Iragarkia

247. ALDIZKARIA - 2013ko abenduaren 26a

1. NAFARROAKO FORU KOMUNITATEA

1.7. BESTELAKOAK

1655/2013 EBAZPENA, abenduaren 9koa, Nafarroako Unibertsitate Publikoko errektoreak emana. Haren bidez agintzen da argitaratzeko “Nafarroako Unibertsitate Publikoko plantilla organikoa aldatzen duen Erabakia”. 2013ko abenduaren 5eko Gobernu Kontseiluak hartutako erabaki baten bidez onetsi zen.

Maiatzaren 12ko 110/2003 Foru Dekretuak onetsitako Unibertsitateko Estatutuetako 40. artikuluak ematen dizkidan ahalmenak erabiliz, agintzen dut argitaratzeko “Nafarroako Unibertsitate Publikoko plantilla organikoa aldatzen duen Erabakia”. Hona hemen hitzez hitz:

“Erabakia, nafarroako unibertsitate publikoko plantilla organikoa aldatzen duena:

2013ko otsailaren 12an NAOn argitaratu zen 68/2013 Ebazpena, urtarrilaren 22koa, Nafarroako Unibertsitate Publikoko errektoreak emana, plantilla organikoa eta Nafarroako Unibertsitate Publikoan langile finkoen eta izendapen libreko zuzendaritza karguak betetzen dituzten behin-behineko langileen zerrenda, 2012ko abenduaren 31n, NAOn argitaratzeko agintzen duena, eta, halaber, 2012ko abenduaren 20ko Gobernu Kontseiluaren erabakia plantilla organikoa aldatzea onesten duena.

Azkenik, eta zerbitzuek eta unitate tekniko batzuek eskatuta, beharrezkoa da plantilla organikoan zenbait aldaketa egitea, plantillaren berrantolaketa egiteko eta haren hobekuntza funtzionala mesedetzeko 2014. urterako.

Esandakoaren ondorioz, beharrezkoa da plantilla ordenatzea, eta, gainera, zenbait lanpostu amortizatzea eta beste zenbait sortzea:

Unibertsitateko Estatutuen 110. artikuluarekin bat, Gobernu Kontseiluak onetsi behar du lanpostuen zerrenda, kudeatzaileak proposatuta, eta berak egingo du, ordezkaritza organoekin negoziatu ondoren, eta Unibertsitateko sail, ikastegi eta administrazio unitateek azaldutako irakaskuntzako, ikerkuntzako eta kudeaketako beharren arabera.

Proposamena Negoziazio Mahaian aurkeztuta, eta Nafarroako Unibertsitate Publikoan ordezkaritza duten sindikatuak entzun ondoren, honako hau da kudeatzaileak, 2013ko abenduaren 5ean egindako bileran, Gobernu Kontseiluari hartzea proposatu dion,

ERABAKIA:

Lehena.–Onestea Nafarroako Unibertsitate Publikoaren Administrazio eta Zerbitzuetako langileen Plantilla Organikoaren aldaketen txostena, Eranskinean dagoena.

Bigarrena.–Erabaki hau Nafarroako Aldizkari Ofizialean argitaratzea.

Hirugarrena.–Erabaki honek onetsi eta hurrengo egunean hartuko du indarra.”

Iruñean, 2013ko abenduaren 9an.–Errektorea, Julio Lafuente López.

ERANSKINA

Nafarroako Unibertsitate Publikoko administrazio eta zerbitzuetako langileen Plantilla organikoko aldaketen txostena

2013ko ekitaldia

NAFARROAKO UNIBERTSITATE PUBLIKOKO
ADMINISTRAZIO ETA ZERBITZUETAKO LANGILEEN
PLANTILLA ORGANIKOKO ALDAKETAK

2013ko otsailaren 12an NAOn argitaratu zen 68/2013 Ebazpena, urtarrilaren 22koa, Nafarroako Unibertsitate Publikoko errektoreak emana, plantilla organikoa eta Nafarroako Unibertsitate Publikoan langile finkoen eta izendapen libreko zuzendaritza karguak betetzen dituzten behin-behineko langileen zerrenda, 2012ko abenduaren 31n, argitaratzeko agintzen duena, eta, halaber, 2012ko abenduaren 20ko Gobernu Kontseiluaren erabakia plantilla organikoa aldatzea onesten duena.

Azkenik, eta zerbitzuek eta unitate tekniko batzuek eskatuta, beharrezkoa da plantilla organikoan zenbait aldaketa egitea plantillaren berrantolaketa egiteko eta haren hobekuntza funtzionala mesedetzeko 2014. urterako.

Esandakoaren ondorioz, beharrezkoa da plantilla ordenatzea, eta, gainera, zenbait lanpostu amortizatzea eta beste zenbait sortzea, ondoren aipatzen diren parametroen arabera:

A.–Aldaketak egituran eta atxikipenetan.

