Iragarkia

245. ALDIZKARIA - 2013ko abenduaren 23a

2. NAFARROAKO TOKI ADMINISTRAZIOA

2.2. XEDAPEN ETA IRAGARKIAK, HERRIEN ARABERA ANTOLATUAK

TUTERA

Aldaketak ordainarazpenen ordenantzetan, 2014ko urtarrilaren 1ean indarra har dezaten. Behin betiko onespena

Tuterako Udalak, 2013ko irailaren 27an egin osoko bilkura arruntean, hasiera batean onetsi zituen aldaketak tasak arautzen dituzten ordenantza fiskaletan eta Castel-Ruiz Enpresa Entitate Publikoaren prezio publikoak arautzen dituzten arauetan. Aldaketek indarra hartuko dute 2014ko urtarrilaren 1etik aurrera.

Nafarroako Toki Administrazioari buruzko uztailaren 2ko 6/1990 Foru Legearen 325.1.b) artikuluko aginduei jarraikiz, erabaki hori 2013ko 195. Nafarroako Aldizkari Ofizialean argitaratu zen, urriaren 9an, baita Udalaren ediktu oholean paratu ere, eta espedientea 30 egunean egon da jendaurrean.

Jendaurrean egoteko legezko aldia iraganik inork inolako alegazio, kexa edo oharrik aurkeztu gabe, eta aipatu foru legearen 325.1.c) artikuluan dauden aginduak bete beharrez, behin betiko onetsitako aldaketak argitaratzen dira, ondotik ematen den eranskinean ezartzen den bezala.

Argitara ematen da aipatu agindua bete beharrez, eta ohartarazten ezen honako aldaketa hauen aurka –xedapen administratibo orokorra baita– ezin dela administrazio bidean errekurtsorik paratu, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 107.3 artikuluari jarraikiz. Hortaz, behin betiko onespen honen aurka ondoko bideren bat erabiltzen ahalko da:

a) Administrazioarekiko auzi-errekurtsoa, zuzenean, Nafarroako Auzitegi Nagusiko Administrazioarekiko Auzien Salari zuzendua, Administrazioarekiko Auzietako Jurisdikzioa arautzen duen uztailaren 13ko 29/1998 Legearen 10.1.b) artikuluari jarraikiz, bi hilabeteko epean, iragarki hau Nafarroako Aldizkari Ofizialean argitaratu eta biharamunetik aitzina.

b) Gora jotzeko errekurtsoa, Nafarroako Administrazio Auzitegiari zuzendua, hilabeteko epean, erabaki hau Nafarroako Aldizkari Ofizialean argitaratzen denetik hasita.

Tuteran, 2013ko azaroaren 22an.–Ogasuneko zinegotzia, Irene Royo Ortín.

ERANSKINA

4 zk. Ordenantza fiskala, Ibilgailuak espaloietan barna sartu eta ateratzeko eta eremu publikoa aparkaleku esklusiborako, ibilgailuak gelditzeko nahiz edozein motatako salgaien zamalanetarako erreserbatzeko tasak arautzen dituena.

–Tarifen eranskina:

A) Espaloietan barna ibilgailuak sartu eta ateratzea:

1. Gau eta eguneko pasabideak:

2. Ordutegi mugatuko pasabideak: 1. epigrafeko taula aplikatuko da, %25eko hobariarekin.

3. Ibilgailuendako sarbideak: 1. epigrafeko taula aplikatuko da, %50eko hobariarekin.

4. Pasabideak identifikatzeko plaka bakoitzak: 16,65 euro.

B) Espazioa erreserbatzea eremu publikoetan:

1. Bidaiariak garraiatzeko zerbitzu erregular eta berezien abiaburuko, erdibideko eta helmugako geralekuetako espazioen erreserba eremu publikoetan, galtzadaren metro lineal edo haren zatiki bakoitzeko, edozein kategoria fiskaletako kaleetan: 44,15 euro/urtea.

2. Noizbehinkako beharrak direla-eta gertatzen diren erabilera desberdinetarako, galtzadaren metro lineal edo haren zatiki bakoitzeko, edozein kategoria fiskaletako kaleetan: 5,20 euro/eguna.

C) Salgaien zamalanetarako eta lehenago zehaztu gabeko bestelako beharretarako:

–Lekua erreserbatzen den galtzadaren metro lineal edo haren zatiki bakoitzeko, urtean eta kategoria hauetako kaleetan:

• Lehenengoa: 69,90 euro.
• Bigarrena: 50,50 euro.
• Hirugarrena: 37,90 euro.
• Laugarrena: 29,90 euro.

5 zk. Ordenantza fiskala, Eremu publikoa eta herrilurrak okupatzeko tasak arautzen dituena.

–Tarifen aldaketa:

1. Salgaiekin eta erakusgaiekin lurrak okupatzeagatik, metro koadro edo zatikiko eta hilabete edo zatikiko: 5,80 euro.

2. Eraikuntzako materialekin edo obra-hondakinekin, nahiz edukiontzi, hesi, aldamio eta horrelatsuko instalazioekin, edota garabi eta kargagailuekin erabilera publikoko lurrak okupatzeagatik, metro koadro edo zatikiko, egunean: 0,19 euro.

3. Eraikinak apeatzeko zurkaitz, asto, zutoin eta gisakoekin erabilera publikoko lurrak okupatzeagatik, unitate bakoitzeko eta hilabete edo zatikiko: 5,80 euro.

4. Lurraren gainean egon eta goraka egiten duten zutoin, kaleargi, zutabe eta gisakoak, bakoitzeko eta urte edo zatikiko: 48,90 euro.

5. Luzerako oinarria duten errail eta gisako aprobetxamenduak, metro lineal edo zatikiko eta urte edo zatiki bakoitzeko: 0,97 euro.

6. Salmenta automatikorako tresnak edo makinak, unitate eta hilabete edo zatikiko: 34,90 euro.

7. Baskula eta gisakoak, unitate eta urte edo zatikiko: 73,35 euro.

8. Lotura, hornidura edo erregistro kutxak, unitate eta urte edo zatikiko: 24,45 euro.

9. Hormabeso eta, oro har, estekadura euskarriak, unitate eta urte edo zatikiko: 12,20 euro.

10. Gasolina edo bestelako erregaien hornitegiak, aprobetxamenduek eta instalazio osagarriek okupatutako lurraren metro koadro edo zatikiko, urte edo zatiki bakoitzeko: 48,90 euro.

11. Kioskoak:

a) 1. eta 2. kategoriako kaleetan, urteko eta metro koadro edo zatikiko: 212,80 euro.

b) 3. eta 4. kategoriako kaleetan, urteko eta metro koadro edo zatikiko: 195,15 euro.

c) Gainerako lekuetan: 26,70 euro.

12. Saltokiak, barrakak, txosnak, etxolak, karruselak, karpak, kamioiak, eta abar:

a) 10 m² arte, egunean: 5,20 euro.

b) 10m²-tik 50 m² arte, egunean (aurreko tarifa kontuan hartu gabe): 11,30 euro.

c) 50 metrotik goiti, metro koadro bakoitzeko, 100 m² bitarte, egunean: 0,35 euro.

d) 100 m²-tik goiti, metro koadro bakoitzeko, egunean: 0,36 euro.

Oharra: c) atala aplikatuko da b) atala aplikatzeaz gain.

d) atala aplikatuko da b) eta c) atalak aplikatzeaz gain.

