244. ALDIZKARIA - 2013ko abenduaren 20a

2. NAFARROAKO TOKI ADMINISTRAZIOA

2.2. XEDAPEN ETA IRAGARKIAK, HERRIEN ARABERA ANTOLATUAK

CORTES

Ediktua

Cortesko Udaleko alkate udalburuaren abenduaren 11ko 122/2013 Ebazpena. Horren bidez, Administrazioarekiko Auzien Jurisdikzioari buruzko Legearen 48.3 eta 48.4 artikuluetan xedatua bete beharrez eta María Belen Goñi Jiménez andreak, Fodecort S.A.ren izenean eta hura ordezkatuz, Cortesko Udalaren aurka paratutako administrazioarekiko auzi-errekurtsoa ikusirik, Cortesko Udaleko alkate udalburuaren abuztuaren 30eko 94/2013 Ebazpenaren kopian aipatu administrazio espedientean; ebatzi da Cortesko Udalaren aseguru konpainiari, Allianz, S.A.ri, horren berri ematea, auzitaratu gisa agertu eta bederatzi eguneko epean azal dadin.

Javier Blasco Mendívil, Cortesko Udaleko alkate udalburua naizen honek,

Iruñeko Administrazioarekiko Auzien 2. Epaitegiak 2013ko azaroaren 13an egin errekerimenduaren berri izanik, 2013ko azaroaren 21ean jaso baitzen (Erregistroko sarrera zenbakia: 1695/2013), eta aditzera ematen baitu María Belen Goñi Jiménez andreak, Fodecort S.A.ren izenean eta hura ordezkatuz, administrazioarekiko 355/2013 auzi-errekurtsoa paratu duela (prozedura laburtua), eta errekerimenduaren edukiari kasu eginik,

EBATZI DUT:

Lehenbizikoa.–Delako errekurtsoaren espediente oso eta folioz folio behar bezala zenbakituaren kopia eginbidetua igortzea Iruñeko Administrazioarekiko Auzien 2. Epaitegira.

Bigarrena.–Ebazpen hau Nafarroako Aldizkari Ofizialean eta Cortesko Udaletxeko ediktuen oholean argitaratzea, interesa izan dezaketenak azal daitezen eta auzitaratu gisa ager daitezen errekurtsoan, argitaratu eta bederatzi eguneko epean, Administrazioarekiko Auzien Jurisdikzioa arautzen duen uztailaren 13ko 29/1998 Legearen 49. artikuluan ezarritakoari jarraikiz, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 59.5 artikuluari loturik.

Hirugarrena.–Ebazpen hau igortzea Cortesko Udalaren aseguru konpainiari, Allianz, S.A.ri, auzitaratu gisa agertu eta bederatzi eguneko epean azal dadin, espediente honetan interesduna baita.

Laugarrena.–Ana Muñiz Aguirreurreta auzi honetarako prokuradore izendatzea, eta Fernando Isasi Ortiz de Barrón, berriz, abokatu, behar den ahalmenaz hornitua.

Bosgarrena.–Ebazpen hau Administrazioarekiko Auzien Iruñeko 2. Epaitegira igortzea, eta haren berri ematea Udalbatzako Osoko Bilkurari, egiten duen lehenbiziko bilkura arruntean.

Cortesen, 2013ko abenduaren 11n.–Alkatea, Javier Blasco Mendívil.

Iragarkiaren kodea: L1317278