Iragarkia

95. ALDIZKARIA - 2012ko maiatzaren 21a

1. NAFARROAKO FORU KOMUNITATEA

1.4. DIRU-LAGUNTZAK, LAGUNTZAK ETA BEKAK

3E/2012 EBAZPENA, maiatzaren 9koa, Euskarabidea-Euskaren Nafar Institutuko zuzendari kudeatzaileak emana. Ebazpen horren bidez onetsi da Nafarroako Foru Komunitateko entitate juridikoei helduak euskalduntzeko ematen zaizkien laguntzen deialdia, 2012ko urtarrilaren 1etik irailaren 30era bitartekoa.

EBATZI DUT:

1. Onestea Nafarroako Foru Komunitateko entitate juridikoei helduak euskalduntzeko ematen zaizkien laguntzen deialdia, 2012ko urtarrilaren 1etik irailaren 30era bitartekoa, eta hura arautuko duten oinarriak, ebazpen honen I. eranskinean jasoak.

2. Guztira 213.143 euroko gastua baimentzea, deialdi honetatik heldu direnak ordaintzeko. Gastuak 2012ko Gastuen Aurrekontuko "Helduak euskalduntzeko laguntzak" izeneko 44200 440001 4819 322900 kontu-sailaren kargura ordainduko dira.

3. Ebazpen hau eta bere eranskinak Nafarroako Aldizkari Ofizialean argitara daitezela agintzea.

4. Ebazpen hau eta bere eranskinak igortzea Ekonomia eta Ogasun Departamentuak Hezkuntza Departamentuan duen Kontu-hartzailetza Delegatura, Aurrekontu eta Kudeaketa Ekonomikoaren Atalera, Kudeaketa Ekonomikoaren Bulegora, Euskarabideko zuzendari kudeatzaileari eta Euskarabideko Euskararen Prestakuntza eta Sustapenerako Zerbitzura, Euskararen Sustapenerako Atalera eta Programen Bulegora, behar diren ondorioak izan ditzan.

5. Deialdi honen eta deialdia arautzen duten oinarrien kontra gora jotzeko errekurtsoa jar daiteke, Nafarroako Gobernuari zuzendua, argitaratu eta biharamunetik hasita hilabeteko epean.

Iruñean, 2012ko maiatzaren 9an.-Euskarabideko zuzendari kudeatzailea, Maximino Gómez Serrano.

I. ERANSKINA

Nafarroako foru komunitateko entitate juridikoei helduak euskalduntzeko ematen zaizkien laguntzen deialdiaren oinarriak
(2011-2012 ikasturteko azken bi hiruhilekoak eta uda)

Lehen oinarria.-Xedea eta diruz lagundutako aldia.

Deialdi honen xedea da Nafarroako Foru Komunitateko entitate juridikoei helduak euskalduntzeko ematen zaizkien laguntzak arautzea.

Diruz lagunduko dira 2012ko urtarrilaren 1etik irailaren 30era bitartean egindako euskara ikastaroak, hau da, 2011-2012 ikasturteko azken bi hiruhilekoetan eta udan egindakoak.

Bigarren oinarria.-Diruz lagundutako ikastaroak.

Honako ikastaro hauek lagunduko dira diruz:

a) Bertaratu beharreko ikastaro arruntak: ikastaro bakoitza gutxienez 4 eskola-ordukoa astean eta gutxienez 120 ordukoa ikasturte osoan. Bertaratu beharreko udako ikastaroek gutxienez 60 eskola-ordu izanen dituzte.

b) Barnetegiak: ikastaro bakoitza gutxienez 70 ordukoa, horietatik gutxienez 60 eskola-orduak izanik.

c) Baliabide telematikoen bidez emandako ikastaroak: ikastaro bakoitza gutxienez 190 ordukoa ikasturte osoan, ordu-kopuru horretan kontaturik on-line lanerako orduak eta mintzapraktikarako orduak (astean ordu bat, gutxienez).

d) Bestelako ikastaroak, aurrekoen antzekoak, Baloraziorako Batzorde Teknikoak onetsi beharrekoak.

Hirugarren oinarria.-Aurrekontuaren erabilgarritasuna eta diru-laguntzen moduluak.