13. Saltokiak, barrakak, txosnak, etxolak, karruselak, karpak, kamioiak etab. inauteetan, Sanjoanetan eta herriko festetan:

a) 10 m² arte, egunean: 20,80 euro.

b) 10m²-tik 50 m² arte, egunean (aurreko tarifa kontuan hartu gabe): 34,75 euro.

c) 50 metrotik goiti, metro koadro bakoitzeko, 100 m² bitarte, egunean: 0,87 euro.

d) 100 m²-tik goiti, metro koadro bakoitzeko, egunean: 0,70 euro.

Oharra: c) atala aplikatuko da b) atala aplikatzeaz gain.

d) atala aplikatuko da b) eta c) atalak aplikatzeaz gain.

14. Antzerkiak eta zirkoak:

a) Uztailaren bigarren hamabostaldian, egun eta metro koadro bakoitzeko: 0,67 euro.

b) Urtearen gainerako egunetan, egun eta metro koadro bakoitzeko: 0,37 euro.

c) Bi kasuetan fidantza utzi beharko da: 1.180 euro.

15. Puxiken salmenta (herriko festetatik aparte) pertsona eta egun bakoitzeko: 19,50 euro.

16. Gaztainak saltzeko tokiak, egunean: 3,29 euro.

17. Ostatu-ibilgailua (egunean).

• Inauteetan, Sanjoanetan eta herriko festetan: 42,25 euro.
• Gainerako egunak: 24,15 euro.

18. Zinemako filmaketa (egunean): 32 euro.

19. Aurrekontuetan zehaztu gabeko beste aprobetxamendu batzuk, metro koadro eta egun bakoitzeko: 0,97 euro.

6 zk. Ordenantza fiskala, Eremu publikoa, tokiko erabilera publikoko ondasunak eta erabilera publikoari atxikitako jabetza pribatuko lurrak terrazaz, beladorez eta barra-mostradore eramangarriez okupatzeko tasa arautzen duena.

–Tarifen eranskina aldatzea:

Tarifak

7 zk. Ordenantza fiskala, Jabari publikokoak diren edo halakotzat hartzen diren lurretan zorupea okupatzeko tasak arautzen dituena.

–Tarifen aldaketa:

Tarifak:

1. Isurkin edo gasendako hodiak, metro lineal edo zatikiko, urtean: 7 euro.

2. Zorupeko kableak, metro lineal edo zatikiko, urtean: 1,40 euro.

3. Erregai edo bestelako isurkinendako tanke edo biltontziak:

a) 20.000 litro bitarte, urtean: 349,00 euro.

b) 20.000 litro baino gehiago, urtean: 524,00 euro.

4. Transformadore elektrikoak; lurpeko ganbera eta iraganbideak, eraikinen arteko eraikuntza edo komunikazio solairuak handitu edo zabaltzekoak; zimentazio zapatak, eraikinen defentsa-horma eta gisako obrak, metro koadro edo zatikiko, urtean: 34,90 euro.

5. Zorupearen bestelako aprobetxamenduak, azalera karga-oinarritzat hartzen denean, metro koadro edo zatikiko: 3,14 euro.

6. Zorupearen bestelako aprobetxamenduak, metro lineala karga-oinarritzat hartzen denean, metro linealeko eta hilabete edo zatikiko: 0,11 euro.

8 zk. Ordenantza fiskala, Eremu publikoaren gaineko hegalkinetan instalazioak paratzeko tasak arautzen dituena.

–Tarifen aldaketa:

Tarifak.

1. Hegalkina garabi eta kargagailuen lumaren esparruarekin okupatzeko unitate bakoitzagatik, urtean: 366,60 euro.

11 zk. Ordenantza fiskala, Merkatu txikietan lurzorua okupatzeko tasak arautzen dituena.

–8. artikulua. 2. Testu berri hau izanen du:

“110 postu izanen dira gehienez ere. Udalak 3 postu beretzat gordeko ditu, interes publikoko beharrei edo behar sozial objektiboei erantzuteko, betiere gainerako saltzaileendako baldintza berberei eutsiz. Baimen horiek emateko, txostena eskatuko zaie Udaleko Gizarte Zerbitzuei, behar soziala dagoen ala ez zehazteko. Txosten hori aldez aurrekoa, nahitaezkoa eta loteslea izanen da, eskaeraren tramitazioari ekiteko”.

12 zk. Ordenantza fiskala, Trakzio mekanikoko ibilgailuak egonaldi mugatuko eremu publikoetan aparkatzeko tasak arautzen dituena.

–Aldatu egin da 13.1 artikuluaren a) puntuan azaltzen den zenbatekoa: 100 eurotik 60 eurora pasatu da.

–Lehen eta bigarren tarifak aldatzea.

1. 20 minutuko: 0,30 euro.

2. Aparkatzeko denbora ordubete baino gutxiago gainditzeagatik, ondotik ordaindu behar izanik: 3,70 euro.

13 zk. Ordenantza fiskala, Montes de Cierzoko ureztapen tradizionalen eremuan Lodosako ubideko uraz baliatzeko tasak arautzen dituena.

–Tarifen aldaketa:

1. Kuota finkoa, ureztalurretako erregu bakoitzeko: 6,37 euro.

2. Kuota finkoa, lehorreko lurretan noizbehinka baimentzen diren ureztaketengatik, aldi eta erregu bakoitzeko: 14,64 euro.

14 zk. Ordenantza fiskala, Montes de Cierzoko eta Valdetellasko ureztalur berrietan presioko ureztapen zerbitzua erabiltzeko tasak arautzen dituena.

–Tarifen aldaketa:

1. Kuota finkoa (G.B.aren erabakiaren arabera, 5.1 artikuluan xedatutakoari jarraikiz). 6,59 euro.

2. Kuota finkoa, lehorreko lurretan noizbehinka baimentzen diren ureztaketengatik, aldi eta erregu bakoitzeko: 15,15 euro.

15 zk. Ordenantza fiskala, Kirol instalazioak erabiltzeko tasak arautzen dituena.

–4. artikuluari 5. puntua gehitu zaio, testu honekin:

“Ordenantza honen ondorioetarako, langabeak dira lanik gabe daudenak eta langabe gisa inskribaturik etenik gabe gutxienez ere sei hilabete egin dituztela erakusten duen txostenaren bidez frogatzen dutenak. Txostena Enplegu Zerbitzu Publikoak emanen du”.

–4. artikuluaren oraingo 5. puntua kentzea, ez baitira erroldatuak eta erroldatu gabeak bereizi nahi.

Era berean, eta kluben bitarteko kirol jardueretarako, tarifetatik kendu egin da tokikoaren/erregistratuaren eta kanpokoaren/erregistratu gabearen arteko desberdintasuna, azken horri zegozkionak kenduz.

–5.a) artikulua aldatzea, eta testu hau ematea:

‘’Bakarrarendako urteko abonuetan, adina edo erretiroaren, desgaitasunaren edo alarguntasunaren ondoriozko pentsiodun izaera edo langabezia egoera’’.

–10. artikuluaren 1. puntuari h) letra gehitzea, testu honekin:

“Ongintzakoak eta gizarte arlokoak diren elkarteak eta erakundeak”.

