1. NAFARROAKO FORU KOMUNITATEA
1.7. BESTELAKOAK
ERABAKIA, Nafarroako Gobernuak 2013ko uztailaren 17an hartua, Lesakako (Nafarroa) Minddurinea dorrea izeneko higiezinaren babes ingurunearen behin betiko mugaketa onesten duena.
Lesakako (Nafarroa) Minddurinea dorrea interes kulturaleko ondasuna da Espainiako Ondare Historikoari buruzko ekainaren 25eko 16/1985 Legearen Bigarren Xedapen Gehigarriaren arabera, halaxeko babesa ematen baitio Hezkuntza Nazionaleko Ministerioaren 1949ko apirilaren 22ko Dekretuak, Espainiako gazteluak babesteari buruzkoak (Estatuko Aldizkari Ofiziala, 1949ko maiatzaren 5ekoa).
Nafarroako Kultur Ondareari buruzko azaroaren 22ko 14/2005 Foru Legearen 19.1 artikuluan ezarritakoarekin bat, beharrezkoa da monumentu horren babes ingurunea finkatu eta zehatz-mehatz mugatzea.
Aipatutako foru lege horren arabera, espedienteak beharrezkoa du ondasuna behin-behinekoz finkatu eta mugatzea, jendaurreko fasea ezartzea eta espedientea behin betiko onestea Nafarroako Gobernuaren Erabakiaren bidez.
Vianako Printzea Erakundea-Kulturako zuzendari nagusiaren urtarrilaren 17ko 6/2013 Ebazpenak behin-behinekoz mugatu zuen Lesakako Miniurienea dorrea izeneko higiezinaren babes ingurunea, eta interes kulturaleko ondasunaren espedientea jendaurrean egoteko epea ireki zuen.
Ebazpena 2013ko 18. Nafarroako Aldizkari Ofizialean argitaratu zen, urtarrilaren 28an.
Vianako Printzea Erakundea-Kulturako zuzendari nagusiaren maiatzaren 30eko 183/2013 Ebazpenaren bidez, Lesakako Udalak 6/2013 Ebazpenaren aurka aurkeztutako alegazioei erantzun zitzaien, eta hauxe xedatu zen:
1. 104. eta 105. lurzatien atzeko bidea gero batean handitzea onartzea, herriko hirigintza udal planaren antolamendu planoetan gutxi gorabehera marrazten den bezala. Behar denean, ingurunearen mugak zuzenean egokituko dira, bidearen behin betiko trazadura dela-eta lurzatien atzeko lerrokaduretan egin beharreko egokitzapenak ikusita. Muga berri horiek ezartzeko, Nafarroako Kultur Ondareari buruzko 14/2005 Foru Legearen 36. artikuluan adierazitako txostena beharko da.
2. Dorrearen izenari dagokionez, Udalak proposatutakoa onesten da, hots, Minddurinea.
2013ko ekainaren 10ean, Nafarroako Kulturaren Kontseilura igorri zen espedientea. Nafarroako Kulturaren Kontseiluak aldeko txostena eman zuen 2013ko ekainaren 17an.
Horrenbestez, Nafarroako Gobernuak, Kulturako, Turismoko eta Erakunde Harremanetako kontseilariak proposaturik,
ERABAKI DU:
1. Lesakako (Nafarroa) Minddurinea dorrea izeneko higiezinaren babes ingurunearen mugaketa onestea.
2. Lesakako Minddurinea dorrearen babes inguruneak Lesakako udalerriko 3. poligonoko 105. eta 104. lurzatiak hartzen ditu.
3. Erabaki hau Nafarroako Aldizkari Ofizialean argitaratzea.
4. Erabaki honek administrazio bidea amaitzen du, eta haren aurka, aukeran, berraztertzeko errekurtsoa jartzen ahal da, Nafarroako Gobernuari zuzendua, Nafarroako Aldizkari Ofizialean argitaratu eta biharamunetik hasita hilabeteko epean edo, bestela, zuzenean, Nafarroako Justizia Auzitegi Nagusiko Administrazioarekiko Auzien Salan aurkaratzen ahal da, argitaratu eta biharamunetik hasita bi hilabeteko epean.
Administrazio publikoek, berraztertzeko errekurtsoaren ordez, aldez aurretik errekerimendua egin dezakete, Administrazioarekiko Auzien Jurisdikzioa arautzen duen uztailaren 13ko 29/1988 Legearen 44. artikuluan ezarritako moduan eta epean.
Iruñean, 2013ko uztailaren 17an.–Nafarroako Gobernuko kontseilari eta idazkaria, F. Javier Morrás Iturmendi.
Iragarkiaren kodea: F1310596