3.1. Deialdia gehienez ere 213.143,00 euroz hornitua izanen da, zenbateko hori 2012ko Gastuen Aurrekontuko "Helduak euskalduntzeko laguntzak" izeneko 44200 440001 4819 322900 kontu-sailaren kargura ordainduko delarik, baina aldaketak egon daitezke aurrekontuetako aldaketen ondorioz.

3.2. Laguntzen erreferentzia-modulua 2012ko urtarrilaren 1etik irailaren 30era bitarteko aldirako 0,74 eurokoa izanen da, diruz laguntzekoa den ikasle-orduko. Modulu hori alda daiteke dagokion kontu-sailaren erabilgarritasunera moldatzeko.

-Bertaratu beharreko ikastaroetan diruz laguntzeko orduak eskola-orduak berak izanen dira.

-Autoikaskuntzan zenbatuko dira bertaratzeko ordu efektibo guztiak gehi ikasle bakoitzeko diruz laguntzekoak diren on line orduen %55 (gehienez 120 ordu ikastaroko), 2011-2012 ikasturte osokoak kontuan hartuta.

-Barnetegi modalitatean barnetegiko egun bakoitzeko diruz laguntzeko zazpi ordu zenbatuko dira.

3.3. Ikastetxe bakoitzak eskaera eginen du 2012ko urtarriletik irailera bitarteko eperako. Eskaeran agertuko da aldi horretarako aurreikuspena, xehetasunez: talde kopurua eta emanen diren ikasle-orduak.

Udako jardueren kasuan zenbatuko dira 2010-2011 ikasturteko udako jardueren benetako orduak.

Autoikaskuntza jardueren kasuan, ikasturte osorako ikasleko aurrez ikusita dauden 190 orduei kendu eginen zaie 2011-2012 ikasturtearen lehenengo hiruhilekoan diruz lagundutako orduen kopurua.

2010-2011 ikasturteko urtarriletik irailera bitarteko aldirako onartutako ikastalde eta ikasle-orduen kopuruak hartuko dira aintzat, ikastetxe bakoitzerako, diru-laguntza kalkulatzerakoan.

Laugarren oinarria.-Egiaztagiriak.

4.1. Dokumentazioa seigarren oinarriko 6.1 puntuan azaltzen den epeen barruan aurkeztuko da, Erregistro Orokor Elektronikoan, ekainaren 23ko 70/2008 Foru Dekretuarekin bat, Euskarabidearen Erregistroan (Biurdana kalea 1, 1.a 31011 Iruña), Hezkuntza Departamentuaren Erregistroan (Santo Domingo kalea, zk.g., 31001 Iruña), edo Herri Administrazioen Araubide Juridikoari eta Administrazio Prozesura Erkideari buruzko azaroaren 26ko 30/1992 Legeko 38.4 artikuluan aipatzen diren lekuetako edozeinetan. ikastegien eskura Euskarabideak jarritako aplikazio informatikoaren bidez oso-osorik igortzen ahal den dokumentazioa aurkezteko, nahi izanez gero, bide hori erabiliko da.

4.2. Honako agiri hauek aurkeztu beharko dira:

a) Diru-laguntza eskaera urtarriletik irailera bitarteko aldirako, deialdi honen 3.3 puntuan zehaztutako moduan. Horretarako VI. eranskineko fitxa erabiliko da.

b) II., III. eta IV. eranskinetako formularioak.

c) Irakasle kontratatu berrien euskara tituluen fotokopiak.

d) Ikastegiko eskola egutegia: ikasturtea noiz hasi eta bukatuko den, eta eskola-egunak eta jaiegunak zein izanen diren. Era berean, eskola egutegi horretan kontuan izanen dira Nafarroako jaiegunak, Laneko Zuzendaritza Nagusiaren behar den ebazpenak halakotzat jo dituenak, alegia. Ikastegiko eskola egutegia eta ikastaro bakoitzekoa ikastegiko iragarki-oholean jarriko dira.

Eskaturiko agiriak aurretiko deialdietan jadanik aurkeztu badira eta ordudanik aldaketarik gertatu ez bada, ez da berriz aurkeztu beharrik izanen. Nolanahi ere, espresuki horren berri eman beharko da eskarian.