–10. artikuluari 4. puntua gehitzea:

“Abonuen zenbateko osoaren %10eko murrizketa izanen dute langabezian daudenek. Izaten ahal dituzten beste deskontu batzuei gehitzen ahalko zaie murrizketa hau, eta eskuratzen den abonu motaren gainean aplikatuko da”.

–Tarifen taularen aldaketa (kontzeptuak eta motak):

Tarifen taula honako hau izanen da:

16 zk. Ordenantza fiskala, Udalaren kirol medikuntzako zerbitzua erabiltzeko tasak arautzen dituena.

–Tarifen aldaketa:

• Bakarkako azterketa:
• A 1 eredua: 15,40 euro.
• A 2 eredua: 16,40 euro.
• A 3 eredua: 20,50 euro.
• B eredua: 41 euro.
• C eredua: 72 euro.
• Kirol klub edo entitateendako azterketak (gutxienez 5 lagun):
• A 1 eredua: 10,30 euro.
• A 2 eredua: 11,30 euro.
• A 3 eredua: 15,40 euro.
• B eredua: 25,70 euro.
• C eredua: 61,50 euro.

17 zk. Udalaren Haur Eskoletako zerbitzuen tasak arautzen dituen ordenantza fiskala.

7. artikuluari 2. puntua gehitu zaio eta, beraz, oraingo 2. puntua 3.a bihurtuko da:

“Udalak, bere hezkuntza departamentuaren bidez, hitzarmena edo kontratua sinatua duenean bitartekaritza enpresekin, ordainketa haien bitartez egin dadin, transferentzia bidezko ordainketa edo bankuko txekea onartuko da. Ordainketa hori osorik egin beharko da (ez da ordainketa partzialik onartuko), sorrarazitako hilabeteko lehen hamar egunen barnean”.

18 zk. Ordenantza fiskala, Hornidura azokako zerbitzu eta instalazioak erabiltzeko tasak arautzen dituena.

–Tarifa berri bat sartu da hotz-ganberetan sartzeko bigarren txartel magnetikoa lortzeko, doakoa den lehenengoa galdu edo hondatzen denean edo kopia egin behar denean. (12 euro).

• Hotz-ganberan sartzeko txartelaren kopia: 12 euro.

–Tarifen aldaketa: 1.a eta 2.a aldatu dira, eta 3.a bere horretan utzi da atal guztietan.

1. Prekarioan esleituriko saltokien erabilpena, metro koadro eta hilabete bakoitzeko: 13,05 euro.

2. Kalez kaleko saltokiak, eguneko: 3,95 euro.

19 zk. Ordenantza fiskala, Zezen plazako zerbitzu eta instalazioak erabiltzeko tasak arautzen dituena.

–Tarifen aldaketa:

1. Zezenketarako azienden saioak egitea: 261,20 euro.

2. Iragaitzeko aziendak gauaz egindako egonaldi bakoitzeko: 24,30 euro.

3. Kaiolak gordetzeagatik, azienda lurreratu eta gero, hirugarren egunetik aitzina, egonaldiko egun bakoitzeko: 6,10 euro.

4. Kaiolak hilabetez edukitzeagatik, bakoitzeko: 8,50 euro.

5. Zezenketarako azienda edo bestelakoa kortxeletan edukitzea, 1-6 buru, eguneko: 3,08 euro.

6. Zezenketarako azienda edo bestelakoa kortxeletan edukitzea, 7- 12 buru, eguneko: 8,30 euro.

7. Zezenketarako azienda edo bestelakoa kortxeletan edukitzea, 13-20 buru, eguneko: 11,80 euro.

8. Zezenketarako azienda edo bestelakoa kortxeletan edukitzea, 21 buru baino gehiago, eguneko: 21,30 euro.

9. Kaiolatik atera edo sartzea, buru bakoitzeko: 5,35 euro.

10. Zezen ikuskizunak edo bestelakoak, itxialdiak barne, saio bakoitzeko: 308 euro.

11. Zezen ikuskizunekin zerikusirik ez duen edozertarako, eguneko: 1.542 euro.

20 zk. Ordenantza fiskala, Udalaren autobus geltoki intermodaleko zerbitzuak erabiltzeko tasak arautzen dituena.

–Tarifen aldaketa:

1. Bidaiariak daramatzala, autobus bat sartu edo ateratzen den bakoitzeko, dela bidaiaren hasieran nahiz bukaeran, dela bidaiaren barrenean geldialdi bat egiteko:

a) 50 km bitarteko ibilbideko bidaietan: 0,29 euro.

b) 50 km-tik 100era bitarteko ibilbideko bidaietan: 0,53 euro.

c) 100 km-tik goitiko ibilbideko bidaietan: 1,02 euro.

2. Geltokiko zerbitzu orokorrak erabiltze aldera, linea guztietan luzatzen den bidaia txartel bakoitzeko, linean atera edo bidaiatzen duen bidaiariaren kargu txartelean egiten den abonamendu bakoitzeko, sarrera edo irteera bakoitzeko:

a) 15 km bitarteko ibilbideak: 0,05 euro.

b) 16 km-tik 30era bitarteko ibilbideak: 0,08 euro.

c) 31 km-tik 50era bitarteko ibilbideak: 0,09 euro.

d) 51 km-tik 100era bitarteko ibilbideak: 0,14 euro.

e) 101 km-tik 200era bitarteko ibilbideak: 0,21 euro.

f) 200 km-tik goitiko ibilbideak: 0,28 euro.

3. Txartel saltoki bat hilabeterako alokatzearen aldera, enpresa baten bidai txartelak saltzeko: 26,40 euro.

4. Autobus bat aparkatze aldera, txartel saltokia erabiltzeko moduan delarik:

• 08:00etatik 22:00ak arte, ordu bakoitzeko edo horren zatiki bakoitzeko: 0,54 euro.
• 22:00etatik 08:00ak arte: 2,62 euro.

5. Erregularrak ez diren zerbitzuetan (sarrera, irteera edo geldialdia) geltokia erabiltze aldera:

• Autobus bakoitzeko: 10,64 euro.

21 zk. Ordenantza fiskala, Tuterako ekipamendu soziokulturalak (gizarte etxeak eta gazteendako udal aterpetxea) erabiltzeko tasak arautzen dituena.

4. artikuluari 5. puntua erantsi zaio, testu honekin:

“Ordenantza honen ondorioetarako, langabeak dira lanik gabe daudenak eta langabe gisa inskribaturik etenik gabe gutxienez ere sei hilabete egin dituztela erakusten duen txostenaren bidez frogatzen dutenak. Txostena Enplegu Zerbitzu Publikoak emanen du”.

–Tarifak:

C tarifa. Gizarte etxeen programa eta zerbitzuetan parte hartzea.

3.1.d artikuluaren barnean beste puntu bat sartzea (d.3aren ondoren):

d.4. Langabeak (4.5 artikulua) - %10eko hobaria.

3.4 artikuluaren barnean beste esaldi bat sartzea (dagoenaren ondoren):

“Dena dela, langabezian daudela frogatzen dutenendako %10eko hobaria (3.1.d.4.) gehitzen ahalko zaie izaten ahal dituzten beste deskontu batzuei, eta eskuratutako zerbitzu edo matrikularen abonamendu motaren gainean aplikatuko da”.

Oharra: beharrezkoa da 3.2 puntutik 3.5era bitartekoetan artikuluen identifikazioak zuzentzea, denetan “3” zenbakia falta baita. Horrela, honako hau dioen tokian:

–3.2 artikuluak, berriz, 1.d puntua dioen tokian, 3.1.d puntua behar du.

