187. ALDIZKARIA - 2013ko irailaren 27a

2. NAFARROAKO TOKI ADMINISTRAZIOA

2.1. OPOSIZIOAK ETA LEHIAKETAK. LAN PUBLIKOAREN ESKAINTZA

BERRIOZAR

Euskara teknikarien ordezkapenak egiteko
kontratazio-zerrenda osatzeko deialdia

Berriozarko Udaleko alkateak, 20130641 zenbakidun ebazpenaren bidez, euskara teknikarien ordezkapenak egiteko kontratazio-zerrenda osatzeko deialdia onartu zuen.

Berriozarren, 2013ko irailaren 19an.–Frantzisko Xabier Lasa Gorraiz alkatea.

EUSKARA TEKNIKARIEN ORDEZKAPENAK EGITEKO KONTRATAZIO-ZERRENDA OSATZEKO DEIALDIA

1. Arau orokorrak.

1.1. 2008ko apirilaren 30ean Berriozarko Osoko Bilkurak onartu zuen Toki Entitateen Arteko Lankidetza Hitzarmena, euskara teknikariak aldi baterako kontratatzeko izangaiak hautatzeko. Deialdi honen xedea da jarraian aipatzen diren toki entitateen euskara teknikarien ordezkapenak egiteko kontratazio-zerrenda osatzea: Aezkoako Batzarre Nagusia, Aranguren Ibarreko Udala, Atarrabiako Udala, Aurizko Udala, Barañaingo Udala, Baztango Udala, Berriobeitiko Udala, Berriozarko Udala, Bortzirietako Euskara Mankomunitatea, Burlatako Udala, Galarko Udala, Garesko Udala, Irantzu Mankomunitatea, Iparraldeko Euskara Mankomunitatea, Estella/Lizarrako Udala, Esteribarko Udala, Malerrekako Mankomunitatea, Orkoiengo Udala, Sakanako Mankomunitatea, Tafallako Udala, Uharteko Udala, Erronkariko Ibaxaren Batzordea, Zaraitzuko Ibaxaren Batzordea, Zizur Nagusiko Udala.

1.2. Lanpostu horiek B mailako lansaria izanen dute, uztailaren 4ko 158/1984 Foru Dekretuaren bidez onetsi zen lansarien behin-behineko erregelamenduan eta hura garatzen edo aldatzen duten gainerako xedapenetan ezarri bezala. Titulazio handiagoa duen izangaia izendatuz gero, lanposturako eskatzen den titulazioari dagokiona izanen da lansaria.

1.3. Lanaldia zerbitzuko beharrei egokituko zaie, eta administrazio organo eskudunak edozein unetan aldatzen ahal izanen du.

2. Betebeharrak.

2.1. Toki entitaterako euskara normalizatzeko eta sustatzeko plan orokor eta sektorialak prestatzea eta kudeatzea, eta horien kontrola eta jarraipena egitea.

2.2. Toki entitateak euskararen normalizazioari eta sustapenari buruz hartzen dituen erabakiak betetzen direla begiratzea, eta horiei kontrola eta jarraipena egitea.

2.3. Toki entitateari nahiz gizarteko beste sektoreei beren euskarazko jardunetan aholku eta laguntza teknikoa ematea.

2.4. Toki entitateko taldeei nahiz bertako gizarte eragileei soziolinguistika alorrean aholku ematea.

2.5. Toki Entitateko euskara batzordean parte hartzea.

2.6. Beste udal, mankomunitate eta euskara zerbitzuekin nahiz foru erakundeekin harremanean jarri eta koordinatzea.

2.7. Euskararen normalizazioan eta sustapenean diharduten eskualdeko nahiz kanpoko elkarte eta taldeekin harremanean jarri eta koordinatzea.

