Iragarkia

161. ALDIZKARIA - 2013ko abuztuaren 22a

1. NAFARROAKO FORU KOMUNITATEA

1.7. BESTELAKOAK

ERABAKIA, Nafarroako Gobernuak 2013ko uztailaren 17an hartua, Nafarroako Foru Komunitateko Azpiegituren Lurralde Plana aldatu eta eguneratzeko bosgarren, seigarren, zazpigarren, zortzigarren, bederatzigarren eta hamargarren espedienteak jendaurrean jarri eta, aldi berean, horien eraginpean dauden udalei entzutea ematen diena. Espedienteak "Vodafone España, SAU" enpresak aurkeztu ditu.

Nafarroako Foru Komunitatean uhin elektromagnetiko ez-gidatuen bidezko telekomunikazioko oinarrizko estazioak antolatzeko maiatzaren 6ko 10/2002 Foru Legearekin bat, zeinak ezartzen baitu nahitaezkoa dela azpiegiturei buruzko lurralde plan bat aurkeztea, non gaur egun dauden estazio finkoak eta sare osoa ezarri eta garatzeko dauden aurreikuspenak azalduko baitira, "Vodafone España, S.A." operadoreak Nafarroako Foru Komunitaterako Azpiegituren Lurralde Plana aurkeztu zuen Herri Lan, Garraio eta Komunikazio Departamentuan. Plan hori, 163 kokapen ekartzen zituena, Ekonomia eta Ogasuneko kontseilariaren ekainaren 26ko 219/2006 Foru Aginduaren bidez onetsi zen (2006ko 91. Nafarroako Aldizkari Ofiziala, uztailaren 31koa).

Ondoren, Enpresako zuzendari nagusiaren maiatzaren 20ko 1242/2009 Ebazpenaren bidez (2009ko 83. Nafarroako Aldizkari Ofiziala, uztailaren 6koa), "Vodafone España, S.A.U.” operadorearen Azpiegituren Lurralde Plana aldatu/eguneratzeko lehen espedientea onetsi zen, 24 kokapen ekartzen zituena.

Geroago, Enpresako zuzendari nagusiaren ekainaren 1eko 1096DGE/2011 Ebazpenaren bidez (2011ko 124. Nafarroako Aldizkari Ofiziala, ekainaren 24koa), "Vodafone España, S.A.U.” operadorearen Azpiegituren Lurralde Plana aldatu/eguneratzeko bigarren, hirugarren eta laugarren espedientea onetsi ziren, 52, 6 eta kokapen bat ekartzen zituztenak, hurrenez hurren.

“Vodafone España, S.A.U.”-k beste sei espediente aurkeztu ditu Azpiegituren Lurralde Plana aldatu/eguneratzeko, guztira 98 kokapen sartzeko eskatuz. Honako hauek dira:

–2010eko uztailean bosgarren aldaketa aurkeztu zuen Azpiegituren Lurralde Planerako, bertan beste 31 kokapen sartzeko. Kokapen horiek ondoko udalak ukitzen dituzte: Iruñea, Berriozar, Mendabia, Los Arcos, Eratsun, Tafalla, Aras, Marañon, Ezkaroze, Beraskoain, Arantza, Tutera, Arano, Odieta, Zubieta, Murillo el Fruto, Berbintzana, Erroibar, Esteribar, Artzibar, Garralda, Betelu, Larraun eta Basaburua.

–2010eko azaroan seigarren aldaketa aurkeztu zuen Azpiegituren Lurralde Planerako, bertan beste 28 kokapen sartzeko udal hauetan: Muruzabal, Xabier, Leotz, Baztan, Erroibar, Lapoblación, Hiriberri Aezkoa, Abaurregaina, Itzagaondoa, Ukar, Beire, Deikaztelu, Allin, Murillo el Cuende, Oteitza, Eulate, Zirauki, Deierri, Barbarin, Abartzuza, Iruñea, Ziordia, Gesalatz eta Elo.

–2011ko otsailean zazpigarren aldaketa aurkeztu zuen Azpiegituren Lurralde Planerako, bertan beste 21 kokapen sartzeko. Kokapen horiek ondoko udalak ukitzen dituzte: Allo, Arroitz, Atetz, Baztan, Beire, Burlata, Zizur, Corella, Lakuntza, Iruñea, Gares, San Martin Unx, Sorlada, Urraulbeiti, Valtiterra, Viana, Irurtzun, Beriain eta Orkoien.

–2011ko uztailean zortzigarren aldaketa aurkeztu zuen Azpiegituren Lurralde Planerako, bertan beste beste kokapen bat sartzeko, Tuteran.

–2011ko abenduan bederatzigarren aldaketa aurkeztu zuen Azpiegituren Lurralde Planerako, bertan beste 14 kokapen sartzeko. Kokapen horiek ondoko udalak ukitzen dituzte: San Adrian, Fontellas, Martzilla, Ultzama, Getze Galar, Villatuerta, Bera, Iruñea, Orbaitzeta, Furstiñana, Mugiro (Larraun), Agoitz, Fitero eta Lizarra.