–3.3 artikuluak, berriz, 1. puntua dioen tokian, 3.1 puntua behar du.

–3.4 artikuluak, berriz, 1.a, 1.b, 1.c eta 1.d puntuak dioen tokian, 3.1.a, 3.1.b, 3.1.c eta 3.1.d puntuak behar du.

–3.5 artikuluak, berriz, 1.e puntua eta 1.a, 1.b, 1.c eta 1.d puntuak dioen tokian, 3.1.e puntua eta 3.1.a, 3.1.b, 3.1.c eta 3.1.d puntuak behar du.

–Tarifen aldaketa:

A tarifa.

Irabazi asmorik gabeko entitateek, legez behar bezala arautuek, B programaren onuradunak badira, urtero okupatzeagatik gizarte etxeen espazioak eta baliabideak, hala araubide komunean nola berariazko araubidean, haien estatutuei jarraikiz berezko dituzten jarduerak egiteko, Gizarte Ekipamenduen udal zerbitzu publikoa arautzen duen ordenantzan jaso bezala.

B.1 tarifa. Pertsonek eta entitateek, irabazi asmorik izan ala izan gabe, Tuterako gizarte etxeetako espazioak aldi baterako erabiltzeagatik, irekita dauden egun eta orduetan.

b.1.1.–Irabazi asmoa duten entitateei aldi baterako lagatzearen taula.

b.1.2.–Irabazi asmorik gabeko entitateei aldi baterako lagatzearen taula.

Entitateak irabazi asmorik ez duela ulertuko da estatutuetan hala adierazten denean eta inolako jarduera ekonomikorik ez duenean, edo jarduera ekonomikoaren helburu bakarra estatutuetan ezarritako interes orokorreko xedeak betetzea denean, bazkideen edo hirugarrenen artean inolako irabazirik banatu gabe, ez zuzenean ez zeharka.

b.1.2.a) Jabeen elkarteak eta antzekoak, fundazioak, alderdi politikoak, sindikatuak, kongregazio eta instituzio erlijiosoak, gremio elkarteak (merkatariak etab.) eta antzekoak.

b.1.2.b) Kultur, kirol eta laguntza elkarteak eta antzekoak.

B.2 tarifa. Pertsonek edo entitateek, irabazi asmorik izan ala izan gabe, Tuterako gizarte etxeetako espazioak aldi baterako erabiltzeagatik, irekita ez dauden egun eta orduetan.

b.2.1.–Urteko entitateak eta administrazio publikoak (Tuterako Udala izan ezik).

b.2.2.–Irabazi asmoa duten entitateak.

b.2.3.a.–Irabazi asmorik gabeko entitateak: jabeen elkarteak eta antzekoak, fundazioak, alderdi politikoak, sindikatuak, kongregazio eta instituzio erlijiosoak, gremio elkarteak (merkatariak etab.) eta antzekoak.

b.2.3.b.–Irabazi asmorik gabeko entitateak: kultur, kirol eta laguntza elkarteak eta antzekoak.

C tarifa. Gizarte etxeen programa eta zerbitzuetan parte hartzea.

1. Aplikatu beharreko tasak, Chiquiticasa eta Sustapenaren eta Partaidetzaren C Programaren Gazteen Txokoa zerbitzuengatik, honako hauek dira:

CHIQUITICASA

GAZTEEN TXOKOA

(*) 6 saioko abonamendua eta 15 saiokoa lotuak daude herritar txartela edukitzearekin, eta horiek pertsonalak eta besterenduezinak dira eta zer zerbitzutarako kontratatu diren haiexendako bakarrik.

(**)  Erabilera anitzeko 6. eta 15. abonamenduak erabilita hainbat zerbitzutara sar daiteke eta hainbat lagunendako dira.

2. Informazio eta Orientazioaren A Programan aplikatu beharreko tarifak:

3. 1.–Informazio eta Orientazioaren A Programaren eta C Programaren hiru hileko, sei hileko eta urteko abonamenduen tarifek honako hobari hauek izanen dituzte:

a. Hobaria familia ugariendako, agiri bidez frogatzen badute.

a.1.–Familia ugaria, kategoria berezia: %50eko hobaria.

a.2.–Familia ugaria, kategoria arrunta: %20ko hobaria.

b. Hobaria aipatu zerbitzuetan inskribatuta dagoen familia unitate bereko kide bakoitzeko, zerbitzu horietan inskribatzen den familia unitate bereko bigarren pertsonarekin hasita (hura ere barne), betiere familia unitate hori familia ugariaren beherapenaz aprobetxatu ez bada.

b.1.–Inskribatutako bigarren kideagatik: %5eko hobaria.

b.2.–Inskribatutako hirugarren kideagatik: %10eko hobaria.

b.3.–Inskribatutako laugarren kideagatik: %15eko hobaria.

c. %75eko hobaria, oinarrizko errentaren onuradunentzat, egoera hori behar bezala frogatuz gero.

d. Hobari bat, norberaren egoeragatik, honelaxe:

d.1.–Haurrak (13 urte artekoak, horiek barne): %10eko hobaria.

d.2.–Gazte txartela (14 urtetik 30 urtera bitartekoak, horiek barne): %10eko hobaria.

d.3.–Pentsioa, erretiroa eta desgaitasuna (4.3 artikulua): %10eko hobaria.

d.4.–Langabeak (4.5 artikulua) - %10eko hobaria.

e. %5eko hobaria, Gizarte Etxeetako A eta /edo C programetako bateko abonamendua indarrean edo matrikula egina izanik, A eta/edo C programetako, bereziki D puntuetakoak, beste zerbitzu, programa eta/edo jardueretan izena eman edo ordaintzen badute. Hobaria aplikatuko da bigarren jarduera eta/edo programan izena eman edo ordaintzen denean, horiek batera izan edo bata bestearen ondotik, baina ez da metagarria izanen, %5ekoa mantendu eginen delako.

2.–3.1.d puntuan bildutako hobariak ez dira aplikatuko Sustapen eta Partaidetzako C Programaren zerbitzuetarako abonamenduen kasuan, hain zuzen ere tarifa horiek aurreikusiak dira adin jakin bateko populazio sektoreendako.

3.–3.1. puntuan bildutako hobariak aplikatuko dira Sustapen eta Partaidetzako C Programaren jarduera berezietan eta jarduera soziokulturaletan egiten diren matrikulen kuotetan, betiere Gizarte Etxeetako D puntuan bildutako hitzei jarraikiz, kasu bakoitzean zehazten den gisan.

4.–3.1.a, 3.1.b, 3.1.c eta 3.1.d puntuetan definitutako hobariak ez dira bateragarriak haien artean.

5.–3.1.e puntuan adierazitako hobaria bateragarria da 3.1.a, 3.1.b, 3.1.c eta 3.1.d puntuetan azaldutakoekin.

D tarifa. Gizarte etxe horiek antolatutako ekitaldi, ikastaro, tailer, mintegi eta antzeko jardueretara joateagatik.

–Ekitaldi bakoitzerako erabakitzen dena.

E tarifa. Gizarte etxeetako zenbait ondasun higiezinen erabilera, hau da, baliabide deituko ditugun horien erabilera, hala nola: ikus-entzunezko baliabideak etab.