2.8. Toki entitateko organoek agindutako beste edozein eginkizun, lanpostuarekin zerikusia duena betiere.

3. Izangaien baldintzak.

3.1. Deialdi honetan onartuak izateko, izangaiek ondoren aipatzen diren baldintzak bete beharko dituzte eskabideak aurkezteko epea amaitzen den egunerako:

a) Espainiako hiritarra izatea, edo Europako Batasuneko beste estatu batekoa, edo Europako Batasunak izenpetu eta Espainiak berretsitako nazioarteko tratatuak direla medio langileen zirkulazio librea aplikatzen duen eremuko estatu batekoa; orobat, espainiarren eta Europako Batasuneko beste estatuetako herritarren ezkontideek hartzen ahal dute parte, zuzenbidez bereizita ez badaude; halaber, Europako Batasuneko herritarren ondorengoek eta ezkontidearenek, zuzenbidez bereizita ez badaude, 21 urtetik beheitikoak badira, edo goitikoak, haien kontura biziz gero.

b) 16 urte beteta izatea eta ez gainditzea, hala bada, derrigorrez erretiratzeko gehienezko adina.

c) EGA titulua edo baliokideren bat izatea.

d) Unibertsitateko diplomatu titulua, ingeniari teknikoarena, arkitekto teknikoarena edo titulu baliokideren baten jabe izatea, edo eskuratzeko moduan egotea eskabideak aurkezteko epea amaitzen den egunean. Abuztuaren 2ko 30/1984 legearen bosgarren xedapen iragankorrean ezarritakoaren arabera, unibertsitateko diplomatu tituluaren baliokidetzat jotzen da lizentziaturako hiru ikasturte oso gainditu izana.

e) Dagozkion egitekoak betetzeko gaitasun fisikoa eta psikikoa izatea.

f) Eginkizun publikoak betetzeko ezgaitua edo gabetua ez egotea, eta edozein administrazio publikoren zerbitzutik baztertua ez izatea. Espainiako herritartasuna ez duten izengaiek agiria aurkeztu beharko dute, beren Estatuko Funtzio Publikoan sartzea eragozten dien diziplina zehapenik edo zigor penalik ez dutela adierazteko. Baldintza horiek agiri bidez frogatu beharko dituzte hautatu eta kontratatzen diren izengaiek, kontratua izenpetu aitzinetik horretarako ezartzen zaien unean.

g) Ibilgailuak gidatzeko karneta, B mailakoa bederen, eta ibilgailua edukitzea.

4. Eskabideak.

4.1. Deialdian parte hartzeko eskabideak Berriozarko Udalaren Erregistroan aurkeztu ahalko dira (Kaleberri 7), edo Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 38.4 artikuluan aipatzen diren bitartekoetako bat baliatuz. Halaber, Berriozarko Udalaren Erregistro Telematikoaren bidez ere aurkeztu ahalko dira (www.berriozar.es).

Eskabideak bete beharko dira I. eranskineko ereduaren arabera; hori Berriozarko Udalaren Auzo Bulegoan eskuratzen ahalko da (Kaleberri 7), edo internet bidez www.berriozar.es gunean.

Eskabidean izangaiek adierazi beharko dute deialdiak jarritako baldintza guztiak betetzen dituztela eskabideak aurkezteko epea bukatzen den egunean.

4.2. Parte hartzeko eskabidearekin batera honako agiri hauek aurkeztuko dituzte izangaiek:

a) Nortasun Agiri Nazionalaren edo pasaportearen fotokopia.

b) Deialdi honen 3.1. ataleko c, d eta g puntuetan eskatzen diren baldintzak betetzen direla egiaztatzen duten agirien fotokopiak.

4.3. Agirien fotokopia konpultsatuak aurkeztuko dira, bide telematikoa erabiltzen denean izan ezik. Azken kasu horretan izangaiek aurretik bidalitako fotokopien jatorrizko agiriak (ez da agiri berririk onartuko) aurkeztu beharko dizkiote epaimahaiari oposaketaldiaren lehenengo ariketa egiten den egunean. Horrela ez egiteak deialditik kanpo utziko du izangaia.

4.4. Eskabideak aurkezteko epea hogei egun naturalekoa izanen da, deialdi hau Nafarroako Aldizkari Ofizialean argitaratu eta biharamunetik hasita.

5.–Izangaien onarpena eta prozedura.

5.1. Eskabideak aurkezteko epea amaitu ondotik, Berriozarko Udaleko alkateak ebazpena emanen du, onartu eta baztertuen behin-behineko zerrenda onesten duena, eta Berriozarko Udaletxeko iragarki oholean eta Udalaren web orrian argitara emanen du: www.berriozar.es.