A.1. Sortzen diren unitateak.

–Antolamendurako eta irakaskuntzaren programaziorako unitatea.

Justifikazioa: 2013ko plantilla dokumentuaren aldaketetako bat zen Antolamendu eta Kalitateko Atalaren sorrera, eta honen mende Ikastegi eta Sailen Koordinaziorako Unitatea eta Doktoretza Eskola. Horiekin batera zegoen Antolamendu eta Kalitateko Unitatea, ordurako bazegoena. Antolamenduarekin eta irakaskuntza pogramazioarekin lotutako eginkizunak nola antolatuko ziren zehaztu gabe zegoen, orain arte Antolamendu eta Kalitateko Atalarekin zuzenean lotuak egon baitira.

Antolamendu eta Kalitateko Atalak 2013an izan duen bilakaerak erakusten du Unitate berri baten beharra duela, antolamendurako eta irakaskuntzaren programaziorako jarduerak bilduko dituena, eginkizun hauetan laburbiltzen direnak:

a) Unibertsitateko zuzendaritza organoei, sailei eta ikastegiei erabakiak hartzeko prozedura erraztea, eta Nafarroako Unibertsitate Publikoaren ikasketa ofizial aktiboen eta iraungitze bidean daudenen antolaketa prestatzen laguntzea.

b) Ikasturte bakoitzeko irakaskuntza programazioa egiteko lanak kudeatzea, eta ikasketei dagozkien arautegietan zehaztutakoa betetzea.

c) Irakasgai eta hizkuntza bakoitzeko matrikula taldeak prestatzea, eta talde bakoitzaren ikasle kupoak zehazteko irizpideak finkatzen laguntzea ikastegiekin eta Ikasleen Gaietarako Bulegoarekin lankidetzan.

d) Irakaskuntza Antolatzeko Plana egiteko araudiak behar bezala betetzen direla zaintzea, eta plana bere aldi desberdinetan argitaratzea, zuzendaritza organoek ikuskatuta, eta sailarekin eta ikastegiekin harreman estuan.

e) Harreman arina izatea bai ikastegi eta sailetako administrazio langileekin zuzenean eta koordinatzailearen bidez, bai zuzendaritza organoekin ere, edozein zalantza edo gorabehera konpontzeko irizpideak bete eta ikasketen irakaskuntza programazioari dagozkion arautegiak eta irakasleen Irakaskuntza Antolatzeko Plana betetzerakoan.

f) Beste edozein eginkizun, Unitateari dagozkionen antzekoak, Antolamendurako, Kalitaterako eta Dokumentuak Kudeatzeko Zerbitzuaren Zuzendaritzak edo Antolamendu eta Kalitateko Ataleko Atalburutzak emandakoak.

A.3. Izendapenaren aldaketa.

–Liburutegi zerbitzua.

216. lanpostua Giza Jakintzen Bulegoaren mende egotetik Ikerketa Bildumen Atalaren mende egotera pasatu da. Beraz, lanpostuaren lehengo izendapenak, bulego horri berariazko aipamena egiten dionak, ez dauka jada zentzurik.

B.–Aldaketak lanpostuetan.

–Antolamendurako, kalitaterako eta dokumentuak kudeatzeko zerbitzua / antolamendu eta kalitateko atala / ikastegiak eta sailak koordinatzeko unitatea

• Lanpostuak: 1.
• Administrari Laguntzailea O.L.
• Maila: D.
• Lanaldia: Arratsaldeko lanalditik goizeko lanaldira aldatzea.
• Lanpostu zk.: 302.
• Betetzeko modua: F.
• Justifikazioa: Lanaldi teorikoak une honetan dauden benetako lanaldietara egokitzea ikastegi eta sailetako zuzendariek proposatuta.

–Antolamendurako, kalitaterako eta dokumentuak kudeatzeko zerbitzua / antolamendu eta kalitateko atala / ikastegiak eta sailak koordinatzeko unitatea:

• Lanpostuak: 1.
• Administrari arduraduna.
• Maila: D.
• Lanaldia: Goizeko lanalditik lanaldi zatitura aldatzea.
• Lanpostu zk.: 334.
• Betetzeko modua: F.
• Justifikazioa: Giza eta Gizarte Zientzien Fakultateko antolamendu beharrengatik.

C.–Lanpostu amortizazioak.

–Komunikazio zerbitzua:

• Lanpostuak: 1
• Lanpostu zk.: 426
• Arte Grafikoetako administrari teknikoa.
• Araubide Juridikoa: F.
• Justifikazioa: Lanpostu honek zituen eginkizunak bereganatu eta beste eginkizun berri batzuk ere izango ditu Komunikazioko Kudeaketaria O.L. lanpostuak.

Iragarkiaren kodea: F1317467