–Baliabide bakoitzagatik:

–Elkarteen bulego komuna erabiltzeagatik:

Elkarteak, araubide komunean edo berariazko araubidean, B programa urtero okupatzeagatik (Espazioak eta baliabideak lagatzea).

F tarifa. Aterpetxea erabiltzeagatik, lagun eta egun bakoitzeko.

–Ostatua eta maindireak:

• 30 urtetik beheitikoak: 18,35 euro bakoitzak eguneko.
• 30 urtekoak edo hortik goitikoak: 20,70 euro bakoitzak eguneko.

–Ostatua eta maindireak:

• Familia: 3 urte edo gutxiagoko haurrak, dohainik, familia aterpekidearen txartelarekin: 16,65 euro bakoitzak eguneko.
• Taldeak (gutxienez 10 lagun): 16,65 euro bakoitzak eguneko.
• Erromesak: 16,65 euro bakoitzak eguneko.

–Osagarriak.

• Okupatu gabeko ohea: 5,15 euro.
• Eskuoihal sorta: 3,50 euro.

–Aterpekidearen txartela.

• Gazte txartela: 5,35 euro.
• Heldu txartela: 12,80 euro.
• Familia txartela: 25,60 euro.
• Talde txartela: 16,00 euro.

22 zk. Ordenantza fiskala, Udalaren makineria, ibilgailuak, lanabesak eta bertzelako elementuak uzteko prezio publikoak arautzen dituena.

–4. tarifatik d) zatia kendu da (udal karpari dagokiona), eta gainerakoa berrantolatu egin da.

–Tarifen aldaketa:

1. Langileak:

Kontzeptu honengatik aplikatu beharreko tarifak zerbitzua egiten den garaian indarra duten soldatei dagozkienak izanen dira, gehi %31,59, Gizarte Segurantzako eta klase pasiboetako kostu gisa.

2. Materialak:

Kontzeptu honengatik aplikatu beharreko tarifak Udalak erabilitako materialak erosi edo lortu prezioan kitatuko dira, eta hornitzaileen fakturak hartuko dira oinarritzat.

3. Ibilgailuak eta makineria:

a) 3.500 kg bitarteko kamioiak: 38,65 euro/ordua.

b) 3.500 kg baino gehiagoko kamioiak: 69,20 euro/ordua.

c) Konpresoreak: 11,70 euro/ordua.

d) Kale garbitzeko kamioia: 39,05 euro/ordua.

e) Lur orotako ibilgailua: 31,90 euro/ordua.

f) Atzerakako hondeamakina: 42,60 euro/ordua.

4. Bestelakoak:

a) Banderak eta bandera txikiak, bakoitzeko: 1,80 euro/eguna.

b) Metalezko edo zurezko mastak, bakoitzeko: 2,31 euro/eguna.

c) Oholtza eta olana: 69,20 euro/eguna

d) Etxola eramangarria (bakoitza): 130,15 euro/eguna.

e) Metalezko hesiak, bakoitzeko: 2,30 euro/eguna.

f) Mangerak, metro lineal edo zatikiko: 0,27 euro/eguna.

g) Kaleargien makuluak, propagandarako: 5,65 euro/eguna.

h) Harea iragazkiak: 1,64 euro/eguna.

5. Aurreikusi ez diren kasuak tarifako antzekoekin parekatuko dira, kontuan hartuz indarra duten kostu ofizialak edo merkatukoak.

25 zk. Ordenantza fiskala, Tuterako Udalaren Ur Batzordeak ordainarazi beharreko tasak arautzen dituena.

–Tarifen aldaketa:

“1. Saneamendurako kamioiaren zerbitzua (prezioa/ordua):

• a) aukera. Gidaria eta behargin bat: 80,50 euro/ordua.
• b) aukera. Gidaria eta bi behargin: 100,17 euro/ordua.

Denbora kontatzerakoan joan-etorriak ere kontutan hartuko dira.

2. Ur-ihesak hautemateko zerbitzua:

3. Uraren azterketa (Canrasoko ETAP laborategia):

A) Parametroen analisia:

B) Analisi motak:

4. Hirugarrenendako hainbat zerbitzu (lan egindako ordu bakoitzeko):

26 zk. Ordenantza fiskala, Agiriak luzatu eta tramitatzeko tasak arautzen dituena.

1. Fotokopiak:

a) Orrialde bateko dokumentuak: 0,14 euro.

b) Bi orrialdeko dokumentuak: 0,20 euro.

c) Fotokopiatu beharreko dokumentuak bilatzen eta biltzen, aitzinetik lan egindako ordu bakoitzeko: 19 euro.

2. Planoen kopiak:

a) m² 1 bitarte: 6,85 euro.

b) m² 1etik goiti egiten duen m² edo zatiki bakoitzeko: 4,10 euro.

3. Arma txartelen tramitazioa: 9,75 euro.

4. Arriskutsuak izan daitezkeen animaliak edukitzeko administrazio baimena: 13 euro.

5. Egoiliar txartela tramitatzea (eremu berdea): 4,10 euro.

6. Udal zerbitzuak erabiltzeko txartela tramitatzea (galtzeagatik): 4,10 euro.

7. Kirol instalazioetan sartzeko txartela tramitatzea (galtzeagatik): 4,10 euro.

8. Ordenantza fiskalen ale baten salneurria: 38 euro.

9. Aurrekontu arruntaren ale baten salneurria: 9,70 euro.

10. Istripuen gaineko txostenak-atestatuak: 61,70 euro.

11. Plan orokorraren fitxategia, euskarri informatikoan dagoena: “500 orrialdeak” izenekoetan oinarrituta emanen dira, disketean. Bi formatu daude, aukeran:

a) Microswtatio formatua (DGN).

• 102,00 euro lehendabiziko orria eta,
• 30,50 euro hurrengoak.

b) DWG formatua.

• 152,20 euro lehendabiziko orria eta,
• 81,60 euro hurrengoak.

12. Ziurtagiriak eta baimenak luzatzea: 1,00 euro.

13. Horma-hilobien, errauts-kutxategien edo hilobien kontzesioaren kopia: 3,10 euro.

14. Arriskutsuak izan daitezkeen animaliak edukitzeko karnetaren kopia: 3,10 euro.

27 zk. Ordenantza fiskala, Autotaxietarako eta alokatzen diren gainerako ibilgailuetarako lizentziak eta baimenak emateko tasak arautzen dituena.

–Tarifen aldaketa:

A) Lizentziak ematea, luzatzea eta erregistratzea:

Lizentzia bakoitzeko:

• 1. A motakoa: 1.596,70 euro.
• 2. B motakoa: 801,50 euro.
• 3. C motakoa: 409,90 euro.

B) Ibilgailuak ordeztea:

Lizentzia bakoitzeko:

• 1. A motakoa: 176,75 euro.
• 2. B motakoa: 176,75 euro.
• 3. C motakoa: 176,75 euro.

28 zk. Ordenantza fiskala, Obra lizentziak eta baimenak ematearekin eta jakinarazitako obren kontrol edo/eta ikuskapenekin zerikusia duten zerbitzuak egiteko tasak arautzen dituena.

–Tarifen aldaketa:

1. Etxe berriak, berrikuntzako obrak, tramitazio laburtukoak, obra txikiak, kontserbaziokoak eta apaintzekoak, eraikinak eraitsi, bota, hustu eta apeatzeko obrak, baita obra txiki adieraziak ere:

Karga-oinarriari %1eko tarifa aplikatuko zaio; gutxieneko tarifa 41,85 eurokoa izanen da.