5.2. Izangai baztertuek, behin-behineko zerrenda argitaratu ondoko hamar egun baliodunen barrenean, erreklamazioak egiten ahalko dituzte, eta, akatsik baldin bada, horiek zuzendu.

5.3. Erreklamazioak aurkezteko epea amaitu eta horiek ebatzi ondotik, Berriozarko Udaleko alkateak onartu eta baztertuen behin betiko zerrenda onetsiko duen ebazpena emanen du, eta Berriozarko Udaletxeko iragarki oholean eta Udalaren web orrian argitara emanen du.

6. Epaimahai kalifikatzailea.

6.1. Epaimahaia honako kide hauek osatuko dute:

Mahaiburua: Berriozarko Udaleko alkatea edo horrek eskuordetutako pertsona.

Ordezkoa: Berriozarko Udaleko euskara arloko zinegotzi arduraduna edo horrek eskuordetutako pertsona.

Mahaikidea: Nafarroako Euskara Teknikarien Lanbide Elkarteak izendatutako euskara teknikaria.

Ordezkoa: Nafarroako Euskara Teknikarien Lanbide Elkarteak izendatutako euskara teknikaria.

Mahaikidea: Nafarroako Euskara Teknikarien Lanbide Elkarteak izendatutako euskara teknikaria.

Ordezkoa: Nafarroako Euskara Teknikarien Lanbide Elkarteak izendatutako euskara teknikaria.

Mahaikidea: Berriozarko Udaleko ordezkari sindikala edo horrek eskuordetutako pertsona.

Ordezkoa: Berriozarko Udaleko ordezkari sindikala edo horrek eskuordetutako pertsona.

Idazkaria: Berriozarko Udaleko euskara teknikaria, edo horrek eskuordetutako pertsona.

Ordezkoa: Berriozarko Udaleko Giza Baliabideetako arduraduna edo horrek eskuordetutako pertsona.

6.2. Probei hasiera eman baino lehen epaimahaia eratu beharko da, eta mahaiburuak horretarako deia eginen die gainerako kideei.

6.3. Epaimahaia ezin izanen da eratu, ezta jardun ere, bere kideen gehiengo osoa bederen ez bada biltzen.

6.4. Epaimahaiak gehiengoz erabakiko ditu deialdi honen oinarriak ulertu eta aplikatzean sor daitezkeen gorabehera guztiak.

6.5. Epaimahaikideek parte hartzeari uko egin ahal diote eta halaxe jakinaraziko diote deialdia egin duen organoari, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legeak abstenitzeko aipatzen dituen arrazoiak direla medio. Halaber, izangaiek epaimahaikideak errefusatzen ahalko dituzte, arrazoi horiek izanez gero.

6.6. Epaimahaiak aholkulari adituak ekartzen ahal izanen ditu proba guztietarako edo batzuetarako bakarrik. Aholkulari horiek beren espezialitate teknikoetan aritzera mugatuko dira, eta horietan baino ez diote laguntzarik emanen epaimahaiari.

7. Lehiaketaldia.

7.1. Lehiaketak gehienez ere 25 puntuko balorazioa izanen du, eta gisa honetan banatuko da:

a) Toki entitate baten zerbitzuan euskara teknikarien funtzioetan aritu izana. Urte bakoitzeko 3 puntu eta gehienez ere 9 puntu. Denbora zatientzat (egunak edo lanaldia) proportzioan dagokiena.

b) Bestelako administrazio publiko batean euskara teknikarien funtzioetan aritu izana. Urte bakoitzeko puntu 1 eta gehienez ere 3 puntu. Denbora zatientzat (egunak edo lanaldia) proportzioan dagokiena.

c) Elkarte edo entitate pribatuetan euskararen normalizazioan dinamizatzaile, koordinatzaile edo teknikarien funtzioetan aritu izana. Urte bakoitzeko puntu 1 eta gehienez ere 3 puntu. Denbora zatientzat (egunak edo lanaldia) proportzioan dagokiena.

d) Titulazio akademiko hauek izatea:

–Hizkuntza plangintzarekin zerikusia duten graduondokoak: 4 puntu.

