030 1846 42 0005001274 kontua, eta 3159 0000 65 000000 006112 kontzeptua).
Halaber, banku eta kontu berean baina aparteko eragiketa batean kondenaren diru-zenbatekoa sartu izanaren egiaztagiria aurkeztu beharko da, 3159 0000 67 000000 006112 prozedura zenbakia adieraziz. Diru kopuru horren ordez banku-abala aurkezten ahalko da, abal-emailearen erantzukizun solidarioa jaso beharko duena.
Beraz, epai honen bidez, behin betiko epaituz, hori erabaki, agindu eta sinatzen dut.
E/.
Eta Eucarsa Encofrados, S.L.ri legezko jakinarazpena egiteko balio izan dezan, non den jakiterik ez baitago, honako hau egiten dut Nafarroako Aldizkari Ofizialean argitara dadin.
Hartzaileari ohartarazten zaio bulego judizialeko iragarki-oholean ebazpenaren kopia jarriz eginen direla hurrengo jakinarazpenak, salbu eta autoenak, epaienak, epatzeenak eta prozedurari amaiera ematen dioten ebazpenenak.
Iruñean, 2013ko urtarrilaren 29an.-Idazkari judiziala, Aranzazu Ballesteros Pérez de Albéniz.
Iragarkiaren kodea: J1301491
