4. PROZEDURA JUDIZIALAK
OVIEDOKO LAN ARLOKO 4. EPAITEGIA
Ediktua. 668/2012 prozedura arrunta
María José Cordero Escalonilla andrea, Oviedoko Lan arloko 4. Epaitegiko idazkaria.
Aditzera ematen dut: gaurko egunean emandako ebazpenaren bidez, David Fernández Collarrek eskaturik, diru kopuru baten erreklamazioa dela eta, ondokoen aurka bideratzen ari den 668/2012 prozedura arruntaren barnean: Induminer, S.L., Antracitas de Gillon, S.L., Jose Luis (Induminer, S.L.ren administratzaile bakarra) Alvarez Fernandez, Andres (Induminer, S.L.ren bazkide bakarra) Alvarez Fernandez, Juan (Antracitas de Gillon, S.L.ren administratzaile bakarra) Alvarez Bartres, Antonio (Antracitas de Gillon, S.L.ren bazkide fund.) Garcia Munte Nuño, Maria Dolores (Antracitas de Gillon, S.L.ren bazkide fund.) Lopez Palau, Francisco (Antracitas de Gillon, S.L.ren bazkide fund.) Garcia Munte Lopez eta Ad Cryex, S.L.P.; erabaki da zitazioa egitea Antonio García Munte Nuñori, María Dolores López Palauri eta Francisco García Munte Lópezen jaraunsleei, non diren jakiterik ez baitago, 2014ko urtarrilaren 30eko 10:05ean ager daitezen Lan arloko 4. Epaitegi honen judizio-aretoan (Llamarique plaza, z. g.; Oviedo) adiskidetze-ekitaldia egiteko eta, beharrezkoa bada, judizioa. Demandatuak berak agertu beharko du, edo legezko ahalordea duen beste pertsona batek, eta erabili nahi dituen frogabide guztiak eraman beharko ditu. Ohartarazten zaio deialdi bakarra dela eta, bidezko arrazoirik gabe agertzen ez bada, ekitaldi horiek ez direla bertan behera utziko.
Hartzaileari ohartarazten zaio bulego judizialeko iragarki-oholean ebazpenaren edo zedularen kopia jarriz eginen direla hurrengo jakinarazpenak, salbu eta autoenak, epaienak edo epatzeenak.
Judiziora abokatuak lagunduta edo lan-harremanetako gradudun kolegiatu batek teknikoki ordezkatuta nahiz prokuradore batek ordezkatuta agertzeko asmoa baldin badu, horren berri emanen dio epaitegiari edo auzitegiari idatziz, judiziora agertzeko zitazioa egin eta hurrengo bi eguneko epean. Horren xedea da auzi-jartzaileari asmo horren berri ematea, aukera izan dezan lan-harremanetako gradudun kolegiatu batek teknikoki ordezkatuta bertaratzeko, edo prokuradore batek ordezkatuta, edo epe berean abokatua izendatzeko edo ofizioz izenda diezaiotela eskatzeko. Betebehar horiek bete ezean, ulertuko da alderdiak uko egiten diola judizioan abokatua, prokuradorea edo lan-harremanetako gradudun kolegiatua izateko eskubideari.
Eta Antonio García Munte Nuñori, María Dolores López Palauri eta Francisco García Munte Lópezen jaraunsleei zitazioa egiteko balio izan dezan, zedula hau egiten da Nafarroako Aldizkari Ofizialean argitaratzeko eta iragarki-oholean jartzeko.
Oviedon, 2013ko ekainaren 13an.–Idazkari judiziala, María José Cordero Escalonilla.
Iragarkiaren kodea: J1309368