4.2.1. II. eranskina: entitate eskatzaileari buruzko dokumentazioa. Atal honetan honako hau jasoko da:

a) Ikastegiko datuak, izena, helbidea, herria eta IFZ.

b) Ikastegiko arduradunaren datuak.

c) Diru-laguntza eskatzen den aldiari dagokion aurrekontua, honako kontu-sail hauek zehaztuta: langileria, Gizarte Segurantza eta funtzionamendua.

Diru-sarrerei dagokienez:

-Diruz lagundutako jarduerarako beste erakunde publiko batzuetatik jasotako diru-sarrerak.

-Diruz lagundutako jarduerarako entitate pribatuetatik etorritako diru-sarrerak.

-Matrikula kontzeptuagatik jasoko direla aurrez ikusitako kopuruak. Kasu honetan diru-laguntza eskatu den aldiari egotz dakiokeen kopurua aitortuko da. Ikastegian gordeko dira ikasleek ordaindutako matrikularen ordainagiriak.

Diruz lagundutako taldeek sortzen dituzten diru-sarrerak taldeka xehatuta adieraziko dira.

Euskaltegiak ikasle bakoitzari hilabetean, hiruhilekoan, lauhilekoan edo ikasturtean kobratzen dizkion tasa akademikoak ere zehaztuko dira.

d) Irakasleak:

-Bakoitzak astean ematen dituen eskola-orduak, ikastaroen eta mailen arabera.

e) Ikastegiko zuzendariaren edo arduradunaren erantzukizuneko aitorpena, aurkeztu diren datu eta agiriak egiazkoak direla dioena (II. eranskina). Aitorpen horretan adieraziko da Hezkuntza Departamentuari baimena ematen zaiola behar diren neurriak har ditzan frogatzeko entitate eskatzaileak egunean dituela Foru Ogasunarekiko zerga-betebeharrak.

f) Eskaera aurkezteko ezarritako epeetan (seigarren oinarria, 6.1. puntua) kotizazioaren egoeraren ziurtagiria ere aurkeztuko da, Gizarte Segurantzako Diruzaintzak emana, ordainketak eguneratuak dituela egiaztatzen duena.

4.2.2. III. eranskina: ikastaldeei dagokien dokumentazioa. Bertan ikastaldeei buruz eskaturiko datu hauek agertuko dira:

a) Ikastalde bakoitzaren datuak, identifikazio zenbakia, hasierako ikasketa-maila, irakaslea eta honen titulua eta ikasle kopurua adieraziz.

b) Ematekoak diren eskola-orduak. Barnetegietan, ikastaldi bakoitzean zenbat eskola-ordu eta eskola-egun izanen den adierazi beharko da.

c) Ikastaroa noiz hasi eta bukatuko den.

4.2.3. IV. eranskina: ikasleei dagokien dokumentazioa. "Euskaltegiak eta Gau-eskolak" izeneko fitxategia kudeatzeko aplikazioaren bidez emanen da informazio hau. Honako datu hauek sartuko dira:

-Ikasleen zerrenda, alfabetoaren araberako hurrenkeran eta NANaren grafiarekin, helbidea, NAN zenbakia, taldea eta maila.

4.2.4. Dokumentazio pedagogikoa: ikastegiko curriculuma.

Bosgarren oinarria.-Frogagiriak.

Seigarren oinarriko 6.2 puntuan ezarritako epeetan honako agiri hauek aurkeztu beharko dira:

a) Ikasleen zerrenda, ikastaroz ikastaro antolatua. Hiruhilekoa bukatuta, ikastalde bakoitzean izan den bertaratzearen ehunekoa. Era berean, ikastaldeen osaeran aldaketarik izan bada, epe horietan berean adieraziko da. "Euskaltegiak eta Gau-eskolak" izeneko fitxategia kudeatzeko aplikazioaren bidez emanen da informazio hau.

b) Seigarren oinarriko 6.3 puntuan ezarritako epeetan aurkeztuko da ikastegiko arduradunak edo sinatzeko legezko ahalmena duenak sinatutako ziurtagiria, V. eranskinaren araberakoa. Honako hauek bilduko dira hartan:

c) 2012ko urtarriletik irailera bitarteko aldiari dagozkion gastu eta sarreren balantzea.