–2012ko apirilean hamargarren aldaketa aurkeztu zuen Azpiegituren Lurralde Planerako, bertan beste 3 kokapen sartzeko. Kokapen horiek ondoko udalak ukitzen dituzte: Deikaztelu, Esa eta Zizur Nagusia.

Ingurumenaren eta Uraren Zuzendaritza Nagusiko Ingurumen Kalitate Zerbitzuak, Enpresa Zuzendaritza Nagusiko Azpiegituren, Instalazioen eta Industria Segurtasunaren Zerbitzuak, Nafarroako Osasun Zerbitzua-Osasun Publikoaren Institutuak eta Ondare Historikoaren Zerbitzuak aldeko txostenak eman dituzte espedienteen inguruan, zehaztapen batzuekin.

Sustatzaileak, 10/2002 Foru Legearen 10. artikuluan ezarritakoarekin bat, paperean eta euskarri digitalean aurkeztu ditu planean sartzeko kokapen berrien fitxak, baita beharrezko dokumentazio orokorra ere. Nolanahi ere, aurkeztutako dokumentazioa zuzendu eta osatu beharko da, ondotik zehazten den bezala:

–Erantzukizun zibileko aseguruaren luzapena, aldatu/eguneratzeko espediente guztietarako.

–Aldatu/eguneratzeko espediente guztien instalazioak gauzatzeko egutegi eguneratua.

–AT_NA_CIRCUITO (Los Arcos): sustatzaileak AT_NA_CIRCUITO estazioaren koordenatuak zuzendu behar ditu, bosgarren aldaketaren dokumentazioan deskribatuak.

–OR_NA_MENDAVIA_PUENTE (Mendabia): sustatzaileak OR_NA_MENDAVIA_PUENTE estazioaren koordenatuak zuzendu behar ditu, bosgarren aldaketaren dokumentazioan deskribatuak.

–AT_NA_BEARIN (Deierri): Ingurumen Kalitatearen Zerbitzuaren 2012ko urtarrilaren 18ko txostenarekin bat, 376/2011 Ebazpenaren bidez ingurumen ukipenetarako baimena ukatu zitzaion AT_NA_BEARIN oinarrizko estazioari; hartara, espresuki adierazi behar du kokapen horri uko egin dion.

–AT_NA_SANGREGORIO (Sorlada): San Gregorio Ostienseko kanpandorrean kokatzen da estazio hau, paisaia aldetik balioa izateagatik babestu beharreko lurzoruan (LAP4-n hala zehaztua). Balio hori bateraezintzat jo da antena paratzearekin; hortaz, kokapen horri uko egin behar zaio.

–Ondoko akatsak zuzendu behar dira espedienteen dokumentazioan: San Gregorio Ostiense toponimoa, Nagoreko hirigunea Artzibarren dago, eta Uitzi, berriz, Larraunen.

Orobat, ondokoa adierazi behar da:

–AT_NA_MARAÑÓN: Ingurumen Kalitatearen Zerbitzuaren 2012ko urtarrilaren 19ko txostenean zehazten da sustatzaileak aurkeztutako bosgarren aldaketa/eguneraketaren oinarriko estazioa baztertu duela, kokapenaren bideragarritasuna galarazten duten ingurumeneko baldintzak eta baldintza teknikoak direla eta.

–AT_NA_ESTELLA_INSTITUTO: AT_NA_ONCINEDA estaziorako bederatzigarren aldaketarako eskaera 300 bat metrora dago AT_NA_ESTELLA_INSTITUTOko seigarrenean bildutakotik. Sustatzaileari hura argitzeko eskatu zitzaion, eta horrek, 2013ko martxoaren 22ko idazkiaren bitartez, adierazi du AT_NA_ONCINEDAk AT_NA_ESTELLA_INSTITUTO ordezten duela, eta, hortaz, kokapen horri uko egin zaiola.

–AT_NA_SAN ADRIÁN_POLÍGONO: AT_NA_VALDEMONTON estaziorako bederatzigarren aldaketarako eskaera 300 bat metrora dago AT_NA_SAN ADRIÁN_POLÍGONOko zazpigarrenean bildutakotik. Horren gainean, sustatzaileak adierazi du, 2013ko martxoaren 22ko idazkiaren bidez, AT_NA_SAN ADRIÁN_POLÍGONO kenduta dagoela. Horrenbestez, ulertzen da kokapen horri uko egin zaiola.

Hori dela eta, Lurraldearen Antolamenduko Batzordearekin bat etorririk eta Lurraldearen Antolamenduari eta Hirigintzari buruzko abenduaren 20ko 35/2002 Foru Legeari eta aplikatu beharreko gainerako arauei jarraikiz, Nafarroako Gobernuak, Sustapeneko kontseilariak proposaturik,

ERABAKI DU:

1. Nafarroako Foru Komunitatean “Vodafone España, S.A.”-k aurkeztutako Azpiegituren Lurralde Plana aldatu/eguneratzeko bosgarren, seigarren, zazpigarren, zortzigarren, bederatzigarren eta hamargarren espedientea jendaurrean edukitzea eta instalazioek udal mugapea ukituta duten udalerriei entzutea ematea hilabeteko epean. Espediente horietan eranskineko 95 kokapenak jasotzen dira.

