2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
EZKABARTE
Zinegotzien boto-eskuordetzea Udalaren bilkuretan
Ezkabarteko Udalak, 2013ko abuztuaren 1ean egin osoko bilkura arruntean, legezko gehiengoa zuela, honako erabaki hau hartu zuen:
Martxoaren 12ko 11/2013 Foru Legearen bidez, Nafarroako Toki Administrazioari buruzko uztailaren 2ko 6/1990 Foru Legea aldatzen baitu, 84. artikuluan 4. idatz-zatia gehitu zen. Horren arabera, Udalek, hala erabakitzen badute, zinegotzien botoak beste zinegotzi batzuen esku uzten ahal dituzte.
Ezkabarteko Udalean erregelamendu organikorik ez dagoenez, zinegotzien boto-eskuordetza aplikatzeko aski da Udalak osoko bilkuran onestea, eta ondoren Nafarroako Aldizkari Ofizialean argitaratzea, Nafarroako Toki Administrazioari buruzko uztailaren 2ko 6/1990 Foru Legearen 325.4 artikuluari jarraikiz, jendaurreko aldirik gabe, horrek toki entitatearen antolaketan eragina duelakoan.
Hori guztia ikusirik, Udalbatzak honako hau erabaki du, aho batez:
1. Osorik aplikatzea zinegotzien boto-eskuordetzari buruzko kasuak Ezkabarte Udalean, Nafarroako Toki Administrazioari buruzko uztailaren 2ko 6/1990 Foru Legearen 84.4 artikuluak baimendu bezala.
2. Erabaki hau Nafarroako Aldizkari Ofizialean argitaratzea. Argitaratzen den egunean hartuko du indarra.
Ezkabarten, 2013ko abuztuaren 2an.–Alkatea, Pedro María Lezaun Esparza.
Iragarkiaren kodea: L1311253