153. ALDIZKARIA - 2013ko abuztuaren 9a

1. NAFARROAKO FORU KOMUNITATEA

1.7. BESTELAKOAK

ERABAKIA, Nafarroako Gobernuak 2013ko uztailaren 17an hartua, Iruñeko (Nafarroa) Chinchilla jeneralaren kaleko 7an dagoen higiezinaren babes ingurunearen behin betiko mugaketa onesten duena.

Iruñeko Chinchilla jeneralaren kaleko 7an dagoen higiezina monumentu historiko-artistiko izendatu zuten 1983ko azaroaren 11ko Ministro-Aginduaren bidez (1983-12-12ko Estatuko Aldizkari Ofiziala).

Nafarroako Kultur Ondareari buruzko azaroaren 22ko 14/2005 Foru Legearen 19.1 artikuluan ezarritakoarekin bat, beharrezkoa da monumentu horren babes ingurunea finkatu eta zehatz-mehatz mugatzea.

Aipatutako foru lege horren arabera, espedienteak beharrezkoa du ondasuna behin-behinekoz mugatzea, jendaurreko fasea ezartzea eta behin betiko onestea Nafarroako Gobernuaren erabaki baten bidez.

Vianako Printzea Erakundea-Kulturako zuzendari nagusiaren martxoaren 5eko 52/2013 Ebazpenaren bidez, Iruñeko Chinchilla jeneralaren kaleko 7an dagoen higiezinaren babes ingurunea behin-behinekoz mugatu zen, eta haren interes kulturaleko ondasunaren espedientea jendaurrean egoteko epea ireki.

Ebazpen hori 2013ko 63. Nafarroako Aldizkari Ofizialean argitaratu zen, apirilaren 4an. Ez da espedientearen aurkako alegaziorik jaso.

2013ko ekainaren 10ean, Nafarroako Kulturaren Kontseilura igorri zen espedientea. Nafarroako Kulturaren Kontseiluak aldeko txostena eman zuen 2013ko ekainaren 17an.

Horrenbestez, Nafarroako Gobernuak, Kulturako, Turismoko eta Erakunde Harremanetako kontseilariak proposaturik,

ERABAKI DU:

1. Iruñeko (Nafarroa) Chinchilla jeneralaren kaleko 7an dagoen higiezinaren babes ingurunearen mugaketa onestea.

2. Iruñeko Chinchilla kaleko 7an dagoen higiezinaren babes ingurunean honako hauek sartzen dira: Iruñeko 2. poligonoko 235. lurzatia, 2. poligonoko 236. lurzatiko eraikinaren mehelina 235. lurzatiko lorategirantz, eta eraikinaren inguruko espaloiaren eremua.

Monumentu honen inguruan, 235. lurzatian izan ezik –izan ere, monumentua hantxe dago eta berariazko babesa du–, Nafarroako Kultur Ondareari buruzko 14/2005 Foru Legearen 37. artikuluan adierazitakoaren araberako Babeserako Plan Berezi bat izan bitartean, babes maila izanen da aipatutako foru legearen 36.1 artikuluan adierazitako baimenean esku-hartze guztietarako ezartzen diren determinazioetan finkatzen dena.

3. Erabaki hau Nafarroako Aldizkari Ofizialean argitaratzea.

4. Erabaki honek administrazio bidea amaitzen du, eta haren aurka, aukeran, berraztertzeko errekurtsoa jartzen ahal da, Nafarroako Gobernuari zuzendua, Nafarroako Aldizkari Ofizialean argitaratu eta biharamunetik hasita hilabeteko epean edo, bestela, zuzenean, Nafarroako Justizia Auzitegi Nagusiko Administrazioarekiko Auzien Salan aurkaratzen ahal da, argitaratu eta biharamunetik hasita bi hilabeteko epean.

Administrazio publikoek, berraztertzeko errekurtsoaren ordez, aldez aurretik errekerimendua egin dezakete, Administrazioarekiko Auzien Jurisdikzioa arautzen duen uztailaren 13ko 29/1988 Legearen 44. artikuluan ezarritako moduan eta epean.

Iruñean, 2013ko uztailaren 17an.–Nafarroako Gobernuko kontseilari eta idazkaria, F. Javier Morrás Iturmendi.

Iragarkiaren kodea: F1310605