–Euskal Filologian lizentziatura: puntu 1.

–Soziologian lizentziatura: puntu 1.

e) Epaimahaiaren iritziz deialdiko lanpostuarekin zerikusia izan eta 15 ordutik goitiko iraupena duten ikastaroetan parte hartu izana. Gehienez ere 2 puntu.

Soziolinguistika-ikastaroak eta euskara maila hobetzeko ikastaroak (EGA maila baino altuagoak) kontuan hartuko dira soilik. Ez dira kontuan hartuko, esaterako, hizkuntzalaritza, pedagogia edo glotodidaktika arloetako ikastaroak. Puntuak honela banatuko dira:

–15-30 ordu bitarteko ikastaro bakoitzeko: 0,20 puntu.

–31-50 ordu bitarteko ikastaro bakoitzeko: 0,40 puntu.

–51-100 ordu bitarteko ikastaro bakoitzeko: 0,60 puntu.

–101 ordutik aurrerako ikastaroak: 0,80 puntu.

f) Epaimahaiaren iritziz deialdiko lanpostuarekin zerikusia duten gaiei buruzko argitalpenak, komunikazioak eta ikerketak (epaimahaiak baloratuko du lanaren kalitate nahikoa). Gehienez ere 2 puntu.

–Liburu argitaratu bakoitzeko: puntu 1.

–Artikulu argitaratu bakoitzeko: 0,25 puntu.

–Argitaratu gabeko komunikazio, hitzaldi, ikastaro edo ikerketa bakoitzeko: 0,15 puntu.

7.2. Lan-esperientzia egiaztatzeko, batetik, kontratatzaileek egindako ziurtagiriak aurkeztuko dira (egindako lan mota azalduko dute, baita kontratuaren hasiera eta bukaera data eta lanaldi mota ere) eta, bestetik, izangaiaren lan-bizitzaren agiria.

7.3. Epaimahaiak eskatu ahalko die izangaiei lehiaketaldiko puntuak erabakitzeko beharrezkotzat jotzen duen dokumentazio gehigarria.

7.4. Izangaiek lehiaketan lortutako puntuazioa Berriozarko Udaletxeko iragarki oholean eta Udalaren web orrian argitaratuko da, oposizioaldia hasi baino lehen.

8. Probak.

8.1. Proba guztien gehieneko balorazioa 75 puntukoa izanen da. Proba eta ariketa bakoitzean jarritako puntuazioaren erdia lortu beharko dute izangaiek. Hori lortzen ez duena baztertua geratuko da.

8.2. Hiru proba egonen dira: lehenengoan lanpostuan beharrezkoa den euskara gaitasun espezifikoa neurtuko da; bigarrenean ezagutza teorikoak eta, hirugarrenean, lanpostuko jarduera praktikoarekin lotutako gaitasunak. Proba bakoitzean honako ariketa hauek eginen dira:

Lehenengo proba: Lanpostuan beharrezkoa den euskara gaitasun espezifikoa egiaztatzeko proba. Gehienez ere 15 puntu. Hiru ariketa eginen dira:

Lehenengo ariketa. Ahozko gaitasuna. Izangai bakoitzari banaka eginen zaio, eta hamar minutuko iraupena izanen du. Gehieneko puntuazioa: 5 puntu (hurrengo ariketara pasatzeko, izangaiak, gutxienez, 2,5 puntu lortu beharko ditu).

Bigarren ariketa. Idatzizko gaitasuna: euskarazko testu baten zuzenketa. Gehieneko puntuazioa: 5 puntu (hurrengo ariketara pasatzeko, izangaiak, gutxienez, 2,5 puntu lortu beharko ditu).

Hirugarren ariketa. Idatzizko gaitasuna: gaztelaniazko testu bat euskarara itzultzea. Gehieneko puntuazioa: 5 puntu (hurrengo ariketara pasatzeko, izangaiak, gutxienez, 2,5 puntu lortu beharko ditu).

Bigarren eta hirugarren ariketa jarraian eginen dira, eta guztira ordu eta erdi iraunen dute.