d) Hiruhilekoan jasotako diru-sarreren, matrikulen, diru-laguntzen eta bestelako laguntzen aitorpena, zehaztuz zein den aplikaturiko egozte-irizpidea.

e) Diruz lagundutako aldiari dagozkion langileen frogagiriak (jatorrizkoak zein kopia sinpleak): nominak, Gizarte Segurantzako kotizazio arloko TC1 eta TC2 agiriak eta ordainagiriak.

f) Diruz lagundutako aldiari dagozkion funtzionamendu gastuen frogagiriak, haien ordainagiriekin (jatorrizkoak zein kopia sinpleak).

g) Euskarabideak bere gain hartzen du interesdunei edozein unetan jatorrizko dokumentuak eskatzeko eskubidea, haiek alderatu eta egiazkotasuna frogatu ahal izateko. Frogatzerik ez badago, ondoriozko legezko ekintzak egin ahal izanen ditu.

Seigarren oinarria.-Eskaerak eta frogagiriak aurkezteko epeak.

6.1. Diru-laguntzaren eskaera eta laugarren oinarrian zehaztutako agiriak aurkezteko 10 egun balioduneko epea izanen da, deialdi hau Nafarroako Aldizkari Ofizialean argitaratu eta biharamunetik hasita.

6.2. Bertaratzeari, ikastaldeen osaerari eta dagozkien gastuei buruzko dokumentazioa aurkezteko epeak honakoak izanen dira:

Deialdi hau argitaratzen denetik 15 egun, gehienez ere, 2011-12 ikasturteko bigarren hiruhilekoari (urtarrila, otsaila eta martxoa) dagozkion agiriak aurkezteko.

Uztailaren 5a baino lehenago, 2011-12 ikasturteko hirugarren hiruhilekoari (apirila, maiatza eta ekaina) dagozkionak.

Urriaren 5a baino lehenago, 2012ko udari (uztaila, abuztua eta iraila) dagozkionak.

6.3. Halaber, ikastegiek epe horietan berean aurkeztuko dituzte aldi bakoitzari dagozkion balantze ekonomikoa eta gastuen frogagiriak.

6.4. Eskabideak ez baditu aurreko oinarrietako baldintzak betetzen, interesdunari eskatuko zaio hamar egun balioduneko epean akatsa zuzendu dezan edo beharrezko dokumentuak erants ditzan. Horrekin batera adieraziko zaio, hala jokatzen ez badu, eskaera bertan behera utzi duela ulertuko dela. Gorabehera hori aldez aurreko ebazpen bidez adieraziko da.

Zazpigarren oinarria.-Ebazpena eta diru-laguntzen ordainketa.

7.1. Euskararen Prestakuntza eta Sustapenerako Zerbitzuak bideratuko du prozedura eta, batzordearen ebaluazioa ikusirik, ebazpena proposatuko du.

7.2. Baloraziorako Batzorde Teknikoa eskaerak ebaluatzeaz arduratuko da. Batzordea osatuko dute Euskarabideko Euskararen gaineko Aholkularitza eta Prestakuntzarako Zerbitzuko zuzendariak (batzordeburu arituko da), zerbitzu horretako atalburu batek eta laguntzen deialdiaz arduratzen den teknikariak (idazkari arituko da). Batzordearen irizpena loteslea izanen da.

7.3. Euskarabideko zuzendari kudeatzaileak ebatziko ditu deialdu honen xede diren diru-laguntzak, hilabeteko epean eskaera aurkezteko epea bukatu eta biharamunetik hasita, eta hurrengo 20 egun baliodunen barruan jakinaraziko da. Hilabeteko epe hori bukatuta, espresuki ez bada ebazpenik eman, eskabideak ezetsitakotzat joko dira.

7.4. Euskarabideko zuzendari kudeatzailearen ebazpenaren bidez, ikasturte osorako onartutako eskaera guztiak kontuan izanik, ebatziko da zenbat ordu onartuko zaizkion ikastegi bakoitzari hiruhilabete bakoitzean eta ezarriko da zenbateko diru-laguntza dagokion entitate onuradun bakoitzari hiruhilabete bakoitzean, deialdiko hirugarren oinarriaren arabera.

Zenbateko hori baldintzatuko dute, batetik, benetako datuen arabera eginen den doikuntzak eta, bestetik, ebazpen honen laugarren oinarrian xedatutakoak.

