Iragarkia

174. ALDIZKARIA - 2013ko irailaren 10a

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.1. Kargu-uzteak, izendapenak eta bestelako egoerak

1978/2013 EBAZPENA, abuztuaren 29koa, Hezkuntza Departamentuko Giza Baliabideen Zerbitzuko zuzendariak emana. Honen bidez, onesten da maisu-maistren kidegoan, Nafarroako Foru Komunitateko Administrazioaren kudeaketa esparruko lanpostuetan, sartzeko hautapen prozedurari dagokion espedientea.

Hezkuntza Departamentuko Giza Baliabideen Zerbitzuko zuzendariaren otsailaren 18ko 300/2011 Ebazpenaren bidez, Nafarroako Foru Komunitateko Administrazioaren kudeaketa esparruko lanpostuetan maisu-maistren kidegoan sartzeko eta maisu-maistren kidegoko karrerako funtzionarioek kidego horretan espezialitate berriak eskuratzeko deialdia onetsi zen. Deialdia 2011ko 34. Nafarroako Aldizkari Ofizialean argitaratu zen, otsailaren 18an.

Hezkuntza Departamentuko Giza Baliabideen Zerbitzuko zuzendariaren irailaren 1eko 1674/2011 Ebazpenaren bidez, Hezkuntza Departamentuko Giza Baliabideen Zerbitzuko zuzendariaren otsailaren 18ko 300/2011 Ebazpenaren bidez deitutako hautapen prozeduran hautatutako izangaiak praktiketako funtzionario izendatu eta praktika horiek egiteko destinoa esleitu zitzaien.

Hezkuntza Departamentuko Giza Baliabideen Zerbitzuko zuzendariaren martxoaren 8ko 582/2012 Ebazpenaren bidez, Giza Baliabideen Zerbitzuko zuzendariaren irailaren 1eko 1674/2011 Ebazpena aldatu zen, eta Miren Pakene Jiménez Tomasena andrea maisu-maistren kidegoko praktiketako funtzionario izendatu zen, euskarazko Entzumena eta Hizkuntza espezialitatean, 2012ko irailaren 1etik aurrerako ondorioekin.

Giza Baliabideen Zerbitzuko zuzendariak ekainaren 8an emandako 1351/2012 eta 1352/2012 ebazpenen bidez, hurrenez hurren, baimena eman zitzaien Zaira Lorenzo Velasco andreari eta Arrate Egia Erize andreari praktikaldia 2011-2012 ikasturtera luzatzeko.

Izangaien praktikaldia bukatuta, hura kalifikatzen duen batzordeak kalifikazioa igorri dio Giza Baliabideen Zerbitzuko zuzendariari, Hezkuntza Departamentuko Giza Baliabideen Zerbitzuko zuzendariaren uztailaren 29ko 1494/2011 Ebazpenaren 6.4 puntuan xedaturikoarekin bat.

Hautapen prozesuaren deialdian ezarritako baldintza orokorrak eta berariazkoak izangaiek betetzen dituztela egiaztatuta, bidezkoa da tramitatzen jarraitzea, lehenago aipatutako izangaiei dagokienez, Hezkuntza Departamentuko Giza Baliabideen Zerbitzuko zuzendariaren abenduaren 18ko 300/2011 Ebazpenaren bidez deitutako hautapen prozedura, karrerako funtzionario izendatzearen ondorioetarako, 2013ko irailaren 1etik aurrerako eraginekin.

Halaber, bidezkoa da ebazpena Hezkuntza, Kultura eta Kirol Ministeriora igortzea, Miren Pakene Jiménez Tomasena, Zaira Lorenzo Velasco eta Arrate Egia Erize andreei Maisu-Maistren Kidegoko karrerako funtzionarioen titulua eman diezaien.

Horrenbestez, Hezkuntza Departamentuko Hezkuntza Baliabideen zuzendari nagusiaren abuztuaren 3ko 15/2011 Ebazpenak eman dizkidan eskudantziak erabiliz,

EBATZI DUT:

1. Nafarroako Foru Komunitateko Administrazioaren kudeaketa esparruko maisu-maistren kidegoan sartzeko hautapen prozeduraren espedientea onestea, Miren Pakene Jiménez Tomasena, Zaira Lorenzo Velasco eta Arrate Egia Erize izangai andreei dagokienez. Deialdia Giza Baliabideen Zerbitzuko zuzendariaren otsailaren 18ko 300/2011 Ebazpenaren bidez egin zen.

2. Hezkuntza, Kultura eta Kirol Ministeriora igortzea Nafarroako Foru Komunitateko Administrazioaren kudeaketa esparruko maisu-maistren kidegoan sartu diren izangaien zerrendak, dagokien karrerako funtzionario titulua eman diezaien, Giza Baliabideen Zerbitzuko zuzendariaren otsailaren 18ko 300/2011 Ebazpenaren bidez deituriko hautapen prozedurako praktikaldian “gai” kalifikazioa eskuratu baitute. Zerrenda hori ebazpen honen eranskinean agertzen da.

3. Ebazpen honen aurka gora jotzeko errekurtsoa aurkezten ahal da, Lehendakaritza, Justizia eta Barneko kontseilariari zuzendua, hilabeteko epean, argitaratu eta biharamunetik aurrera.

4. Ebazpen hau eta eranskina Nafarroako Aldizkari Ofizialean argitaratzea.

5. Ebazpen hau eta eranskina igortzea Idazkaritza Tekniko Nagusiari, Kontrol Administratiboaren eta Langileriaren Araubidearen Bulegoari, Deialdiaren Atalari eta Baliabide Ekonomikoen Zerbitzuari, behar diren ondorioak izan ditzaten.

Iruñean, 2013ko abuztuaren 29an.–Giza Baliabideen Zerbitzuko zuzendaria, Begoña Unzué Vela.

ERANSKINA

Iragarkiaren kodea: F1312129