Bigarren proba: Ezagutza teorikoak neurtuko ditu. Gehienez ere 30 puntu. Bi ariketa eginen dira:

Lehenengo ariketa. II. eranskineko gaiei buruzko testa: 80 galdera ordubetez erantzuteko. Gehienez ere 15 puntu lortu ahalko dira (hurrengo ariketara pasatzeko, izangaiak, gutxienez, 7,5 puntu lortu beharko ditu). Gaizki erantzundako galdera bakoitzarengatik 0,08 puntu kenduko dira.

Bigarren ariketa. Epaimahaiak proposatutako testu bati buruzko iruzkina. Gehienez ere 30 lerro. Gehienezko denbora: ordu bat. Gehienez ere 15 puntu lortu ahalko dira (hurrengo ariketara pasatzeko, izangaiak, gutxienez, 7,5 puntu lortu beharko ditu).

Hirugarren proba. Lanpostuko jarduera praktikoarekin lotutako gaitasunak neurtuko ditu. Gehienez ere 30 puntu. Ariketa bakarra eginen da:

Izangaiak ondoren aipatzen diren esparru geografikoen artean bat aukeratu beharko du eta horretan kokatutako euskara normalizatzeko plan orokorra idatzi eta horren defentsa egin beharko du:

1. Agoitz eta Aezkoa.

2. Aranguren Ibarra.

3. Auritz, Erroibar, Luzaide, Orreaga eta Artzibar.

4. Atarrabia.

5. Barañain.

6. Baztan.

7. Berriobeiti.

8. Berriozar.

9. Burlata.

10. Bortzirietako Euskara Mankomunitatea.

11. Esteribar.

12. Galar.

13. Gares.

14. Irantzu Mankomunitatea.

15. Iparraldeko Euskara Mankomunitatea.

16. Lizarra.

17. Malerrekako Mankomunitatea.

18. Orkoien, Oltzako Zendea eta Etxauri.

19. Sakana.

20. Tafalla.

21. Uharte.

22. Erronkari eta Zaraitzu.

23. Zizur Nagusia.

Izangaiak txostenaren 5 kopia aurkeztu beharko ditu oposizioaldiko bigarren proba egiten den egunean (hori egiten ez duten izangaiak baztertuak geldituko dira).

Epaimahaiak bai txostena, bai horren ahozko azalpena baloratuko ditu. Ordu erdi izanen du izangaiak defentsa egiteko eta beste ordu laurden bat utziko da epaimahaiaren galderak erantzuteko. Epaimahaiaren aurrean azalpena egiten ez duten izangaiak baztertuta geldituko dira.

Planak atal hauek azaldu beharko ditu, gutxienez: euskararen egoeraren diagnostikoa, helburuak, lehentasunak erabakitzeko irizpideak, eskualdeko eragileak eta baliabideak, jarduera zehatzak eta ebaluaziorako tresnak.

Berriozarko Udalak, ahal izanez gero, horrela eskatzen duten izangaiei honako baliabide hauek erabiltzeko aukera emanen die epaimahaiari aurkezpena egiteko: ordenagailu eramangarria, proiektorea eta 150 cm x 150 cm pantaila. Baliabide horiek erabiltzea erabakitzen duen izangaiak ez du denbora gehigarririk izanen, horrela adierazi beharko du txostenen kopiak aurkezteko unean eta azalpenaren egunean epaimahaiko idazkaritzak aurretik jakinarazitako orduan eta formatuan erabiliko dituen fitxategi informatikoen kopiak eman beharko ditu. Edonola ere, aurkezpena egiteko unean arazo teknikoren bat gertatuz gero, izangaiak ez du epaimahaiari edo Berriozarko Udalari erantzukizunik eskatzerik izanen.

Ariketa honetan 30 puntu lortu ahalko dira, gehienez ere (ariketa gainditzeko izangaiak, gutxienez, 15 puntu lortu beharko ditu).

8.3. Ariketa idatziak plika sistemaren bidez eginen dira eta izangaiek boligrafo urdina erabiliko dute.

8.4. Ariketa guztiak euskaraz eginen dira.

8.5. Galarazia dago ariketetara kontsultarako materiala eramatea.

8.6. Ariketa bakoitzerako deialdi bakarra eginen da, eta izangaiek Nortasun Agiria aldean dutela agertu beharko dute. Iragarritako egun, ordu eta tokietara, edozein arrazoi dela bide, agertzen ez diren izangaiak baztertuta geldituko dira.