2. Zuhaitzak botatzea eta eramatea:

a) Jabetza publikoko zuhaitz bakoitzeko (zuhaitzaren kostua ez da ordaindu behar, parke eta lorategien mantentze-laneko kontrata duen enpresaren balorazioari jarraikiz):

• 141,20 euro.

b) Jabetza pribatuko zuhaitz bakoitzeko:

• 70,25 euro.

29 zk. Ordenantza fiskala, Establezimenduak irekitzeko eta erabilera aldatzeko lizentzien tasak arautzen dituena.

–Tarifen aldaketa:

• 7.a) artikulua: 94,30 euro.
• 7.b.2) artikulua: 143,40 euro.

30 zk. Ordenantza fiskala, Hilerriko zerbitzuak egiteko tasak arautzen dituena.

–Tarifen aldaketa:

1. Ehorzketak.

A.–Hilotzak:

a) Horma-hilobian: 43,28 euro.

b) Panteoian: 78,75 euro.

c) Panteoi bikoitzean edo kaperan: 70,20 euro.

B.–Errautsak:

a) Horma-hilobian, panteoian edo errauts-kutxategian: 32,90 euro.

2. Hobitik ateratzea.

A.–Hilotzak (ehortzi zenetik 5 urte iragan gabe): 83,40 euro.

B.–Gorpuzkiak: 50,10 euro.

C.–Errautsak: 26,15 euro.

3. Gorpuzkiak biltzea.

A.–Horma-hilobietan: 55,45 euro.

B.–Panteoietan:

a) Lehen gorpuzkia: 55,45 euro.

c) Gorpuzki gehiago, bakoitzeko: 25,50 euro.

4. Hilotzak eta errautsak beste leku batera eramatea.

A.–Hilerriaren barrenean, ehortzi zenetik bost urte iragan gabe: 136,70 euro.

B.–Hilerriaren barrenean, ehortzi eta bost urte iragan eta gero: 116,15 euro.

C.–Hilerriaren barrenean, errautsak beste leku batera eramatea: 59 euro.

D.–Beste hiri batzuetatik ekartzen diren hilotzek eta errautsek hilerriaren barrenean lekuz aldatzen direnek sortutako tasa berak izanen dituzte.

5. Hilobien titulartasunaren aldaketak.

A.–Hilobi bakunaren titularra aldatzea: 41,60 euro.

B.–Hilobi bikoitzaren edo kaperen titularra aldatzea: 81,70 euro.

C.–Horma-hilobien titularra aldatzea: 41,50 euro.

D.–Errauts-kutxategien titularra aldatzea: 20,75 euro.

6. Horma-hilobien, errauts-kutxategien eta hilobien kontzesioak.

A.–Horma-hilobi bakoitzeko (15 urte): 548,50 euro.

B.–Errauts-kutxategi bakoitzeko (15 urte): 271,35 euro.

C.–Hilobi bakun bakoitzeko (25 urte): 741,35 euro.

D.–Hilobi bikoitz edo kapera bikoitz bakoitzeko (25 urte): 1.482,65 euro.

E.–Hilobi laukoitz edo kapera laukoitz bakoitzeko (25 urte): 2.224 euro.

7. Kontzesioak luzatzea.

A.–Horma-hilobiaren kontzesioa luzatzea (15 urte, bakoitza): 548,50 euro.

B.–Errauts-kutxategiaren kontzesioa luzatzea (15 urte, bakoitza): 271,35 euro.

C.–Hilobi bakunaren kontzesioa luzatzea (25 urte, bakoitza): 741,35 euro.

D.–Hilobi bikoitzaren edo kapera bikoitzaren kontzesioa luzatzea (25 urte, bakoitza): 1.482,65 euro.

E.–Hilobi laukoitzaren edo kapera laukoitzaren kontzesioa luzatzea (25 urte, bakoitza): 2.224 euro.

32 zk. Ordenantza fiskala, Ordezko betearazpenen tasak eta betearazpen aginduenak arautzen dituena.

–7. artikuluko ehunekoa aldatu da, eta %21ekoa izanen da.

33 zk. Ordenantza fiskala, Ikuskapenak egiteko tasak arautzen dituena.

–Tarifen aldaketa:

1. Motorrak.

a) Osotara jarritako 2 Z.P. arte: 43,70 euro.

b) 6 Z.P. arte: 104,75 euro.

c) 16 Z.P. arte: 209,65 euro.

d) 50 Z.P. arte: 436,60 euro.

e) 50 Z.P.tik goitiko Z.P. bakoitzeko, 200 Z.P. arte: 4,37 euro.

f) 200 Z.P.tik goitiko Z.P. bakoitzeko, 500 Z.P. arte: 2,26 euro.

g) 500 Z.P.tik goitiko Z.P. bakoitzeko: 1,03 euro.

2. Lurrun sorgailuak.

a) 1.000 kg lurrun orduko, gehienez: 436,50 euro.

b) 1.000-5.000 kg lurrun orduko: 871,50 euro.

c) 5.000 kg lurrun baino gehiago orduko: 1.309,80 euro.

3. Transformadoreak.

a) 25 kW arte: 56,85 euro.

b) 26tik 50 kW arte: 125,60 euro.

c) 51tik 75 kW arte: 194,30 euro.

d) 76tik 100 kW arte: 231,30 euro.

e) 101etik 150 kW arte: 273,45 euro.

f) 151tik 200 kW arte: 305,40 euro.

g) 201etik 300 kW arte: 355,60 euro.

h) 301etik 400 kW arte: 395,50 euro.

i) 401etik 600 kW arte: 428,78 euro.

j) 601 kW-tik goiti, 1.000 kW edo zatikiko: 460,65 euro.

k) Transformadore birakarien kasuan %100 igoko dira kuotak.

4. Jasogailuak.

• Bakoitzeko: 87,90 euro.

5. Ponpak eta labeak.

• Bakoitzeko: 88 euro.

6. Soldadura.

a) Arkuzko soldadura multzoak: 34,95 euro.

b) Soldadura autogenoko ekipoak: 34,95 euro.

c) Argoi eta gas geldoaren bidezko soldadura bereziak, automatikoak, irtenuneen bidezkoak, puntuen bidezkoak etab.: 43,80 euro.

d) Plastikoak soldatzeko tresnak: 22 euro.

7. Berogailuen eta/edo ur bero zentralaren instalazioak.

a) Galdaren edukiera 50.000 kcal/h artekoa denean: 26,80 euro.

b) 50.000tik 100.000 Kcal/h arte: 53,55 euro.

c) 100.000tik 250.000 Kcal/h arte: 133,85 euro.

d) 250.000tik 500.000 Kcal/h arte: 267,75 euro.

e) 500.000tik milioi bat arte: 535,50 euro.

f) Milioi batetik goiti: 1.070,90 euro.

8. Hobi septikoak ikuskatzea:

• Bakoitzeko: 92 euro.

9. Eraikinak ikuskatzea.

a) Segurtasun baldintzak, eraikitako metro koadroko: 0,78 euro.

• Gutxieneko eskubideak: 53,45 euro.

b) Eraikuntzen segurtasun orokorra ukitzen ez duten elementu bereziak aztertzea, azterketa bakoitzeko: 92,35 euro.

