2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
IRUÑERRIKO MANKOMUNITATEA
Zizurko Urbanizazioan euri uren kolektoreak handitzeko proiektuari dagozkion desjabetzeak
2013ko otsailaren 26an egindako saioan, Iruñerriko Mankomunitateko Batzorde Iraunkorrak hau hitzartu zuen:
Euri askoko egunetan, behin baino gehiagotan ura sartu da Zizurko Urbanizazioko garajeetan eta etxebizitzetan eta kalte material larriak eragin ditu. Uholde horien arrazoia da Zizur Nagusiko euri uren sare unitarioak ez duela ahalmen nahikorik halako egoerei aurre egiteko.
Euri urak ebakuatzeko zenbait azterketa egin ditu SCPSAk eta horien emaitza moduan “Euri uren kolektoreak handitzea zizurko urbanizazioan (RM-282285)” proiektua idatzi du.
Hain zuzen, proiektu horren helburua da Zizurko Urbanizazioko euri urak ebakuatzeko sistema handitzea. Oinarrian, euri uren isurbide berria egin beharko da Urbanizazioaren zati handi bateko ura Moreako sakanera bideratzeko. Isurbide hori osatzeko, urari goiti dauden bi kolektoreren ahalmena handituko da (1. eta 2. kolektoreak). Horrez gain, proiektatuta dago kolektore zati bat handitzea San Kristobal ingurabidean (3. kolektorea). Lan horiek eginda lortu nahi da SCPSAren araudiak kontuan dauzkan diseinuzko eurirako kolektoreak urez husteko ahalmena bermatzea.
2012ko abenduaren 20an SCPSAko Administrazio Kontseiluak “Euri uren kolektoreak handitzea Zizurko Urbanizazioan (RM-282285)” lanaren proiektua onetsi zuen, Administrazioari berri emateko proiektu osoaren aurrekontua 7.440.180,99 euro zuena (%21eko BEZa barne).
Aintzat hartuta, Nahitaezko Desjabetzearen Legearen 10. artikuluaren arabera, beharrezkoa dela Batzorde Iraunkorrak dagokien proiektuak onestea, berekin eramateko erabilera publikoko aitorpena, ezinbestekoa nahitaezko desjabetzeari ekiteko.
Lan horiek egiteko behar diren lursailak desjabetzea ezinbestekoa denez eta, aintzat hartuta Toki Administrazioari buruzko Foru Legearen 47.4 eta 29. artikuluen, Toki Araubidearen Oinarriei buruzko Legearen 4.1.d) artikuluaren eta Iruñerriko Mankomunitatearen estatutuetako 4. artikuluen arabera desjabetzeko ahalmena gauzatu ahal duela, egokia da desjabetzeko txostena abiaraztea. Beraz,
ERABAKI DA:
1. “Euri uren kolektoreak handitzea Zizurko Urbanizazioan (RM-282285)” lanari dagokion proiektua onestea, desjabetzeko txostena abiaraztea eta hasiera batean onartzea aipatutako proiektuak ukitutako ondasunen eta eskubideen zerrenda.
2. Erabilera publikoa aitortzea eta adieraztea, eta bai proiektu horrek eragindako ondasunak eta eskubideak okupatzeko premia ere, proiektua onartzeak berekin edo inplizituki baitakar.
3. Proiektua eta eragiten dien ondasunen eta eskubideen zerrenda jendaurrean jartzea hamabost egun baliodunen epean. Hartara, interesa dutenek egoki jotzen dituzten oharrak edo alegazioak egin ahal izango dituzte, eta idatziz aurkeztu argitaratutako zerrendan egon daitezkeen okerrak zuzentzeko beharrezkoak diren datuak. Zehazki, Iruñerriko Mankomunitatera bidali ahal izango dituzte (Chinchilla jeneralaren kalea, 7, 31002, Iruñea, Nafarroa) eta Zizur eta Galar zendeetako udaletara.
4. Erabaki hau eta eragindako ondasunen eta eskubideen zerrenda Nafarroako Aldizkari Ofizialean eta Foru Komunitateko egunkari batean argitaratzea, eta Iruñerriko Mankomunitateko eta Zizur eta Galar zendeetako udaletxeetako iragarki oholetan jartzea. Gainera, interesa dutenek proiektua eta lursailen planoak eskura izango dituzte egoitza horietan.
5. Aurretik aipatu diren eragin berberetarako interesdunei jakinaraztea.
Iruñean, 2013ko abuztuaren 27an.–Lehendakaria, José Muñoz Arias.
UKITUTAKO ONDASUNEN ETA ESKUBIDEEN ZERRENDA Obra: RM282285 Euri uren kolektoreak handitzea Zizur Nagusiko Urbanizazioan. Fasea: Proiektua. |
FINKAREN ZENBAKIA | TITULARRA | HELBIDEA | UKIPENAK | KATASTROKO DATUAK |
AKUEDUKTU ZORTASUNA M.L. | ZORTASUN EZARPENA m² | ERREGISTROAK | ALDI BATERAKO OKUPAZIOAK m² | POL. ZK. | LURZ. ZK. | UDALERRIA | LURSAILAREN ERABILERA |
m² | KOP. |
CZ-01 | Verbo Divino kongregazioa | Iruñeko etorbidea, 41, behea, Lizarra (Nafarroa Espainia) | 210 | 1.260 | 27 | 3 | 4.200 | 1 | 334 | Zizur | Lehorreko alorra |
CZ-02 | José Joaquín Roncal Baraibar | Belzeta pasealekua, 1, behea (Zizur Txikia) | 175 | 1.050 | 9 | 1 | 3.500 | 1 | 332 | Zizur | Lehorreko alorra |
CZ-03 | Komunala. Zizur Txikiko kontzejua | Udaletxeko plaza, 1, behea (Zizur Txikia) | 278 | 1.668 | 36 | 4 | 5.560 | 1 | 413 | Zizur | Lehorreko alorra |
CZ-05 | Komunala. Zizur Txikiko kontzejua | Udaletxeko plaza, 1, behea (Zizur Txikia) | 237 | 1.422 | 27 | 3 | 4.740 | 1 | 346 | Zizur | Lehorreko alorra |
CZ-06 | Komunala. Zizur Txikiko kontzejua | Udaletxeko plaza, 1, behea (Zizur Txikia) | 16,5 | 99 | 0 | 0 | 330 | 1 | 347 | Zizur | Lehorreko alorra |
CZ-07 | Komunala. Zizur Txikiko kontzejua | Udaletxeko plaza, 1, behea (Zizur Txikia) | 289 | 1.734 | 27 | 3 | 5.780 | 1 | 343 | Zizur | Lehorreko alorra |
GA-01 | Manuela Ferrer Azcárate | San Ignazio etorbidea, 7, 4. esk. (Iruñea) | 90 | 540 | 9 | 1 | 1.800 | 3 | 103 | Galar | Lehorreko alorra |
L1312182 |
Iragarkiaren kodea: L1312182