2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
LARRAGA
Aldaketa xehakatua Larragako Udal Planean, UA-23ari eta Planeko hirigintzako araudiaren 68. artikuluari dagokienez. Behin betiko onespena
Aldaketa xehakatua behin betiko onetsirik Larragako Plan Orokorreko hirigintzako antolamendu xehakatuko determinazioetan, UA-23ari eta Planeko hirigintzako araudiaren 68. artikuluari dagokienez Rafael Suescun Pérezek sustatua. 2013ko 109. Nafarroako Aldizkari Ofizialean argitaratu da, ekainaren 10ean, eta orobat Foru Komunitateko egunkarietan, eta horren ondotik jendaurreko epea iragan da inoren alegaziorik jaso gabe. Beraz, 2013ko uztailaren 31ko osoko bilkuran erabakirik, argitara ematen da orain haren testu arauemailea, hori guztia Lurraldearen Antolamenduari eta Hirigintzari buruzko abenduaren 20ko 35/2002 Foru Legearen 8. artikuluari eta Toki Araubidearen Oinarriak arautzen dituen apirilaren 2ko 7/1985 Legearen 70. artikuluari jarraikiz.
Larragan, 2013ko irailaren 26an.–Alkatea, Antonio Lamberto Urquijo.
ALDAKETA XEHAKATUA LARRAGAKO UDAL PLANEAN, UA-23ARI ETA PLANEKO HIRIGINTZAKO ARAUDIAREN 68. ARTIKULUARI DAGOKIONEZ
Hirigintzako Araudia
III. kap. Hiri lurzoruko arauak.
3. atala. Eraikuntzak bete beharreko baldintzak.
68. artikulua. “Okupazioaren baldintza orokorrak”.
1.–Eremu eraikigarriak: haien barnean eta bakarrik haien barnean zutitzen ahalko da lurzati bakoitzeko eraikin nagusia.
2.–Aitzinaldeko lorategi pribatuetan: ez da deus eraikitzen ahal, finkako itxiturak baizik ez dira zutitzen ahal, baita lur zerrenda pribatu hau akabera duin batez hornitzen ahal ere (soropila, zoladurak, landaredia...).
3.–Gibelaldeko patio pribatuan: eraikuntza tikiak baizik ez dira zutitzen ahal, kasuan kasuko araudiari jarraikiz.
4.–Mehelinak: debekaturik daude. Ezin da mehelina agerian uzten duen eraikinik egin, aldi baterako baizik ez bada ere.
Eraikin guztiak gutienez ere 3 m atzera eraman beharko dira aldameneko lurzatietako mugetatik, salbu eta eraikuntza haien aldi berekoa bada, orduan eraikinak elkarri atxikitzen ahalko baitzaizkio, atzera eraman behar izan gabe.
Lurzati eraikigarri batek mehelin batekin egiten badu muga, lurzati horretan zutitzen den eraikina mehelinari atxikiko zaio, salbu eta hura eraikuntza tiki bati badagokio.
Eraikin bat hainbat fasetan egiten bada, onartuko da mehelin bat modu iragankorrean egotea, betiere inguruabar hauek gertatzen badira:
–Mehelinak erakinaren gainerako atalen material berak eta fatxadako akabera berak izanen ditu.
–Mehelinaren gainean erlaitza izanen da.
5.–Garajea: eremu eraikigarrian kokatzen ahalko da, eraikin agusiko atal izanik edo hari atxikirik; bertzenaz, eraikin tikitzat har daiteke, dagokion araudia beterik.
6.–Unitateko araudi partikularrak bertzerik agintzen ez badu, hiri lurzoru finkatuan gehienez ere eraikin daitekeen sakonera 13 metrokoa da, lurzatiko lerrokadura ofizialetik kontatuta.”
3. poligonoko 158. lurzatirako determinazio berariazkoak
Okupazioaren baldintza orokorrak
Ez dira aldatzen okupazioaren jatorrizko baldintzak; beraz, betetzen dira arauaren zehaztapenak.
Ez da handituko eremu eraikigarria eta, eraikuntzaren sakonera 13,60 metro izanagatik ere, behar den eraikigarritasuna dago, ondotik zehazten den bezalaxe.
Hona okupazioaren kalkulua 158. lurzatian:
Lurzatiaren azalera: 732,02 m².
Hona lurzati okupatuaren ehunekoa, 13 m-ko sakonera paraleloaren artean: 143,00 m².
Beraz, gaur egun okupaturik dagoen 103,85 m²-ko azalera, zati 143,00 m² 13 m-ko sakonera paraleloaren artean 0,73 da.
Hartara, gaur egun etxebizitza bakoitzeko okupaturik dagoen 103,85 m²-ko azalera da 13 m-ko sakonera paraleloaren arteko azaleraren %73.
Proiektuan handitzen den aldean okupazioa 8,65 m² da.
Beraz, lurzatiako azken okupazioa da:
103,85 m² gaur egun direnak + 8,65 m² handitzen den aldekoak = 112,50 m².
Horrek dakar 13 m-ko sakonera paraleloaren artean okupaturiko azaleraren ehunekoa dela:
112,50 m², proiektukoa / 143,00 m², 13 m-ko sakonerakoa = 0,79.
Etxebizitza handitzeak dakar azalera okupatuaren %79.
Aurreikusitako lanetan ordezkatze obrarik ez dagoenez, ez zaio aplikatuko errepidearen presentziak markaturiko lerrokadura izatea.
Bolumenak bete beharreko baldintza orokorrak
Karrikara jotzen duen fatxadaren luzera 11 metro da; familia bakarreko etxebizitzetarako agintzen diren gutieneko 8 metroak baino gehiago eta gehieneko 14 metroak baino gutiago.
Garaierei dagokienez, eraikina bi sestra desberdinetatik aztertu da, lurraren goiti-beheitiak direla-eta. Eraikin atxiki berriaren garaiera eraikuntza arrazoien araberakoa izanen da, eta estalkiko euri uren hustuketa zuzena bermatzeko maneran. Alde batetik, fatxada nagusia beheko solairukoa da eta haren garaiera 3,48 metro da (gutieneko 3 metroak baino gehiago eta gehieneko 4 metroak baino gutiago). Bertzalde, gibelaldeko fatxada beheko solairu eta lehen solairukoa da. Kasu horretan, bai egungo eraikuntza bai proposatzen dena finkaturiko gutienekoa baino gutiago dira (6 metro).
Iragarkiaren kodea: L1313612
