4. PROZEDURA JUDIZIALAK
IRUÑEKO LAN ARLOKO 2. EPAITEGIA
Jakinarazpen ediktua. 260/2012 prozedura arrunta
Aranzazu Ballesteros Pérez de Albéniz andreak, Iruñeko Lan arloko 2. Epaitegiko idazkari judizialak,
Aditzera ematen dut: Beti Maritza Valdivieso Arevalok eskaturik, diru kopuru baten erreklamazioa dela-eta, Don Pincho S3AM, S.L. eta Hostelera Garralda Hnos, S.L. enpresen eta Soldatak Bermatzeko Funtsaren aurka lan arloko epaitegi honetan bideratu den 260/2012 prozeduran, xedapen zatian hauxe dioen ebazpena eman da gaurko egunean:
Partez baiesten dut jarduketa hauek eragin dituen demanda, hots, Beti Maritza Valdivieso andreak, diru kopuru baten erreklamazioa dela-eta, Don Pincho S3AM S.L. eta Hostelería Garralda Hnos, S.L. enpresen eta Soldatak Bermatzeko Funtsaren aurka jarritakoa, eta horrenbestez, Don Pincho S3AM S.L. enpresa kondenatzen dut auzi-jartzaileari 7.541,11 euro ordaintzera, gehi urtean %10eko berandutza interesak, soldataren kantitateen (4.730,03 euroren) gainean, eta Soldatak Bermatzeko Funtsa absolbitzen dut hari egindako eskakizun guztietatik, deusetan galarazi gabe legez legokiokeen erantzukizun subsidiarioa. Hostelería Garralda Hnos S.L. ere absolbitzen dut.
Jakinaraz bekie epaia alderdi guztiei, adieraziz haren aurka erregutze-errekurtsoa jar daitekeela Nafarroako Justizia Auzitegi Nagusiko Lan arloko Salari zuzendua, epaia jakinarazi eta ondoko bost egun balioduneko epean. Horretarako, aski izanen da epaia jakinaraztean alderdiak, haren abokatuak, lan harremanetako gradudun elkargokideak edo ordezkariak asmo horren berri ematea. Zilegi izanen da, orobat, adierazitako epean pertsona horiek bertan agertzea edo idazkia aurkeztea. Errekurtsoaren berri ematean, alderdi errekurtsogileak errekurtsoa zuzenduko duen legelaria edo lan harremanetako gradudun elkargokidea izendatu beharko du.
Enpresari ohartarazten zaio ezen, errekurtsoa jarriz gero, horren iragarkiarekin batera, Lan arloko epaitegi honek Banesto taldean (Banco Español de Crédito, S.A., Banco de Vitoria, S.A.) irekita duen Gordailu eta Kontsignazioen kontuan 300 euro sartu izanaren frogagiria aurkeztu beharko duela. Kontua Iruñeko Nafarroako Gorteak kaleko 5ean dagoen sukurtsalekoa da (0030 1846 42 0005001274 kontua, 3159 0000 65 026012 kontzeptua). Halaber, banku eta kontu berean baina aparteko eragiketa batean kondenaren diru kopurua sartu izanaren frogagiria aurkeztu beharko da, 3159 0000 67 026012 prozedura zenbakia adieraziz. Diru kopuru horren ordez banku-abala aurkezten ahalko da, abal-emailearen erantzukizun solidarioa jaso beharko duena.
Beraz, epai honen bidez, behin betiko epaituz, hori erabaki, agindu eta sinatzen dut.
Eta Don Pincho S3AM, S.L.ri eta Hostelera Garralda Hnos, S.L.ri legezko jakinarazpena egiteko balio izan dezan, non diren jakiterik ez baitago, honako hau egiten dut Nafarroako Aldizkari Ofizialean argitara dadin.
Hartzaileari ohartarazten zaio bulego judizialeko iragarki-oholean ebazpenaren kopia jarriz eginen direla hurrengo jakinarazpenak, salbu eta autoenak, epaienak, epatzeenak eta prozedurari amaiera ematen dioten ebazpenenak.
Iruñean, 2013ko urtarrilaren 21ean.-Idazkari judiziala, Aranzazu Ballesteros Pérez de Albéniz.
Iragarkiaren kodea: J1300969