9. Probak baloratzea.

9.1. Epaimahaikide bakoitzak bere aldetik emanen du ariketa bakoitzaren kalifikazioa, eta kalifikazio guztien batez besteko aritmetikoa izanen da ariketa horren puntuazioa. Epaimahaikideek emandako puntuaziorik handienaren eta txikienaren arteko aldea ariketa horretarako baldintzetan aurreikusitako puntuazioaren ehuneko 30 baino handiagoa bada, muturreko bi puntuazio horiek ez dira kontuan hartuko, eta banaz besteko aritmetikoa lortzeko gainerako puntuazioak baino ez dira erabiliko.

9.2. Ariketa bakoitza bukatutakoan, epaimahaiak probak gainditu dituztenen zerrenda eta erdietsitako kalifikazioa jarriko ditu Berriozarko Udaletxeko iragarki oholean eta Udalaren web orrian. Han zehaztuko da hurrengo ariketa non, noiz eta zein ordutan hasiko den.

10. Probak gainditzen dituztenen zerrenda.

10.1. Azken ariketaren kalifikazioa eman ondotik, epaimahaiak gainditu duten izangaien zerrenda jarriko du Berriozarko Udaletxeko iragarki oholean eta Udalaren web orrian. Zerrenda hori erdietsitako puntuazioaren arabera eginen da, puntuazio gehien lortu duen izangaitik hasita, behin izangai bakoitzak ariketetan eta lehiaketan lortutako puntuak batuta.

10.2. Azken puntuazioan bi izangairen edo gehiagoren artean berdinketa gertatuz gero, hirugarren proban puntu gehien lortutako izangaia geratuko da aurretik kontratazio-zerrendan. Horretan ere berdinketa izanez gero, honako puntuazioei begiratuko zaie, hurrenkera honetan: bigarren probako lehengo ariketa eta bigarren probako bigarren ariketa. Berdinketak jarraitzen badu zozketaz erabakiko da.

11. Zerrenden kudeaketa.

Kontratazio-zerrenda lau urtez egonen da indarrean, aurretik agortzen ez bada edo deialdi berria egiten ez bada.

Deialdi honen bidez sortutako zerrendak lehentasuna izanen du Toki Entitateetako euskara teknikarien lanpostu hutsak betetzeko. Sortutako beharra zerrenda honetako izangaiekin betetzen ez bada, entitate kudeatzaileak aurretik sortutako zerrendak erabili ahalko ditu (berrienetik zaharrenera), entitate sinatzaileek onartutako hitzarmenak arautzen duen indarraldian badaude.

12. Helegiteak.

Deialdi honen aurka, haren oinarri eta aplikazio egintzen aurka, berraztertzeko errekurtsoa jar daiteke, deialdi hau onartu duen organoari zuzendua, hil bateko epean; administrazioarekiko helegitea, Nafarroako Auzitegi Nagusian dagokion sailari zuzendua, helegiten den egintza argitaratu edo jakinarazten denetik bi hilabeteko epean; edo gora jotzeko helegitea Nafarroako Administrazio Auzitegiari zuzendua, helegiten den egintza argitaratu edo jakinarazten denetik hilabete bateko epearen barrenean.

Berriozarren, 2013ko irailaren 19an.–Berriozarko Udaleko alkatea, Xabier Lasa Gorraiz jn.

I. ERANSKINA

Eskabide eredua

Udaletako Euskara Teknikarien ordezkapenak egiteko kontratazio-zerrenda osatzeko deialdia.

–Eskatzailearen datuak:

Izen-abizenak:

Jaiotze-data:

NA zenbakia:

Helbidea:

Herria eta posta kodea:

Telefonoa(k):

Helbide elektronikoa:

Azalpena: Berriozarko Udalak Euskara teknikarien ordezkapenak egiteko kontratazio-zerrenda osatzeko deialdia argitaratu du. Honekin batera deialdian eskatzen diren dokumentuen fotokopiak aurkezten ditut, baita lehiaketaldian baloratuko diren merezimenduei dagozkienak ere, denak deialdian eskatzen den moduan.