7.5. Hiruhilabete bakoitzeko frogagiriak deialdiko seigarren oinarrian zehaztutako epeetan aurkeztu eta gero, 7.4 puntuan adierazitako zenbatekoak ordainduko dira, betiere ordaintzekoa den kopurua baino handiagoa bada ikastegien defizita.

7.6. Diru-laguntza osorik ordaintzeko nahikoa baliabiderik ez badago, dauden baliabideak proportzionalki banatuko dira onuradunen artean, eta gerta daitezkeen aldaketen ondoriozko soberakina ere proportzionalki banatuko da, benetako datuak kontuan izanik eta deialdiko 3.3 puntuan ezarritakoaren arabera.

7.7. Aldi osoan ematekoak diren diru-laguntzen zenbateko osoa aurrekontuan erabilgarri dagoen dirua baino gehiago bada, laguntzak modu proportzionalean murriztuko dira, erabilgarri dagoen kopurua osora egokitzeko.

Zortzigarren oinarria.-Onuradunen betebeharrak, diru-laguntzen jarraipena eta kontrola.

8.1. Ikastegiak ikaslearen ebaluazio erregistroaren fitxa eramanen du; bertan idatziko dira etengabeko ebaluazioaren edo eskola-bertaratzearen datuak.

8.2. Ikasleak etengabe ebaluatuko dira, eta ikastaroa hastean eta bukatzean diagnosi azterketak eginen dira. Ebaluazio prozesuetan erabilitako probak urtebetez gordeko dira, egiten direnetik, eta azterketa horien emaitzak amaierako ebaluazioaren aktan bilduko dira.

8.3. Administrazioak noiznahi eska ditzake fitxa horiek eta kontabilitateko agiriak, pedagogiakoak edo bestelakoak.

8.4. Azaroaren 1a baino lehenago, diruz lagundutako entitateek 2011-2012 ikasturteko memoria (diruz lagundutako jardueren programazio orokorra bete den ala ez ebaluatuko da bertan) eta ikasleen ebaluazioaren amaierako akta aurkeztuko dituzte. Halaber, egun hori baino lehenago aurkeztuko da 2012-2013 ikasturteko plana.

8.5. Era berean, Administrazioak bertaratze-txostena eta aprobetxamendu-txostena eska ditzake eta, hartara, diru-laguntzen entitate eskatzailea arduratuko da entitatearen arduradunak sinatuak izan behar diren bi txosten horiek gordetzeaz. Txosten horietan honako hau agertuko da:

-Ikaslearen datuak: izen-abizenak eta IFZ.

-Ikastaroaren datuak: ikastaroaren hasiera- eta bukaera-egunak, maila, eskola-ordutegia, eskola-orduen kopurua (barnetegian, baita zenbat egun ere) eta matrikularen prezioa.

-Aprobetxamendu datuak: hasierako maila eta bukaeran lortutakoa, jasotako eskola-orduak eta horien ehunekoa. Ikasleak erdietsitako ebaluazioa ere sartuko da.

8.6. Diru-laguntza honen onuradunek giza eskubideak eta pertsonen arteko bizikidetzaren balioak errespetatuko dituzte eta, ondorioz, ezin izanen dituzte agerian eduki horiei dagokienez, herritarrentzako laidogarriak izan daitezkeen, erabiltzaileen duintasuna urra dezaketen edo indarkeria iradokitzen duten ikurrak edo elementuak.

8.7. Deialdi honetako diru-laguntzen entitate onuradunek lagundu eginen dute Nafarroan helduen euskalduntzearekin loturiko datu estatistikoen bilketan.

8.8. Onuradunak, luze-zabalean, Diru-laguntzei buruzko 11/2005 Foru Legearen 9. artikuluan ezarritako betebeharren mende izanen dira.

8.9. Onuradunek erabili duten publizitatearen bi ale grafiko aurkeztuko dituzte. Publizitatean Nafarroako Gobernuaren logoa agertu behar da, jarduera diruz laguntzen duen entitate bezala.

8.10. Memoriarekin batera entitateak koadro bat ere aurkeztu beharko du, ematen duen prestakuntza eskaintzaren eta Hizkuntzen Europako Erreferentzia Marko Bateratuan ezarritako mailen arteko baliokidetasuna adieraziz.

