2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ARROITZ
Desjabetzeko prozedura abian, S6 sektoreko 4. banaketa eremuko 1. exekuzio unitatean
Udaleko alkate udalburuak, 2013ko urriaren 29an eman ebazpenaren bidez, erabaki du:
Lehenbizikoa.–Desjabetze espedientea abiatzea Jesús Barandalla Echeverríaren, Araceli Echeverría Ajonaren, Josune Arbeo Echeverríaren, Laura Arbeo Echeverríaren eta Mikel Arbeo Echeverríaren eskaeran oinarriturik, S6 sektoreko 4. banaketa eremuko 1. exekuzio unitateko konpentsazio batzordean sartutako lurren jabeak diren aldetik, ez baitute exekuzio sisteman parte hartu nahi, Nafarroako Lurraldearen Antolamenduari eta Hirigintzari buruzko abenduaren 20ko 35/2002 Foru Legearen 162. artikuluan ezarritakoaren babespean.
Bigarrena.–Hasiera batean onestea delako exekuzio unitatearen konpentsazio batzordearen mesede ukituriko ondasun eta eskubideen zerrenda hau:
A) Katastroko 2. poligonoko 905. lurzatia, 3.131,83 m²-ko azalera duena, eta almendrondoen laborantzarako dena. Lizarrako Jabetza Erregistroan da Arroizko 2175. finka, 2704. liburukia, 61. liburua, 118. orria. Jabea: Jesús Barandalla Echeverría.
B) Katastroko 2. poligonoko 906. lurzatia, 3.170,67 m² -ko azalera duena, eta lehorreko alorra eta larrea dena. Lizarrako Jabetza Erregistroan da Arroizko 4848. finka, 2547. liburukia, 56. liburua, 127. orria. Jabeak: Araceli Echeverría Ajona, Laura Arbeo Echeverría, Josune Arbeo Echeverría eta Mikel Arbeo Echeverría.
Hirugarrena.–Ondasun eta eskubide horien onura publikoa eta okupatu beharra aitortzea eta deklaratzea.
Laugarrena.–Ukitutako ondasunen eta eskubideen zerrenda hori jendaurrean jartzea 15 egun baliodunean, interesdunek denbora horretan egokiak iruditzen zaizkien ohar edo alegazioak egin eta argitaratutako zerrendako okerrak zuzentzeko behar diren datuak ekar ditzaten, idatziz; horretarako, Udaleko Hirigintza Zerbitzuaren bulegoetan eskura izanen dituzte lurzatien planoak.
Borzgarrena.–Ebazpen hau Nafarroako Aldizkari Ofizialean, Foru Komunitateko egunkarietan eta Udalaren iragarki oholean argitaratzea.
Seigarrena.–Erabaki hau ukitutakoei jakinaraztea, behar diren ondorioak izan ditzan.
Arroitzen, 2013ko urriaren 29an.–Alkate udalburua, Antonio Ángel Moleón Segura.
Iragarkiaren kodea: L1315037