1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Oposizioak eta lehiaketak. Lan publikoaren eskaintza
822/2013 EBAZPENA, azaroaren 27koa, Lehendakaritza eta Justiziako zuzendari nagusiak emana, urriaren 30eko 749/2013 Ebazpena aldatzen duena. Ebazpen horren bidez, Justizia Administrazioko Kudeaketa Prozesal eta Administratiboaren, Tramitazio Prozesal eta Administratiboaren eta Laguntza Judizialaren kidego eta eskaletako funtzionarioen artean lanpostu hutsak betetzeko lekualdatze lehiaketa, apirilaren 15eko 214/2013 Ebazpenaren bidez iragarria, behin betiko ebatzi zen.
Zuzendaritza Nagusi honen urriaren 30eko 749/2013 Ebazpenaren bidez behin betiko ebatzi zen Justizia Administrazioko Kudeaketa Prozesal eta Administratiboaren, Tramitazio Prozesal eta Administratiboaren eta Laguntza Judizialaren kidego eta eskaletako funtzionarioen artean lanpostu hutsak betetzeko lekualdatze lehiaketa, apirilaren 15eko 214/2013 Ebazpenaren bidez iragarria. Lekualdatze lehiaketa horretan Carlos Javier Asín Basarte jaunak, Laguntza Judizialaren kidegoko funtzionarioak, Deierriko (Nafarroa) Bake Epaitegian lortu du behin betiko destinoa.
Justizia eta Barneko zuzendari nagusiaren 2011ko azaroaren 8ko 13693 Ebazpena aldatzen duen Lehendakaritza eta Justiziako zuzendari nagusiaren azaroaren 26ko 809/2013 Ebazpenaren bidez, interes partikularrerako borondatezko eszedentzia eman zitzaion Carlos Javier Asín Basarte Laguntza Judizialaren kidegoko funtzionario jaunari, 2012ko urtarrilaren 4tik aurrerako ondorioekin. Eszedentzia hori Botere Judizialaren Lege Organikoaren 510.1 artikuluan dago arautua.
Justiziako funtzionarioak funtzio publikoan sartzeko, lanpostuak betetzeko eta lanbidean igotzeko Erregelamendua onetsi zuen abenduaren 7ko 1451/2005 Errege Dekretuak 43.2.b) artikuluan ezartzen du interes partikularrerako borondatezko eszedentzian dauden funtzionarioek ezin dutela lehiaketa generiko, berariazko eta izendapen librekoetan parte hartu egoera horretan egon beharreko gutxieneko nahitaezko epea bukatu arte.
Asín Basarte jaunari 2012ko urtarrilaren 4tik aurrera onartu zitzaion interes partikularrerako borondatezko eszedentzia, bi urterako gutxienez. Horren ondorioz, lekualdatze lehiaketa horretarako eskabideak aurkezteko epearen azkeneko egunean, hots, 2013ko maiatzaren 16an, lehiaketetan parte hartzeko eskatzen den gutxieneko epea bukatu gabe zegoen.
Botere Judizialari buruzko uztailaren 1eko 6/1985 Lege Organikoaren VIII. tituluan xedatutakoarekin bat, eta Justiziako funtzionarioak funtzio publikoan sartzeko, lanpostuak betetzeko eta lanbidean igotzeko abenduaren 7ko 1451/2005 Errege Dekretuaren bidez onetsitako Erregelamenduaren 43. artikuluan eta ondokoetan eta haren xedapen indargabetzaile bakarrean ezarritakoari jarraikiz, Lehendakaritza eta Justizia Zuzendaritza Nagusi honek xedatu du:
Lehena.–Carlos Javier Asín Basarte jauna, Laguntza Judizialaren funtzionarioa, lekualdatze lehiaketatik baztertzea, lekualdatze lehiaketa honetarako eskabideak aurkezteko epea bukatu zen egunean, 2013ko maiatzaren 16an, interes partikularrerako eskatu duen borondatezko eszedentziaren hasieratik lehiaketetan parte hartu ahal izateko igaro beharreko gutxieneko nahitaezko epea bete ez delako. Hortaz, Justizia Ministerioaren web orrian (www.mjusticia.gob.es) argitaratutako baztertuen zerrendan sartu behar da.
Bigarrena.–Lehiaketa honen bidez Deierriko (Nafarroa) Bake Epaitegian esleitu ez den lanpostua bete gabe uztea, salbu eta plantilla organikoa aldatuz edo lantoki bateko langileak beste modu batean antolatuz amortizatu nahi bada. Hortaz, lanpostu bete gabe hori funtzionario berri batek beteko du.
Hirugarrena.–Urriaren 30eko 749/2013 Ebazpenaren gainerako aginduak bere horretan uztea, hemen xedatutakoarekin bateraezinak ez badira. Ebazpen horren bidez, Justizia Administrazioko Kudeaketa Prozesal eta Administratiboaren, Tramitazio Prozesal eta Administratiboaren eta Laguntza Judizialaren kidego eta eskaletako funtzionarioen artean lanpostu hutsak betetzeko lekualdatze lehiaketa, apirilaren 15eko 214/2013 Ebazpenaren bidez iragarria, behin betiko ebatzi zen.
Laugarrena.–Ebazpen honen kontra gora jotzeko errekurtsoa jar daiteke, Lehendakaritza, Justizia eta Barneko kontseilariari zuzendua, hilabeteko epean, Nafarroako Aldizkari Ofizialean argitaratu eta biharamunetik aurrera.
Iruñean, 2013ko azaroaren 27an.–Lehendakaritza eta Justiziako zuzendari nagusia, José Luis Ruiz Ciruelos.
Iragarkiaren kodea: F1317008