1. NAFARROAKO FORU KOMUNITATEA
1.7. BESTELAKOAK
575/2013 EBAZPENA, ekainaren 26koa, Hezkuntza Baliabideen zuzendari nagusiak emana, Bateria eta Gitarra Elektrikoa musika-tresnen espezialitateak Musika eta Dantza Eskolen Berariazko Erregistroan inskribatzen dituena, Erriberriko Udalaren “Jesús García Leoz” Musika Eskolak eman dezakeen irakaskuntza gisa.
Francisco Legaz Egea Erriberriko Udaleko alkate udalburuak Bateria eta Gitarra Elektrikoa espezialitateak eskola horrek eman dezakeen irakaskuntza gisa inskribatzeko eskaera egin eta ireki den espedientea aztertu da.
Ikusirik Hezkuntzako Ikuskapen Zerbitzuak eman duen aldeko txostena.
Kontuan harturik Musika eta Dantza Eskolen sorrerari eta funtzionamenduari buruzko oinarrizko arauak onesten dituen abenduaren 21eko 421/1992 Foru Dekretuaren 29. artikuluan xedatutakoa.
Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1.d) artikuluaren bidez eskuordetutako ahalmenak erabiliz, eta Hezkuntzako Azpiegituren Zerbitzuak proposaturik,
EBATZI DUT:
1. Nafarroako Gobernuaren Musika eta Dantza Eskolen Berariazko Erregistroan Bateria eta Gitarra Elektrikoa espezialitateak inskribatzea Erriberriko Udalaren “Jesús García Leoz” Musika Eskolak ematen duen irakaskuntza gisa (ikastetxearen kodea: 31008694). Inskripzioak 2013ko maiatzaren 24tik aurrera izanen ditu ondorioak, egun horretan sartu baitzen Hezkuntza Departamentuan ikastetxeko titularraren eskaera inskribatzeko.
2. Une honetatik aurrera eskola horrek inskribatuta izanen dituen ikasketak Hezkuntzari buruzko Lege Organikoaren 48.3 artikuluan ezarritakoak dira, oinarrizko eskaintzari dagozkionak, abenduaren 21eko 421/1992 Foru Dekretuaren 9. artikuluko 1. ataleko a), b) eta c) letretan ezarritako antolamenduari jarraikiz, musika tresnen espezialitate hauetan: Bateria, Bonbardinoa, Kantua, Klarinetea, Zeharkako Flauta, Gitarra, Gitarra Elektrikoa, Perkusioa, Pianoa, Saxofoia, Tronboia, Tronpa, Tronpeta eta Biolina.
3. Eskolaren osaera aldatuz gero, eta aldaketak 421/1992 Foru Dekretuaren 29. artikuluan araututakoa ukitzen badu, Hezkuntza Departamentuari jakinarazi beharko zaio.
4. Foru dekretu horren 31. artikuluan aipatutako kasuetan, eskolaren baimena baliorik gabe uzten ahalko da.
5. Administrazioaren ebazpen honen kontra administrazio publiko interesdunak administrazioarekiko auzi-errekurtsoa jartzen ahalko du, Nafarroako Justizia Auzitegi Nagusiaren Administrazioarekiko Auzien Salari zuzendua, ebazpena argitaratu eta biharamunetik hasita bi hilabeteko epean, galarazi gabe aurretik errekerimendua egin ahal izatea, Administrazioarekiko Auzien Jurisdikzioa arautzen duen ekainaren 13ko 29/1998 Legearen 44. artikuluan ezarritako moduan eta epeetan.
6. Ebazpen hau Nafarroako Aldizkari Ofizialean argitaratuko da.
7. Ebazpen hau igortzea Erriberriko Udaleko alkate-udalburu jaunari, Hezkuntzako Ikuskapen Zerbitzuari, Hezkuntzako Azpiegituren Zerbitzuari, Arte Ikasketetarako eta Musikaren Hiria Kudeatzeko Atalari, Ikastetxeen, Finantzaketaren eta Ikasketetarako Laguntzen Atalari, Kontratazioaren, Zerbitzu Osagarrien eta Koordinazio Administratiboaren Atalari eta Ikastetxeetako Informazioa Kudeatzeko Bulegoari.
Iruñean, 2013ko ekainaren 26an.–Hezkuntza Baliabideen zuzendari nagusia, Iñigo Huarte Huarte.
Iragarkiaren kodea: F1309642