1. NAFARROAKO FORU KOMUNITATEA
1.7. BESTELAKOAK
ERABAKIA, Nafarroako Gobernuak 2013ko abuztuaren 28an hartua, Vianako (Nafarroa) Andre Maria eliza izeneko higiezinaren babes ingurunearen behin betiko mugaketa onesten duena.
Vianako Andre Maria eliza izeneko higiezina monumentu historiko-artistiko izendatu zuten 1931ko ekainaren 3ko Dekretuaren bidez (1931ko ekainaren 4ko Kazeta).
Nafarroako Kultur Ondareari buruzko azaroaren 22ko 14/2005 Foru Legearen 19.1 artikuluan ezarritakoarekin bat, beharrezkoa da monumentu horren babes ingurunea finkatu eta zehatz-mehatz mugatzea.
Aipatutako foru lege horren arabera, espedienteak beharrezkoa du ondasuna behin-behinekoz mugatzea, jendaurreko fasea ezartzea eta behin betiko onestea Nafarroako Gobernuaren erabaki baten bidez.
Vianako Printzea Erakundea-Kulturako zuzendari nagusiak martxoaren 27an emandako 91/2013 Ebazpenaren bidez, Vianako Andre Maria eliza izeneko higiezinaren babes ingurunea behin-behinekoz mugatu eta haren interes kulturaleko ondasunaren espedientea jendaurrean egoteko epea ireki zen.
Ebazpena 2013ko 77. Nafarroako Aldizkari Ofizialean argitaratu zen, apirilaren 24an. Ez da espedientearen aurkako alegaziorik jaso.
2013ko uztailaren 1ean, Nafarroako Kulturaren Kontseilura igorri zen espedientea. Nafarroako Kulturaren Kontseiluak aldeko txostena eman zuen 2013ko uztailaren 29an.
Horrenbestez, Nafarroako Gobernuak, Kulturako, Turismoko eta Erakunde Harremanetako kontseilariak proposaturik,
ERABAKI DU:
1. Vianako (Nafarroa) Andre Maria eliza izeneko higiezinaren babes ingurunearen mugaketa onestea.
2. Vianako Santa Maria elizaren babes inguruneak lur hauek hartzen ditu: 762., 761. eta 1412. lurzatiak; 1129. eta 1509. lurzatietan Foruen Plazara ematen duten fatxadak; 1065., 1066., 1068., 1069., 1460., 1072., 1073., 1074., 2044., 1078. eta 1080. lurzatietan, Santa Maria kalera ematen duten fatxadak; 789. lurzatian Algarrada kalera ematen duen alboko fatxada, eta 763. lurzatian 762. lurzatira ematen duen alboko fatxada, den-denak Vianako udalerriko 6. poligonokoak, eta, orobat, lurzati horien eta Serapio Urra kaleko tarte baten artean dauden bideetako eremua, zehazki, kale horretan 761. eta 762. lurzatiekin muga egiten duen tartea, kalearen ardatzeraino.
Monumentu honen inguruan, 762. lurzatian izan ezik –hantxe monumentua bera dago eta berariazko babesa du–, babes maila Vianako Alde Zaharreko B.B.B.P.B.ren determinazioetan ezarritakoa izanen da, Vianako Printzea Erakundea-Kulturako zuzendari nagusiak ekainaren 12ko 286/2000 Ebazpenaren bidez txostena emanda. Nolanahi ere, edozein esku-hartze egiteko, Nafarroako Kultur Ondareari buruzko azaroaren 22ko 14/2005 Foru Legearen 36.1 artikuluan adierazitako baimena beharko da, 36.3 artikuluan adierazitakoarekin bat.
3. Erabaki hau Nafarroako Aldizkari Ofizialean argitaratzea.
4. Erabaki honek administrazio bidea amaitzen du, eta haren aurka, aukeran, berraztertzeko errekurtsoa jartzen ahal da, Nafarroako Gobernuari zuzendua, Nafarroako Aldizkari Ofizialean argitaratu eta biharamunetik hasita hilabeteko epean edo, bestela, zuzenean, Nafarroako Justizia Auzitegi Nagusiko Administrazioarekiko Auzien Salan aurkaratzen ahal da, argitaratu eta biharamunetik hasita bi hilabeteko epean.
Administrazio publikoek, berraztertzeko errekurtsoaren ordez, aldez aurretik errekerimendua egin dezakete, Administrazioarekiko Auzien Jurisdikzioa arautzen duen uztailaren 13ko 29/1988 Legearen 44. artikuluan ezarritako moduan eta epean.
Iruñean, 2013ko abuztuaren 28an.–Nafarroako Gobernuko kontseilari eta idazkaria, F. Javier Morrás Iturmendi.
Iragarkiaren kodea: F1312141
