2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
MURCHANTE
Titular ezezaguneko lurzatiaren katastroko aldaketaren gaineko espedientea abiatzea
Nafarroako Lurralde Aberastasunaren Erregistroari eta Katastroei buruzko azaroaren 21eko 12/2006 Foru Legearen 32.7. artikuluan ezarritakoarekin bat, Alkatetzaren 2013ko apirilaren 18ko ebazpenaren bidez abiatu da Lurralde Aberastasunaren Erregistroko oinarrizko datuak aldatzeko espedientea, honako honi dagokionez: 2. poligonoko 1071. lurzatia, Gayarre karrikako 27an, 52’51 metro karratuko azalera duena, titular “ezezagunaren” izenean agertzen dena.
Iragarki honen bidez ebazpen honen berri ematen zaie interesdunei, hilabeteko epean alegazioak aurkez ditzaten eta 2. poligonoko 1071. lurzatiari dagokion jabetza titulua eta beharrezkotzat jotzen dituzten gainerako agiriak ekar ditzaten.
Murchanten, 2013ko maiatzaren 21ean.–Alkate udalburua, Tomás Aguado Martínez.
Iragarkiaren kodea: L1307499
