4. PROZEDURA JUDIZIALAK
NAFARROAKO JUSTIZIA AUZITEGI NAGUSIA
Ediktua. 580/2009 prozedura
María Ángeles Ederra Sanz, Nafarroako Justizia Auzitegi Nagusiko Administrazioarekiko Auzien Salako idazkaria.
Aditzera ematen dut: 580/2009 administrazioarekiko auzi-errekurtsoan epaia eman da eta irmo geratu da. Hona hemen horren idazpurua eta epaitza, hitzez hitz:
"351/2013 epaia.
Joaquín Galve Sauras jauna.–Magistratuak.–Ignacio Merino Zalba jauna.–Francisco Javier Pueyo Calleja jauna.
Iruñean, 2013ko apirilaren 17an.
Nafarroako Justizia Auzitegi Nagusiko Administrazioarekiko Auzien Salak, aipatutako magistratu jaun-andreek osatutakoak, 580/2009 errekurtsoaren autoak aztertu ditu. Honako honen aurka sustatu zen errekurtsoa: interes orokorreko hornidura zerbitzuak ustiatzen dituzten enpresek Barillasko udal mugapean herriko jabari publikoaren aprobetxamendu bereziagatik ordaindu beharreko tasa arautzen duen ordenantza fiskala, 2009ko 151. Nafarroako Aldizkari Ofizialean argitaratua, abenduaren 9an. Ondokoak izan dira alderdiak: errekurtsogilea, Vodafone España, S.A., Carlos Hermida Santos jaunak ordezkatua eta Javier Gutierrez Viloria legelari jaunak zuzendua, eta, demandatua, Barillasko Udala, Camino Royo Burgos prokuradore andreak ordezkatua eta Manuel Corpas Rubio legelari jaunak zuzendua.
Hona gure epaitza:
1. Onargarritasunik ezaren kausa bazterturik.
2.–Partez baiesten dugu Vodafone España, S.A.k, Hermida Santos prokuradore jaunak ordezkatuta eta Gutiérrez abokatu jaunak defendatuta, jarritako administrazioarekiko auzi-errekurtsoa, interes orokorreko hornidura zerbitzuak ustiatzen dituzten enpresek Barillasko udal mugapean herriko jabari publikoaren aprobetxamendu bereziagatik ordaindu beharreko tasa arautzen duen ordenantza fiskalaren aurkakoa (2009ko 151. Nafarroako Aldizkari Ofizialean argitaratua, abenduaren 9an) eta, horrenbestez, 3. artikuluko azken intzisoaren deuseztasuna deklaratzen dugu, hornidurak egiteko baliatzen diren sareen titular ez diren enpresa edo entitateak egiten baititu tasaren subjektu pasibo, nahiz sare horietan sartu, haiek erabili edo elkarri konektatzeko eskubideen titular izan; orobat, 5. artikuluaren deuseztasuna.
3. Ez da erabaki berezirik hartu prozesuko kostuei buruz.
4. Epai hau irmo bilakatu ondoren Nafarroako Aldizkari Ofizialean argitara bedi, Jurisdikzioa arautzen duen Legearen 72.2 artikuluan ezarritakoarekin bat.
Beraz, epai honen bidez, behin betiko epaituz, hori aldarrikatu, agindu eta sinatzen dugu (epaiaren ziurtapena autoei erantsiko zaie). Epaiaren kontra kasazio-errekurtsoa jar daiteke Sala honi berari zuzendua, hamar eguneko epean.
Eginbidea: Iruñean, 2013ko apirilaren 23an. Nik, idazkariak, egina, adierazteko gaurko egunean epai hori eman didatela, behar bezala sinatuta, alderdiei jakinarazpena egiteko eta legez ezarritako publikotasuna emateko, eta autoei hitzez hitzeko ziurtapena erantsi diedala eta jatorrizkoa artxibatu dudala. Fede ematen dut.María Angeles Ederra Sanz.”
Eta Nafarroako Aldizkari Ofizialean argitara dadin, Administrazioarekiko Auzien Jurisdikzioa arautzen duen Legearen 72.2 eta 107.2 artikuluetan ezarritakoari jarraituz, honako hau egin eta sinatzen dut.
Iruñean, 2013ko maiatzaren 14an.–Salako idazkaria, María Angeles Ederra Sanz.
Iragarkiaren kodea: J1307204
