144. ALDIZKARIA - 2013ko uztailaren 29a

2. NAFARROAKO TOKI ADMINISTRAZIOA

2.2. XEDAPEN ETA IRAGARKIAK, HERRIEN ARABERA ANTOLATUAK

TAFALLA

14. aldaketa 2013ko aurrekontuan. Behin betiko onespena

Tafallako Udalak, 2013ko ekainaren 13an egin osoko bilkura arruntean, erregelamenduzko quoruma izanik, hasiera batean onetsi zuen Udalaren 2013ko aurrekontu orokor eta bakarrean aldaketa egiteko 14/2013 espedientea, diru-sarreren eta kreditu berezi baten bidez sorrarazitako kreditua erabilirik.

Aurrekontuan aldaketa egiteko erabakiaren hasierako onespena 2013ko 122. Nafarroako Aldizkari Ofizialean argitaratu zen, ekainaren 27an; behar bezainbateko publizitatea ere izan zuen iragarkiak, ediktua Udalaren iragarki oholean paratu baitzen.

Hamabortz egun balioduneko epea iragan eta inork ez duenez alegazio edo erreklamaziorik aurkeztu, aldaketa hori behin betiko onetsitzat jo behar da, Nafarroako Toki Ogasunei buruzko martxoaren 10eko 2/1995 Foru Legearen 202 eta 214.2 artikuluekin bat eta Nafarroako Toki Administrazioari buruzko uztailaren 2ko 6/1990 Foru Legearen 271. artikuluarekin bat.

14/2013 aldaketa, behin betiko onetsia, jarraian zehazten da:

“Diru-sarreren eta kreditu bereziaren bidez sorrarazitako kredituaren espedientea, eskualdeko ikastetxe publikoko komunak moldatzeko obren gastuak ordaintzeko” (14/2013 espedientea), 34.000 euro egiten duena.

Diru-sarreren eta kreditu berezi baten bidez sorrarazitako kredituaren espedientea

1.–Gastu goititua.

0.3234.6. Eskualdeko ikastetxe publikoko komunak moldatzeko obrak: 34.000 euro.

Diru-sarrera bidezko kredituen espedientearen finantzabidea

2.–Diru-sarrera goitituak.

0.7. Nafarroako Gobernuaren diru-laguntza. Ikastetxe publikoko komunak moldatzea: 20.400 euro.

Kreditu bereziaren bidezko espedientearen finantzabidea

3.–Diru-sarrera goitituak.

0.9. Epe luzerako maileguak: 13.600 euro.

Finantzaketa, guztira: 34.000 euro.

Administrazio egintza honek amaiera ematen dio administrazio bideari, eta errekurtso hauek aurkez daitezke haren kontra:

a) Berraztertzeko errekurtsoa, aukeran, agindua eman duen organo berari zuzendua, hilabeteko epean, egintza honen jakinarazpena jaso eta biharamunetik hasita. Ez da zilegi administrazioarekiko auzi-errekurtsoa aurkeztea, errekurtso hau espresuki ebatzi arte edota ustezko ezespena gertatu arte.

b) Gora jotzeko errekurtsoa, aukeran, Nafarroako Administrazio Auzitegiari zuzendua, hilabeteko epean, egintza edo erabakia jakinarazi edo argitaratzen denetik aitzina, espresa bada, edo behar den eskabidea isilbide administratiboaren ondorioz ezetsitzat hartzen den egunetik aitzina.

c) Administrazioarekiko auzi-errekurtsoa Nafarroako Administrazioarekiko Auzien Epaitegiari (edo dagokion Salari) zuzendua, bi hilabeteko epean, egintza hau jakinarazi eta biharamunetik aitzina, edo berraztertzeko errekurtsoaren ebazpenaren jakinarazpen egunetik aitzina, espresa bada. Horrela ez bada, epea sei hilabetekoa izanen da, ustezko ezespena gertatu eta biharamunetik aitzina, errekurtsoaren ebazpena jakinarazi gabe hilabetetik gora iragateagatik.

Bidezko jotzen den bertze edozein errekurtso aurkezten ahal da.

Tafallan, 2013ko uztailaren 18an.–Alkatea, Cristina Sota Pernaut.

Iragarkiaren kodea: L1310532