4. PROZEDURA JUDIZIALAK
IRUÑEKO LAN ARLOKO 4. EPAITEGIA
Zitazio ediktua. 1343/2012 prozedura arrunta
Gaurko egunean emandako ebazpenaren bidez, Alberto Aguirre Vitasek, Mohammed El Fahsik, Rachid Afafek eta Svetoslav Atanasov Golevek eskaturik, diru kopuru baten erreklamazioa dela-eta Bensatrans 2002, S.L.ren aurka bideratzen ari den 1343/2012 demandan, erabaki da alderdi demandatuari zitazioa egitea, non den jakiterik ez baitago, 2014ko otsailaren 21eko goizeko 11:30ean 103. judizio-aretoan (lehen solairua) ager dadin, adiskidetze-ekitaldia eta, beharrezkoa bada, judizioa egiteko.
Ekitaldi horiek epaitegi honetako judizio-aretoan eginen dira (San Roke kalea, 4, lehen solairua). Demandatuak berak agertu beharko du, edo legezko ahalordea duen beste pertsona batek, eta erabili nahi dituen frogabide guztiak eraman beharko ditu. Aditzera ematen zaio deialdi bakarra dela eta bidezko arrazoirik gabe agertzen ez bada ekitaldi horiek ez direla bertan behera utziko.
Aitortza judizialaren proba egitearren, demandatuak berak agertu beharko du eta, pertsona juridiko pribatuak badira, haien legezko ordezkaritza duenak (notario-ahalordea edo eskritura erakutsita frogatuko du); ohartarazten da ez agertzeko justifikaziorik ez badu edo aitorpenik egin nahi ez badu, edo baietz nahiz ezetz erantzuteari uko egiten badio, behin eta berriz, errua aitortutzat jo daitekeela.
Hartzaileari ohartarazten zaio ez dela beste jakinarazpenik eginen, autoenak, epaienak edo epatzeenak izan ezik.
Eta Bensatrans 2002, S.L.ri zitazioa egiteko balio izan dezan, zedula hau egiten da Nafarroako Aldizkari Ofizialean argitara dadin.
Iruñean, 2013ko maiatzaren 29an.–Idazkari judiziala, Alfonso Pérez Ruiz.
Iragarkiaren kodea: J1308002
