144. ALDIZKARIA - 2013ko uztailaren 29a

1. NAFARROAKO FORU KOMUNITATEA

1.7. BESTELAKOAK

590/2013 EBAZPENA, uztailaren 3koa, Hezkuntza Baliabideen zuzendari nagusiak emana, ikastetxe itunduetako Haur Hezkuntzan eta Lehen Hezkuntzan “A” ereduan euskara irakasten duten irakasleentzako eskola orduak onesten dituena, 2013-2014 ikasturterako.

Aurrekontuetako diruaren arabera, departamentu honek ikastetxe itunduetan “A” ereduan eskolatuta dauden ikasleez behar bezala arduratzeko baliabideak eman izan dizkie ikastetxeei eta hala segitzeko borondatea du, nahiz eta, zenbait kasutan, “A” eredua ezartzearen ondorioz “G” ereduko ikasleez arduratzeko behar diren irakasle batzuk sobratu.

Hori helburu, urtero-urtero, euskara irakasleentzat behar diren eskola orduak onesten dira. 2012-2013 ikasturteari dagozkionak, orain arte azkenak direnak, Hezkuntza Baliabideen zuzendari nagusiaren uztailaren 17ko 258/2012 Ebazpenaren bidez onetsi ziren.

Ikastetxez ikastetxe eta kurtso bakoitzean aldatzen diren inguruabarrak kontuan hartuta, Baliabide Ekonomikoen Zerbitzuko zuzendariak proposatu du 2012-2013 ikasturteko eskola orduak iraungitzea eta, 2013-2014 ikasturteari begira, A eredua duten ikastetxe itunduetan euskara irakasten duten irakasleek behar dituzten eskola orduak ematea, Euskara Atalak aurretik egindako txostena aztertu ondoren.

Espediente horren tramitazioak LOE du babesa. Izan ere, oinarrizko hezkuntza doakoa eta nahitaezkoa da (3. artikulua eta III. kapitulua) pertsona guztientzat (4.1 artikulua), eta hezkuntza administrazioek ikastetxeei beharrezko baliabideak eman behar dizkiete hezkuntza doakoa izan dadin (88.2 artikulua); hortaz, gastu hori egin ezean, eragina izanen luke administrazioaren funtzionamenduaren oinarrizko alderdien gainean.

Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 d) artikuluak ematen dizkidan ahalmenak erabiliz,

EBATZI DUT:

1. Ikastetxe itunduetan “A” ereduan euskara irakasten duten irakasleentzako eskola orduak onetsi zituen uztailaren 17ko 258/2012 Ebazpenaren ondoriozko beharkizunak, ebazpen horren eranskinean agertu zirenak, betetzat jotzea.

2. Haur Hezkuntzan eta Lehen Hezkuntzan “A” eredua duten ikastetxe itunduetan euskara ematen duten irakasleen eskola orduak onestea, 2013-2014 ikasturterako. Ikastetxe bakoitzari dagozkionak ebazpen honen eranskinean azaltzen dira.

3. Ebazpen honen 2. atalean aipatutako eskola orduak hurrengo ikasturteetan luzatu, iraungi edo aldatzen ahalko dira, ikastetxe bakoitzean gertatzen diren inguruabarren arabera.

4. Ebazpen honetan aipatzen diren “A” ereduko ikastetxeetan, itundutako unitateen behin betiko egitura eta “A” edo “G” ereduan matrikulatutako ikasleen kopurua direla kausa Hezkuntza Itunean adierazten den irakasle kopurua “G” ereduko ikasleei laguntzeko gehiegizkoa baldin bada, irakasle ratioa murriztuko da.

Baliabide Ekonomikoen Zerbitzuari baimena ematen zaio, beharrezkoak diren kasuetan, Haur Hezkuntzan eta Lehen Hezkuntzan “G” ereduan ari diren irakasleen ratioa murriztu dezan.

5. Ebazpen honen bidez baimendu diren eskola orduak ematen dituzten irakasleen soldatak hezkuntza administrazioak ordainduko ditu, hilero, ikastetxe bakoitzaren entitate titularraren izenean eginen den ordainketa delegatuaren bidez. Ordainketa delegatu horrek, hala ere, ez du inolako lan harremanik sortuko Hezkuntza Departamentuaren eta aipatu irakasleen artean.

Euskara emateko ebazpen honetan baimentzen diren eskola orduak eta “G” ereduko gehiegizko irakasleen ratioaren murrizketa klausula gehigarri gisa agertuko dira Hezkuntza Baliabideen zuzendari nagusiak eta dagokion ikastetxearen titularrak edo behar bezala kreditatutako legezko ordezkoak sinatuko duten hezkuntza itunaren agiri administratiboan.

6. Ebazpen honen aurka ikastetxe interesdunek gora jotzeko errekurtsoa jar dezakete, Hezkuntza Departamentuko kontseilariari zuzendua, jakinarazi eta biharamunetik hilabeteko epean.

7. Ebazpen hau eta eranskina Nafarroako Aldizkari Ofizialean argitara daitezela agintzea.

Ebazpen hau eta eranskina igortzea ikastetxe interesdunei, Hezkuntzako Ikuskapen Zerbitzuari, Baliabide Ekonomikoen Zerbitzuari, Euskara Atalari, Ikastetxeen, Finantzaketaren eta Ikasketetarako Laguntzen Atalari eta Itunpeko Ikastetxeen Nomina Bulegoari, behar diren ondorioak izan ditzaten.

Iruñean, 2013ko uztailaren 3an.–Hezkuntza Baliabideen zuzendari nagusia, Iñigo Huarte Huarte.

ERANSKINA

Euskara irakasteko asteko eskola orduak

HERRIA

IKASTETXEA

Aiegi

Mater Dei

21

41,5

Bera

Sagrado Corazón (B eredua)

23

23

Burlata

Amor de Dios

31

31

Burlata

Regina Pacis

31

31

Lizarra

Santa Ana

38

34,5

Mendabia

Nuestra Señora de los Dolores

9

9

Iruña

Calasanz

44

40

Iruña

Cardenal Larraona

48,5

52

Iruña

Esclavas del Sagrado Corazón

65,5

62,5

Iruña

Hijas de Jesús

37

36,5

Iruña

San Tomás

62

62

Tafalla

Escuelas Pías

58,5

58

Atarrabia

La Presentación

55,5

55,5

GUZTIRA

524,0

536,5

Iragarkiaren kodea: F1310303