198. ALDIZKARIA - 2013ko urriaren 14a

2. NAFARROAKO TOKI ADMINISTRAZIOA

2.1. OPOSIZIOAK ETA LEHIAKETAK. LAN PUBLIKOAREN ESKAINTZA

LIZARRA

2013ko lan eskaintza

Lizarrako Udalaren Gobernu Batzarrak, 2013ko urriaren 3an egin bilkura arruntean, honako erabaki hau hartu zuen:

“Toki Araubidearen Oinarriak arautzen dituen apirilaren 2ko 7/1985 Legearen 21.1.g artikuluan ezarriarekin bat, eta kontuan harturik bertan jasotzen diren eskudantziak Tokiko Gobernu batzarraren eskutan utzi direla Alkatetzaren uztailaren 28ko 214/2011 Dekretuaren bitartez,

ERABAKI DA:

1. Lizarrako Udalaren 2013ko ekitaldirako lan eskaintza onestea, ondotik zehazten diren lanpostuak betetzeko. Lanpostu huts horiek sarturik daude 2013ko martxoaren 23ko bilkuran onetsitako plantilla organikoan.

–Lanpostu hutsa, 7.5.-1 kodea duena, Udaltzaingoko kaboarena, barne igoeraren bidez betetzekoa.

–Lanpostu hutsak, 7.9, 7.10 eta 7.12.-3 kodeak dituztenak, udaltzainenak, txanda libreko oposizioaren bidez betetzekoak.

2. Lan eskaintza honetako lanpostuen deialdiak 2013ko edo 2014ko ekitaldietan eginen dira.”

Lizarran, 2013ko urriaren 7an.–Alkatea, María Begoña Ganuza Bernaola.

Iragarkiaren kodea: L1313804