10. Garaje komunitarioetan egindako ikuskapenak.

• Lurzoruko metro koadro bakoitzeko: 0,15 euro.

11. Establezimenduetan edo bestelako instalazioetan egindako ikuskapenak.

a) Norberaren nekazaritza gaiak saldu ahal izateko ikuskapenak (Alkatetzaren abuztuaren 29ko 232/1986 Dekretua): 92,35 euro.

b) Ferietako karrusel eta tresnak, bakoitzeko: 92,35 euro.

12. Txertoak.

• Identifikatu eta txertatzea: Nafarroako Gobernua.
• Identifikatzea soilik: Nafarroako Gobernua.
• Txertatzea soilik: Nafarroako Gobernua.

13. Elikagaiak esportatzeko albaitarien ziurtagiri ofiziala: 22,40 euro.

34 zk. Ordenantza fiskala, Ibilgailuak eremu publikotik kentzeko eta ondotik altxatzeko zerbitzua egiteko eskubideak eta tasak arautzen dituena.

–Tarifen aldaketa:

1.–Ibilgailuak altxatokira eramatea eta zaintzea:

2.–Karabanak, atoiak, laborantzako lanabesak, nabigazio-ontziak altxatokira eramatea:

A) Zerbitzu egitera joan edo karabanak, atoiak, laborantzako lanabesak edo nabigazio-ontziak Udalaren altxatokira eramateko lanak hasi ondoren, gidaria, jabea edo hark baimendutako pertsona agertzeagatik lana bukatzen ez bada: 42,45 euro.

B) Zerbitzu osoa egiten bada, karabana, atoia, laborantzako lanabesa edo nabigazio-ontzia udal altxatokiraino eramanez: 60,75 euro.

C) Karabana, atoia, laborantzako lanabesa edota nabigazio-ontzia altxatokira eraman eta inork eraman gabe 48 ordu pasatzen direnean, zaintzagatiko tarifa, egun edo zatiki bakoitzeko, hau izanen da: 4,25 euro.

35 zk. Ordenantza fiskala, Ur horniduraren, saneamendu-estolderiaren, arazketaren eta uraren ziklo integralarekin zerikusia duten gainerako zerbitzu eta jardueren tasa arautzen duena.

–Kendu egin da 5. artikuluko 2. zenbakia, eta artikulu horretako oraingo 3. zenbakia 2.a izanen da.

–Akats zuzenketa tarifetan:

I. Zergapeko egintzak, 4.a) artikuluan aurreikusitakoak:

1.–Kuota finkoak, kontagailuaren kalibrearen arabera:

4.a) artikuluan, 1. puntuan, aurreikusitako zergapeko egintzan, 13 mm-ko kontagailuaren araberako tarifa finkoetan, aldatu egin da hiruhileko kuotaren zenbatekoa, akats bat izan baita 2012. eta 2013. urteetan: 4,75 euro agertzen ziren, baina 9,75 euro behar zuen hiruhileko kuota gisa.

–Tarifen aldaketa:

II. 4.b) artikuluan aurreikusitako zergapeko egintzak:

Kuota finkoak (saneamendua-estolderia), hornidurarako paratutako kontagailuaren kalibrearen arabera:

III. 4.c) artikuluan aurreikusitako zergapeko egintzak:

Aldatu egin da goi hornidurako tarifaren zenbatekoa:

B) Goi hornidura:

• Tarifa: uraren goi hornidura beste udalerri batzuei: 0,2898 euro.

IV. 4.d) artikuluan aurreikusitako zergapeko egintzak:

1.–Kuota finkoa hargune eskubideengatik: hornidura hargunearen diametroaren arabera:

2.–Salbuespen kasuetan, Uraren ziklo integralaren kudeaketa arautzen duen ordenantzaren arabera, ur horniduraren sareko hargunea izateko eskubidea bakarrik eskatzen denean edo saneamendu sarerakoa soilik, arau hauek aplikatuko dira:

1. Hornidura sareko hargunea izateko eskubidea: zenbatekoa tarifa orokorraren %50 izanen da.

2. Saneamendu sareko hargunea izateko eskubidea: zenbatekoa tarifa orokorraren %50 izanen da, hargunea baterakoa (ur beltzak eta euri urak batera) edo bereizia izan.

V. 4.e) artikuluan aurreikusitako zergapeko egintza:

1.–Ikuskapenetarako kuota finkoa:

Tasaren zenbatekoaren barrenean dago kontagailua desmuntatu, muntatu eta garraiatzea.

Bertan ez da sartzen egiaztapena egiten duen laborategi homologatuak fakturatzen duen egiaztapenaren kostua. Kostu hori ordainaraziko zaio, hala denean, egiaztapena eskatu duenari.

38 zk. Ordenantza fiskala, Udalaren hemerotekako, artxiboko eta liburutegiko funtsak kopiatzeko zerbitzuak emateagatik ordaindu beharreko tasak arautzen dituena.

–5. artikulua, non tasen zenbatekoa zehazten baita (VII. atala), eta helbide elektronikoaren aipamena kentzen, posta arruntaren bidezko igorpenak soilik utziz.

–Salbuespenen eta hobarien atalean (6.1 artikulua), aldaketa bat egin da, gaur egungo baldintzetara egokituz. Testu hau du:

“6. artikulua. 1. Artxibo historikoko dokumentuen kopiek, edozein fotokopia mota erabiliz dokumentutik, mikrofilmetik edo artxibo digitaletik abiatuta, %50eko hobaria izanen dute tasetan, baldin eta ikertzaileek aitorpen pertsonal sinatu baten bidez adierazten badute interes orokorreko ikerketa lan bat egiten ari direla, eta ez lan pertsonal edo pribatua. Hobari horixe emanen zaie unibertsitateko ikasleei edo unibertsitatez kanpokoei, behar bezala kreditatuta badaude”.

–5. artikuluko tarifen aldaketa: VII. atalaren 2. tarifako idazketa eta zenbatekoa aldatu dira, baita zenbatekoak eguneratu ere.

I. Dokumentuen fotokopiak.

1) DIN A4 fotokopiak.

a) Alde bakarretik: 0,14 euro.

b) Bi aldeetatik: 0,20 euro.

2) DIN A3 fotokopiak: 0,20 euro.

3) Inprimagailuen bidezko DIN A4 kopiak.

a) Kopiak zuri-beltzean: 0,18 euro.

b) Kopiak koloretan: 1,80 euro.

4) Inprimagailuen bidezko DIN A3 kopiak: 0,25 euro.

II. Planoen fotokopiak.

1) m² 1 bitarte: 6,30 euro.

2) m² 1etik goiti egiten duen m² edo zatiki bakoitzeko: 3,75 euro.

III. Fitxategi digitala.

1) Euskarri gabeko testu dokumentu baten kopia digitala: 0,35 euro.

2) Euskarri gabeko dokumentu grafiko baten kopia digitala: 0,52 euro.

3) Testu doc baten erreprodukzio digitala argitalpenerako: 14,60 euro.

4) doc grafiko baten erreprodukzio digitala argitalpenerako: 20,95 euro.

5) Testu doc bat digitalizatzea (OCR gabe), irudiz eta kopiaz fitxategi digitalean: 0,65 euro.

6) doc grafikoa digitalizatzea eta fitxategi digitaleko kopia: 10,40 euro.

IV. Argazkiak egitea.

1) Zuri-beltzeko kopia argazkiko paperean: 10,45 euro.

