2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
EZKABARTE
Arriskutsuak izan daitezkeen animalien fitxategi berriaren sorrera
Alkatetzaren 2013ko urriaren 10eko 146/2013 Ebazpenaren bidez, onetsi da Arriskutsuak izan daitezkeen animalien fitxategi berriaren sorrera, datu pertsonalak baitauzka. Ondotik ematen da aipatu ebazpena:
Udal honetan, 2013ko ekainaren 10ean egin osoko bilkuran hartutako erabakiaren bidez (2013ko 42. Nafarroako Aldizkari Ofiziala, uztailaren 26koa) arautu da Arriskutsuak izan daitezkeen animalien gaineko ordenantza. Ordenantza horrek datu pertsonalak dauzkanez, egokia da hura arautzea eta erregistratzea, 15/1999 Lege Organikoan eta hura garatzen duten arauetan xedatuari jarraikiz.
Espainiako Konstituzioaren 140. artikuluak Toki Administrazioari onartzen dizkion autonomia eta antolatzeko gaitasuna direla bide, eta Toki Araubidearen Oinarriak arautzen dituen apirilaren 2ko 7/1985 Legearen 21. artikuluan udal gobernua eta administrazioa zuzentzeko emandako eskudantziekin bat.
DEKRETATU DUT:
1. Arriskutsuak izan daitezkeen animalien fitxategia indarrean jartzea. Haietan datu pertsonalak bildu eta prozesatzen dira. Hona hemen:
ARRISKUTSUAK IZAN DAITEZKEEN ANIMALIEN FITXATEGIA |
Deskribapena | Arriskutsuak izan daitezkeen animaliak erregistratazea eta haien lizentziak tramitatzea, Arriskutsuak izan daitezkeen animaliak edukitzeko araubide juridikoari buruzko abenduaren 23ko 50/1999 Legean ezarritakoari jarraikiz. |
Tratamendu sistema | Fitxategi mistoa | Maila | Ertaina |
Xedeak eta erabilerak | Arriskutsuak izan daitezkeen zakurren erregistroa eta kontrola. Arriskutsuak izan daitezkeen animaliak edukitzeko administrazio lizentzia eskuratzea |
Ukituak | Animalien jabeak |
Datuak nola biltzen diren | Paperezko inprimakia |
Bilketan erabiltzen den euskarria | Papera |
Datuen komunikazioa | Nafarroako Gobernuari, Arriskutsuak izan daitezkeen animaliak edukitzeko araubide juridikoari buruzko abenduaren 23ko 50/1999 Legearen xedapen iragankor bakarraren arabera. |
Nazioarteko transmisioak | Ez dago aurreikusia |
Fitxategian sartu, datuak zuzendu, ezabatu eta haien kontra jotzeko eskubideak non erabili: Toki entitatearen udal bulegoetan |
FITXATEGIAN BILDUTAKO DATUEN EZAUGARRIAK |
IDENTIFIKAZIO DATUAK |
Izen-deiturak |
NAN/IFZ |
Helbidea |
Telefonoa |
EZAUGARRI PERTSONALAK |
Aseguruaren datuak |
Jaioteguna |
BEREZIKI BABESTUAK |
Osasuna (txosten psikologikoa) (1) |
ARAU-HAUSTEAK |
Administratiboak |
(1) (81-6 art.-1720/2007 ED). |
1. Lehenbiziko atalean aipatu diren datu pertsonalak, berariaz ezarri zaizkien xedeetarako baizik ez dituzte erabiliko baimena duten langileek.
2. Ebazpen honen kontra errekurtso hauetako bat aurkez daiteke, hautara:
A.–Berraztertzeko errekurtsoa, egintza egin duen organo berari zuzendua, hilabeteko epean, ebazpen hau jakinarazi eta biharamunetik hasita.
B.–Administrazioarekiko auzi-errekurtsoa, Nafarroako Justizia Auzitegi Nagusiko Administrazioarekiko Auzien Epaitegiari edo Salari zuzendua, bi hilabeteko epean, ebazpen hau jakinarazi eta biharamunetik hasita, edo bertzenaz.
C.–Gora jotzeko errekurtsoa, Nafarroako Administrazio Auzitegiari zuzendua, hilabeteko epean, ebazpen hau jakinarazten denetik hasita.
Ezkabarten, 2013ko urriaren 11n.–Alkate udalburua, Pedro M. Lezaun Esparza.
Iragarkiaren kodea: L1314206