4. PROZEDURA JUDIZIALAK
TUTERAKO LEHEN AUZIALDIKO ETA INSTRUKZIOKO
5. EPAITEGIA
Enkante deialdiaren ediktua. 542/2012 prozedura
Edurne Miranda De Ortiz de Latierro andrea, Tuterako Lehen Auzialdiko eta Instrukzioko 5. Epaitegiko idazkaria.
Bulego judizial honetan bideratzen ari den 542/2012 hipoteka betearazpenean, hurrengo ondasunak enkante bidez besterentzea erabaki da:
Hiri finka.–Familia bakarreko etxebizitza, 22. zenbakia, 2. motakoa, Arguedasko arau subsidiarioetako 12.1 azpiunitatean dagoena. Aurreko aldea Raimundo Lanas kaleko hirua da, eta laurogeita hamar metro koadroko azalera du, gehi erantsitako garaje bat, hogeita zortzi metro eta hogeita lau dezimetro koadrokoa. Guztira, ehun eta berrogeita zortzi metro eta berrogeita hamalau dezimetro koadroko azalera eraikia da.
Inskripzioa: 7.621. finka, 145. orria, 3.365. liburukia, Arguedasko 145. liburua.
Hiri finka.–Familia bakarreko etxebizitza, 24. zenbakia, 1. motakoa, Arguedasko arau subsidiarioetako 12.1 azpiunitatean dagoena. Aurreko aldea Raimundo Lanas kaleko zazpia da, eta laurogeita hamar metro koadroko azalera du, gehi erantsitako garaje bat, hogeita zortzi metro eta hogeita lau dezimetro koadrokoa. Guztira, ehun eta berrogeita zortzi metro eta berrogeita hamalau dezimetro koadroko azalera eraikia da.
Inskripzioa: 7.623. finka, 153. orria, 3.365. liburukia, Arguedasko 145. liburua.
Goian aipatutako finken balorazioa, enkantea egiteko: ehun eta zortzi mila hirurehun eta laurogeita hamabost euro eta berrogeita hamabost zentimo (108.395,55 euro).
–Enkantea egiteko tokia, eguna eta ordua: 2014ko urtarrilaren 10ean, 10:30ean, organo honetan.
–Enkantearen baldintzak eta informazioa:
1. Erregistroko ziurtagiriak eta, hala badagokio, enkantean diren ondasunen titulazioa bulego judizial honetan daude ikusgai.
2. Ulertuko da lizitatzaile guztiek nahikotzat hartzen dutela dagoen titulazioa, edo titulurik eza.
3. Auzi-jartzailearen kredituaren aurreko zamek eta kargek, horrelakorik badago, bere horretan segituko dute, eta horrenbestez, enkantean parte hartze hutsarekin lizitatzaileak hori onartzen du, eta haien ondoriozko erantzukizunean subrogaturik gelditzen da, errematea bere alde esleituz gero.
4. Enkantean parte hartzeko, posturagileek betebehar hauek izanen dituzte:
a) Beren nortasuna behar bezala frogatzea.
b) Enkantearen baldintza orokorrak eta partikularrak ezagutzen dituztela aitortzea.
c) Organo honetako Gordailu eta Kontsignazioen Kontuan, hots, Banestoren 0030 8538 80 9999999999 kontuan (oharretan 5049 0000 06 0542 12 zenbakia adieraziz) finkak enkanterako duen balioaren %5 sartu izanaren gordekina aurkeztea edo, bestela, kopuru hori adinako banku-abala jarri izanarena. Lizitatzaileak gordailu osoa edo zati bat hirugarren batengandik jasotako diruarekin egiten badu, gordekinean azaldu beharko da. Enkantearen ekitaldia bukatu ondoren, jarritako diru kopuruak itzuliko dira, posturagile onenak jarritakoa izan ezik. Ez itzultzeko berariaz eskatzen duten posturagileena ere ez da itzuliko, erremategileak prezioaren gainerako dirua epean ordaindu ezean haien aldeko errematea onets dadin.
5. Idatzizko posturak enkantea iragartzen denetik hura hasi arte egin daitezke. Gutun-azal itxietan aurkeztuko dira, aurreko atalean adierazitako baldintza berberetan. Postura horiek enkantearen hasieran irekiko dira, eta ahoz egiten direnen ondorio berberak izanen dituzte.
6. Posturak egin eta errematea hirugarren bati lagatzeko ahalmena alderdi betearazleari dagokio, ez beste inori.
7. Edukitza-egoerari dagokionez, aditzera ematen da honako hau:
Ez dago jasota higiezinaren edukitza-egoera.
8. posturarik onena enkantean jarri den ondasunaren balorazioaren %70ekoa edo handiagoa bada, errematea posturagile onenaren alde onetsiko da. Berrogei eguneko epean, erremategileak jarritako diruaren eta errematearen azkeneko prezioaren arteko aldea ordaindu beharko du. Ehuneko horretatik beherakoa bada, PZLaren 670. artikuluan adierazitakoari jarraikiko zaio.
9. Enkantea ez da iragartzen Justizia Ministerioaren menpeko enkante judizial eta elektronikoen atarian, gaurko egunean teknikoki ezinezkoa baita.
10. Enkantea egin aurreko hogei eguneko epean, edozein interesdunek eskatzen ahalko dio epaitegiari hipotekatutako higiezina ikusi ahal izatea.
11. Ezinbesteko arrazoiengatik, epaitegiari egotzi ezin zaizkion arrazoiengatik edo, oker bat dela kausa, enkantearen deialdia igande baterako edo jaiegun baterako egiteagatik enkantea adierazitako egunean eta orduan egiterik ez badago, ulertuko da hurrengo egun baliodunean eginen dela, ordu berean, larunbatak kenduta.
Ediktu hau bulego judizial honetako iragarki oholean eta ohiko leku publikoetan egonen da ikusgai enkantearen eguna arte, eta Navesa Naves Metálicas de Navarra S.L.ri jakinarazteko erabiliko da, jakinarazpen pertsonala legeak ezarritako moduan egiterik ez badago. Eta jasota gera dadin, honako hau egin dut.
Tuteran, 2013ko urriaren 24an.–Idazkaria, Edurne Miranda Ortiz de Latierro.
Iragarkiaren kodea: J1315068