2) Koloretako kopia argazkiko paperean: 11,25 euro.

3) Kopia digitala, argazkia: 6,95 euro.

4) Zuri-beltzeko argazki kopia, inprimagailuko paper satinatuan, DIN A4: 4,65 euro.

5) Koloretako argazki kopia, inprimagailuko paper satinatuan, DIN A4: 5,80 euro.

6) Argazkia digitalizatzea eta kopia fitxategi digitalean ematea: 10,45 euro.

V. Kopiatze lana, argazkien alokairu gisa (irudia).

1) Erakusketen katalogoak.

a) Katalogoaren barneko orria: 20,95 euro.

b) Katalogoaren azala: 48,80 euro.

c) Erakusketaren kartela: 104,60 euro.

2) Argitalpen inprimatuak.

a) Egunkari eta aldizkarien barneko orria: 41,80 euro.

b) Liburuen barneko orria: 27,90 euro.

c) Egunkari, aldizkari eta liburuen azalak: 69,75 euro.

d) Kartelak: 104,60 euro.

VI. Euskarrien prezioak*.

1) CD-ROM: 1,15 euro.

2) DVD: 1,65 euro.

VII. Postaz igortzea*.

1) 1etik 10 kopiara bitarte, paperean edo euskarri digitalean: 2,10 euro.

2) 10 orritik goiti, 10eko bloke bakoitzeko: euro 1,00.

* VI. eta VII. ataletan ezarritako prezioak batu eginen zaizkio, hala bada, egindako kopia guztien baturari.

39 zk. Ordenantza fiskala, Ezkontza zibilak eta hilberrien aldeko agur zibilak egiteko zerbitzuen tasak arautzen dituena.

–4. artikulua aldatu da, tasaren zenbatekoari dagokionez. Hemendik aurrera 112 eurokoa izanen da.

40 zk. Ordenantza fiskala, Tuterako Udalaren Zerbitzuen Zentroko zerbitzuak eta ekipamenduak erabiltzeagatik ordaindu beharreko tasak arautzen dituena.

–Tarifen aldaketa:

1. Faxak bidaltzea.

a) Orrialde bat eta iraupena minutu batekoa gehienez: 1,10 euro.

b) Gainerako orrialdeak, bakoitzeko: beste 0,33 euro.

c) Bidalketak minutu bat baino gehiago hartzen badu, minutu bakoitzeko: beste 0,33 euro.

2. Agiriak inprimatzea.

a) Zuri-beltzeko A4 agiriak, alde bakarra: 0,13 euro.

a) Zuri-beltzeko A4 agiriak, 2 aldeak: 0,21 euro.

a) Kolorezko A4 agiriak, alde bakarra: 0,26 euro.

d) Kolorezko A4 agiriak, 2 aldeak: 0,32 euro.

e) Zuri-beltzeko A3 agiriak, alde bakarra: 0,15 euro.

f) Zuri-beltzeko A3 agiriak, bi aldeak: 0,22 euro.

g) Kolorezko A3 agiriak, alde bakarra: 0,28 euro.

h) Kolorezko A3 agiriak, bi aldeak: 0,34 euro.

3. Agiriak eskaneatzea.

• Orrialde bakoitza: 0,55 euro.

4. Zerbitzuen Zentroaz noiz edo noiz baliatzea.

Eremuak: erabiltzeko eskatu den ordu bakoitzeko, Zerbitzuen Zentroa eta Enpresa Mintegia irekita dauden egun eta orduetan.

• 1. kategoria: Tuterako Udalak eta beste administrazio publiko batzuek eta haien erakunde autonomoek beren baliabideekin sustatu, antolatu edo besteekin batera antolatutako jarduerak. Zentroa doan lagako da.
• 2. kategoria: honakoek sustatu, antolatu edo besteekin batera antolatutako jarduerak:
• Administrazio publikoak, irabazi asmorik gabeko entitateekiko kontratazio, lagapen edo hitzarmen bidez.
• Administrazio publikoak, irabazi asmoa duten enpresekiko kontratazio bidez.
• Administrazio publikokoak ez diren eta irabazi asmorik ez duten elkarte eta entitate sozialak, instituzionalki homologatu edo/eta erregistratutakoak badira, jarduerak egiteagatik, baldin eta jarduera horietako profesionalekin harreman ekonomikoa, lan arlokoa edo kontratu bidezkoa badute.
• Prestakuntza gela: 4,60 euro/ordua.
• Bilera aretoa: 4,00 euro/ordua.
• Langela: 3,70 euro/ordua.
• 3. kategoria: sindikatuak, kooperatibak, auzo elkarteak, jabe edo jabekideen elkarteak, gremioetako elkarteak eta antzeko beste entitate batzuk; betiere, irabazi asmorik eta izaera sozialik gabeak, beraien taldeko interesak sustatu, tratatu eta/edo defendatzeko jarduerak egiteagatik.
• Prestakuntza gela: 8,60 euro/ordua.
• Bilera aretoa: 8,00 euro/ordua.
• Langela: 7,75 euro/ordua.
• 4. kategoria: irabazi asmoa duten entitate edo pertsona pribatuek antolatu edo garatutako jarduerak.
• Prestakuntza gela: 11,50 euro/ordua.
• Bilera aretoa: 9,20 euro/ordua.
• Langela: 8,00 euro/ordua.

45 zk. Ordenantza fiskala, Tuterako Udalaren enpresa mintegiko eremuak erabiltzeko tasak arautzen dituena.

–Tarifen aldaketa:

46 zk. Ordenantza fiskala, La Cometa udal ludotekako instalazioak erabiltzeko tasak arautzen dituena.

–5. artikuluko 3. eta 5. puntuen testu berria. Honako hau:

“3. Hiruhilekoko kuoten kasuan, kuota bakoitza osorik ordaindu beharko da eta hasia dagoen hiruhilekoa ordainduko. Uko egiten bazaio ez da zenbatekoa itzultzeko edo murrizteko eskubiderik izanen”.

“5. Eguneko hamar alditarako bonua izanez gero, eskuratzen denean ordaindu beharko da. Bonu horrek eskubidea emanen du Udalaren ludoteka zerbitzua hogei orduz erabiltzeko, dela bi orduko hamar alditan edo dela ordubeteko hogei alditan. Eguneko hamar aldiko bonuak bi denboraldiko iraungipena izanen du”.

–7.1 artikuluko 1. puntua aldatu da eta honela idatzita agertuko da:

“7.1.1. Autorización del tutor legal (v. Anexo 2) y una fotografía tipo carné”.

–Kendu egin dira xedapen iragankorrak.

–2. eranskinean, bigarren lerroaldea aldatu da. Hona hemen:

“(Guraso edo tutoreek sinatutako baimenarekin eta datu pertsonalen fitxarekin batera, karnet neurriko argazki bat aurkeztu behar da)”.

–Tarifen eta horien kontzeptuaren aldaketa:

Tarifak:

2. Castel-Ruiz Enpresa Entitate Publikoaren prezio publikoak arautzen dituen ordenantzaren aldaketak, tarifei buruzkoak, hasiera batean onestea. 2014ko urtarrilaren 1ean hartuko dute indarra. Hona hemen:

I. ERANSKINA

Prezio publikoak

II. ERANSKINA

Prezio publikoak zerbitzuengatik

Iragarkiaren kodea: L1316453