1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
113/2013 FORU AGINDUA, abuztuaren 5ekoa, Osasuneko kontseilariak emana, Ana M.ª Galíndez Zubiría andrea Nafarroako Ospitaleguneko Laguntzaren Jarraitutasunerako eta Kalitaterako zuzendariorde izendatzen duena.
Osasunbidea-Nafarroako Osasun Zerbitzuaren Estatutuak onetsi zituen uztailaren 18ko 62/2012 Foru Dekretuaren 14.1 artikuluak xedatzen du Nafarroako Ospitaleguneko zuzendariordeak Osasuneko kontseilariak izendatu eta kenduko dituela kargutik, Osasunbidea-Nafarroako Osasun Zerbitzuko zuzendari kudeatzaileak proposatuta.
Ikusirik Osasunbidea-Nafarroako Osasun Zerbitzuko zuzendari kudeatzaileak aurkeztu duen proposamena,
AGINDU DUT:
1. Ana M.ª Galíndez Zubiría andrea Nafarroako Ospitaleguneko Laguntzaren Jarraitutasunerako eta Kalitaterako zuzendariorde izendatzea.
2. Foru agindu hau interesdunari jakinaraztea, eta Funtzio Publikoaren Zuzendaritza Nagusiari, Osasun Departamentuko Idazkaritza Tekniko Nagusiari eta Osasunbidea-Nafarroako Osasun Zerbitzuko zuzendari kudeatzaileari, Giza Baliabideen Zuzendaritzari, Lanbidearen Kudeaketa eta Garapenerako Zuzendariordetzari eta Langileriaren Gastuaren Plangintza eta Kontrolerako Zuzendariordetzari igortzea, behar diren ondorioak izan ditzan.
3. Foru agindu hau Nafarroako Aldizkari Ofizialean argitaratzea, orok jakin dezan.
Iruñean, 2013ko abuztuaren 5ean.–Osasuneko kontseilaria, Marta Vera Janín.
Iragarkiaren kodea: F1311282