Ondorio horietarako, espedienteak interesdunen eskura egonen dira Sustapen Departamentuaren bulegoetan (Alondegi kalea, 1-1. solairua, 31002 Iruña), eta epe horretan zilegi izanen da idatziz nahi adina alegazio aurkeztea.

Gainera, espedienteen dokumentazio orokorra eta 95 kokapenen fitxak Nafarroako Gobernuaren zerbitzuen katalogoan kontsultatzen ahalko dira, baita Sustapen Departamentuaren web-gunearen "Jendaurreko epea eta parte-hartze publikoa" izeneko atalaren bidez ere (www.ExposicionPublicaOT.navarra.es).

2. Espedienteak behin betiko onetsi aurretik, entitate sustatzaileak espediente bakoitzaren testu bategin bat aurkeztu behar du, paperean eta euskarri digitalean. Erabaki honen azalpen zatian aipatutako zehaztapenak jasoko dira testu bateginean.

Halaber, espedienteak onetsi baino lehen, "Vodafone España, S.A." enpresak bere sarearen eskema orokor bat aurkeztu beharko du, espediente bakoitzeko kokaleku guztiak ez ezik planekoak eta onetsitako aldaketa/eguneraketak ere bilduko dituena. Haien zerrenda ere aurkeztu beharko da, euskarri informatikoan, UTM koordenatuak barne.

3. Dokumentazioa zuzendurik ez duten kokalekuak baztertu eginen dira.

4. Azpiegitura Teknologikoen eta Euskarri Zentroaren Zerbitzuaren 2013ko martxoaren 7ko txostenean adierazitakoarekin bat, espedientea osatu behar da, euskarri informatikoan eta grafikoan, antenek igortzen dituzten emisioen neurketei buruzko txosten batekin. Neurketak toki irisgarri batean egin beharko dira, erradiazioak indar handiena duen eremuan, AT_NA_ONCINEDA kokapenaren kasuan.

5. Ondare Historikoaren Zerbitzuko Ondare Arkitektonikoaren Atalaren 2013ko ekainaren 6ko txostenean adierazitakoarekin bat eta aipatutako ondorioekin, AT_NA_SANGREGORIO (Sorlada) kokapenari uko egin behar zaio.

6. Sustatzaileari zehaztea, ezen, ebazpenaren ondoren, espedienteek jarraitu behar diotela Nafarroako Osasun Zerbitzua-Osasun Publikoaren Institutuaren eta Ingurumen Kalitatearen Zerbitzuaren txostenetan xedatuari.

7. Akordio hau Nafarroako Aldizkari Ofizialean argitaratzea eta, behar diren ondorioak izan ditzan, ondokoei jakinaraztea: Iruñeko, Berriozarko, Mendabiako, Arangurengo, Los Arcosko, Eratsungo, Tafallako, Arasko, Ezkarozeko, Beraskoaingo, Arantzako, Tuterako, Aranoko, Odietako, Zubietako, Murillo el Frutoko, Berbintzanako, Erroibarko, Esteribarko, Artzibarko, Garraldako, Beteluko, Larraungo, Basaburuko, Muruzabalgo, Xabierko, Leozko, Baztango, Erroibarko, Lapoblaciongo, Hiriberri Aezkoako, Abaurregainako, Itzagaondoko, Ukarko, Beireko, Deikazteluko, Allingo, Murillo el Cuendeko, Oteitzako, Eulateko, Ziraukiko, Deierriko, Barbaringo, Abartzuzako, Ziordiko, Lizarrako, Gesalazko, Eloko, Alloko, Arroizko, Atezko, Beireko, Burlatako, Zizurko, Corellako, Lakuntzako, Garesko, San Adriango, San Martin Unxeko, Sorladako, Urraulbeitiko, Valtierrako, Vianako, Irurtzungo, Beriaingo, Orkoiengo, Fontellasko, Martzillako, Ultzamako, Getze Galarko, Villatuertako, Berako, Orbaitzetako, Fustiñanako, Mugiroko (Larraun), Agoizko, Fiteroko, Deikazteluko, Esako eta Zizur Nagusiko udalei, Ingurumenaren eta Uraren Zuzendaritza Nagusiari, Azpiegitura Teknologikoen eta Euskarri Zentroaren Zerbitzuari, Kulturako, Turismoko eta Erakunde Harremanetako Departamentuko Ondare Historikoaren Zerbitzuari, Nafarroako Osasun Publikoaren eta Lan Osasunaren Institutuari eta sustatzaileari.

Iruñean, 2013ko uztailaren 17an.–Nafarroako Gobernuko kontseilari eta idazkaria, F. Javier Morrás Iturmendi.

Iragarkiaren kodea: F1310659