Zinpeko aitorpena: Deialdiko 3.1 atalean eskatzen diren baldintza guztiak betetzen ditudala aitortzen dut.

Eskaera: Eskabide hau onartzea eta deialdiko probetan parte hartu ahal izatea.

Data eta eskatzailearen sinadura

Datuen babesa: Datu Pertsonalak Babesteko 1999-XII-13ko Lege Organikoan xedatutakoa betetzeko, jakinarazten dizugu inprimaki honetan jasotako datu pertsonalak Administrazio honek berezko dituen eskumenak gauzatzeko baino ez direla erabiliko. Datu horiek Berriozarko Udalaren datu-basea osatzen duten fitxategietan bilduko dira. Beraz, Berriozarko Udalera zuzenduta gauzatu ahalko duzu datu horiek eskuratu, aldatu, baliogabetu eta horien kontra egiteko eskubidea (Erregistro Orokorra, Kaleberri 7, 31013 Berriozar).

BERRIOZARKO UDALEKO ALKATE JN.

II. ERANSKINA

Ezagutza teorikoei buruzko probarako gaiak

1. Kontaktuan dauden hizkuntzei buruzko oinarrizko kontzeptuak: hizkuntza komunitatea, hizkuntza minorizatuak, eleaniztasuna, diglosia, hizkuntza gatazka, hizkuntza normalizazioa, hizkuntza politika, hizkuntza plangintza, hikuntza ekologia, hizkuntza eskubideak eta ofizialtasuna.

2. Euskararen legezko estatusa. Konstituzioak, autonomia estatutuak eta lege organikoak. Euskarari buruzko Foru Legea. Euskarari buruzko Foru Legea garatzen duten xedapen nagusiak eta euskararen udal ordenantzak Nafarroan.

3. Euskararen egoera demolinguistikoa Euskal Herrian. Hizkuntza gaitasuna, transmisioa eta erabileraren inguruko ikerketak eta datuak.

4. Euskararen egoera funtzionala. Euskararen egungo erabilera gizartearen esparru ezberdinetan.

5. Euskararen historia soziolinguistikoa.

6. Hizkuntza aniztasunari lotutako nazioarteko itun, hitzarmen eta adierazpen nagusiak.

7. Hizkuntza errepertorioa: hizkuntzaren aldaerak eta eremuak. Euskararen errepertorioa: euskara batua, euskalkiak, gazte hizkera, administrazioko hizkera...

8. Nazioarteko soziolinguisten ekarpen teorikoak: Fishman, Mackey, Cooper, Aracil...

9. Euskal Herriko soziolinguistikaren ekarpen teorikoa: Txepetx, Txillardegi, Odriozola, Zalbide...

10. Ikerketa soziolinguistikoaren metodologiak. Metodo kualitatiboak, metodo kuantitatiboak eta parte-hartze metodoak. Euskararen kale-erabileraren neurketa.

11. Nazioartean hizkuntza minorizatuak normalizatzeko erabiltzen diren hizkuntza politika ereduak. Lurraldetasun eskubidea eta norbanakoaren eskubidea.

12. Euskararen normalizaziorako azpiegitura Euskal Herrian. Erakunde publikoak eta gizarte erakundeak.

13. Hizkuntza normalkuntzarako planak erakunde publiko zein pribatuetan.

14. Euskararen trataera administrazioetako lanpostuetan. Derrigortasuna. Jakite mailak. Baliokidetzak.

15. Nafarroako toki-entitateetako euskara zerbitzuak. Nafarroako Udal Euskara Teknikarien Sarea (NUETS).

16. Euskara ikasteko/irakasteko bideak. Helduen euskalduntze-alfabetatzea. Hizkuntza ereduak.

17. Euskararen kalitatea. Zuzentasuna. Egokitasuna. Koherentzia. Kohesioa.

18. Euskaraz lan egiteko baliabideak: euskarazko softwarea, hiztegiak, estilo liburuak, itzulpen memoriak, aholkularitza zerbitzuak...

19. Nafarroako toki-entitateen antolamendua eta eskumenak.

Iragarkiaren kodea: L1313044