2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ARMAÑANTZAS
2013ko plantilla organikoa. Behin betiko onespena
Armañantzasko Udalak, 2013ko apirilaren 16an egin osoko bilkuran, legez eskatzen den gehiengoa zuela, onetsi zuen 2013ko ekitaldiko plantilla organikoa, Nafarroako Toki Administrazioari buruzko uztailaren 2ko 6/1990 Foru Legearen 236. artikuluan eta horrekin bat heldu den legerian agindutakoari jarraituz.
Toki entitatearen iragarki oholean paratu eta 2013ko 78. Nafarroako Aldizkari Ofizialean, apirilaren 25ekoan, argitaratu ondoan, espedientea Idazkaritzan egon zen hamabortz egun baliodunean, bizilagunek eta interesdunek aztertu eta erreklamazioak egin zitzaten.
Jendaurreko epea iragan denez inork alegaziorik aurkeztu gabe, 2013ko plantilla organikoa behin betiko onetsi eta argitara ematen da, Nafarroako Administrazio Publikoen Zerbitzuko Langileen Estatutuaren testu bategina onetsi zuen abuztuaren 30eko 251/1993 Legegintzako Foru Dekretuaren 19. eta 20. artikuluetan xedatuarekin bat.
2013ko plantilla organikoa
Funtzionarioak
Izena: idazkaria, Torres del Rioko eta Elizagorriko Udalekin partekatua. Maila: A. Lanpostuko osagarria: %23,72. Sarbidea: oposizio-lehiaketa. Egoera: hutsik.
Administrazio-kontratudunak
Izena: idazkaria, Torres del Rioko eta Elizagorriko Udalekin partekatua. Maila: A. Lanpostuko osagarria: %23,72. Sarbidea: oposizio-lehiaketa. Antzinatasuna: 1988/08/16. Egoera: Jardunean.
Araubide administratiboko langileen izenen zerrenda
Ana Barbarin Jiménez. Idazkaria.
Armañantzasen, 2013ko maiatzaren 21ean.–Alkatea, Francisco Javier Oyón Sanz.
Iragarkiaren kodea: L1307497
