213. ALDIZKARIA - 2013ko azaroaren 5a

2. NAFARROAKO TOKI ADMINISTRAZIOA

2.2. XEDAPEN ETA IRAGARKIAK, HERRIEN ARABERA ANTOLATUAK

AMESKOABARRENA

Aldaketa, Plan Orokorreko antolamendu xehakatuko determinazioetan, Artazako ikuztegiaren eta iturriaren inguruko lerrokadurei eta bertako lurraren erabilerari dagokionez

Ameskoabarrengo alkate udalburuak, 2013ko urriaren 2an, ondotik heldu den ebazpena eman zuen, Lurraldearen Antolamenduari eta Hirigintzari buruzko 35/2013 Foru Legearen 79.3 eta 74. artikuluetan xedatutakoari jarraikiz:

1.–Hasiera batean onestea Plan Orokorreko antolamendu xehakatuko determinazioetan, Artazako ikuztegiaren eta iturriaren inguruko lerrokadurei eta bertako lurraren erabilerari dagokionez, aldaketa egiteko proiektua, Rosa M. Senosiain Elizaga arkitektoak (Estelleriko Etxebizitza eta Eraikinak Zaharberritzeko Bulegoko hirigintza zerbitzuak) prestatua eta Artazako Kontzejuak sustatua. Xedea du lerrokadura ofizialak aldatzea, bi lurzati eraikigarri mugatzeko, eta orobat jarduketa eremuan aurreikusita erabilerak esleitzea eta aurreikusitako eraikin berriko gehieneko solairu kopurua ezartzea.

2.–Aldaketa horri lotutako agiriak jendaurrean edukitzea, hilabeteko epean, iragarkiak Nafarroako Aldizkari Ofizialean, Nafarroako Foru Komunitateko egunkarietan eta Udalbatza honen iragarki oholean argitaratuta, interesa duten entitate edo lagun guztiek aztertu eta, nahi izanez gero, bidezkoak iruditzen zaizkien alegazio edo oharrak aurkez ditzaten.

Ameskoabarrenen, 2013ko urriaren 2an.–Alkatea, Diego Arturo Urra Velasco.

Iragarkiaren kodea: L1315070