4. PROZEDURA JUDIZIALAK
TUTERAKO LEHEN AUZIALDIKO ETA INSTRUKZIOKO
1. EPAITEGIA
Jakinarazpen ediktua
Titulu ez judizialak betearazteko 510/2011 prozedura
Nuria Creus Portas andrea, Tuterako Lehen Auzialdiko eta Instrukzioko 1. Epaitegiko idazkari judiziala.
Laseca prokuradore jaunak eskaturik titulu ez judizialak betearazteko bulego judizial honetan bideratu den 510/2011 prozeduran, erabaki da ondoren azaltzen den ondasuna enkante bidez besterentzea; prokuradorea Caja Rural de Navarra Sociedad Cooperativa de Créditoren izenean aritu da, eta Navacons Metálicas, S.L.ren, Victor Manuel Lasheras Benito jaunaren, Yolanda Ruiz Navascués andrearen, Armando Peral Marin jaunaren eta Patricia Díaz Hernández andrearen aurka.
Higiezina: merkataritzako lokala. Tuterako Konstituzio plazako 45eko Miguel Eza eraikineko hegoaldeko behe solairuan dago, eta bederatzi zenbakia du. Laurogeita hamahiru metro eta berrogeita bederatzi dezimetro koadroko azalera erabilgarria du. Mugak: aurreko aldean, arkupeak; sartu eta eskuinetara, eskailerak eta bost zenbakiko ataria; sartu eta ezkerretara, mugakide duen eraikineko lokala, Konstituzio plazako sei zenbakia duena; eta, atzeko aldean, erantsitako patioa. Eranskin gisa, patio estali gabe bat du, atzeko aldean, hirurogeita hamar metro eta berrogei dezimetro koadroko azalera hartzen duena. Eraikin osoaren zati komunetan duen partea: %3,47.
Finka Tuterako 1. Jabetzaren Erregistroan dago inskribatua: 37.552. zenbakia, 32. orria, 3.200. liburukia, 851. liburua, Tuteran.
Balorazioa, enkantearen ondorioetarako: 140.000 euro.
Enkantea egiteko tokia, eguna eta ordua: 2013ko urriaren 22an, 10:00etan, organo honetan.
Enkantearen baldintzak eta informazioa:
1. Erregistroko ziurtagiriak eta, hala badagokio, enkantean den ondasunaren titulazioa bulego judizial honetan daude ikusgai.
2. Ulertuko da lizitatzaile guztiek nahikotzat hartzen dutela dagoen titulazioa, edo titulurik eza.
3. Auzi-jartzailearen kredituaren aurreko zamek eta kargek, horrelakorik badago, bere horretan segituko dute, eta horrenbestez, enkantean parte hartze hutsarekin lizitatzaileak hori onartzen du, eta haien ondoriozko erantzukizunean subrogaturik gelditzen da, errematea bere alde esleituz gero.
4. Enkantean parte hartzeko, posturagileek betebehar hauek izanen dituzte:
a) Beren nortasuna behar bezala frogatzea.
b) Enkantearen baldintza orokorrak eta partikularrak ezagutzen dituztela aitortzea.
c) Organo honetako Gordailu eta Kontsignazioen Kontuan, hots, Banestoren 3180000005051011 kontuan, finkak enkanterako duen balioaren %5 sartu izanaren gordekina aurkeztea edo, bestela, kopuru hori adinako banku-abala jarri izanarena. Lizitatzaileak gordailu osoa edo zati bat hirugarren batengandik jasotako diruarekin egiten badu, gordekinean azaldu beharko da. Enkantearen ekitaldia bukatu ondoren, jarritako diru kopuruak itzuliko dira, posturagile onenak jarritakoa izan ezik. Ez itzultzeko berariaz eskatzen duten posturagileena ere ez da itzuliko, erremategileak prezioaren gainerako dirua epean ordaindu ezean haien aldeko errematea onets dadin.
5. Idatzizko posturak enkantea iragartzen denetik hura hasi arte egin daitezke. Gutun-azal itxietan aurkeztuko dira, aurreko atalean adierazitako baldintza berberetan. Postura horiek enkantearen hasieran irekiko dira, eta ahoz egiten direnen ondorio berberak izanen dituzte.
6. Posturak egin eta errematea hirugarren bati lagatzeko ahalmena alderdi betearazleari dagokio, ez beste inori.
Ediktu hau bulego judizial honetako iragarki oholean eta ohiko leku publikoetan egonen da ikusgai enkantearen eguna arte, eta Patricia Díaz Hernández andreari jakinarazteko erabiliko da, jakinarazpen pertsonala legeak ezarritako moduan egiterik ez badago. Eta jasota gera dadin, honako hau egin dut.
Tuteran, 2013ko uztailaren 18an.–Idazkari judiziala, Nuria Creus Portas.
Iragarkiaren kodea: J1310554