Bederatzigarren oinarria.-Datuen tratamendua.

Ikasleen eta irakasleen datuen trataera Datuak Babesteari buruzko abenduaren 23ko 15/1999 Lege Organikoan ezarritakoaren araberakoa izanen da.

Hamargarren oinarria.-Ez-betetzeak, itzulketak eta arau-hausteak.

10.1. Ez-betetze arintzat joko dira irregulartasun formalak. Halakoetan, ez-betetzearekiko proportzionalak izanen diren itzulketak edo ez-ordaintze partzialak eginen dira. Ez-betetze larritzat joko dira funtsezko gaiei dagozkienak. Halakoetan, arau orokorra izanen da itzulketa edo ez- ordaintze osoa, galarazi gabe, bi kasuetan ere, azaroaren 9ko 11/2005 Foru Legean ezarritako kasuetarako berandutza korrituak eskatzea. Balorazio Batzordeak egoki irizten dituen mailaketa irizpideak ezarri ahal izanen ditu.

10.2. Arau-hauste eta zehapenei dagokienez Diru-laguntzei buruzko azaroaren 9ko 11/2005 Foru Legeko IV. titulua hartuko da aintzat. Zehapen prozedura Nafarroako Foru Komunitateko Administrazioari buruzko abenduaren 3ko 15/2004 Foru Legeko V. tituluan ezarritakoa izanen da.

Hamaikagarren oinarria.-Diru-laguntzen bateragarritasuna.

11.1. Deialdi honetako diru-laguntza bateragarria da administrazio berak, beste administrazio publiko batzuek, erakunde publiko edo pribatuek eta norbanakoek, nazionalek zein nazioartekoek, ematen dituzten bestelako diru-laguntzekin. Diru-laguntzaren zenbatekoa ez da sekula, bakarka edo beste diru-laguntza, laguntza, diru-sarrera edo baliabideekin batera, diruz lagundutako jardueraren kostua baino handiagoa izanen.

11.2. Beste entitate batzuek emandako diru-laguntza edo laguntzarik eskuratzen baldin bada, onartutako laguntza aldatzen ahalko da, laguntza guztien zenbatekoak diru-laguntzaren xede den jardueraren kostua gainditzen badu.

Hamabigarren oinarria.-Diru-laguntzen berri ematea.

12.1. Ematen diren diru-laguntzak eta onuradunen eta baztertuen zerrendak Euskarabidearen web orrian jarriko dira jendaurrean: http://www.euskarabidea.es

12.2. Entitate guztiek beren publizitatean adierazi beharko dute beren ikastaroak diruz lagunduta daudela.

Hamahirugarren oinarria.-Legeria aplikagarria.

Modalitate hau honako hauetan xedatutakoaren arabera arautuko da: oinarri hauek eta Diru-laguntzei buruzko azaroaren 9ko 11/2005 Foru Legea. Halaber, 161/1988 Foru Dekretuaren bidez onetsitako erregelamenduko 3. artikuluan xedatutakoa ere aplikatuko da. Erregelamendu horren bidez arautzen da helduen euskalduntzean diharduten entitate pribatuei laguntzak ematea.

Hamalaugarren oinarria.-Administrazio helegiteak.

Deialdi honen kontra, eta haren arauen eta hura aplikatzean emandako egintzen kontra gora jotzeko helegitea jartzen ahalko da, Hezkuntzako kontseilariari zuzendua, hilabeteko epean, ebazpen hau Nafarroako Aldizkari Ofizialean argitaratu edo errekurritutako egintza jakinarazi eta biharamunetik hasita.

II. ERANSKINA

Gau-eskola eta euskaltegiek bete beharreko fitxa

Euskaltegiaren datuak:

Euskaltegia/Gau-eskola ....................................... IFK

Helbidea ................................................... Telefonoa

Posta kodea ........... Herria ................................................................

Posta elektronikoa

Arduradunaren izen-deiturak ............................... IFZ

Finantzaketa:

-Aurrekontuak:

-Diru-laguntzaren aldian jasotzekoak diren diru-laguntzak.

-Diru-sarrerak:

-Irakasleak:

III. ERANSKINA

Ikastaldeen informazioa

Euskaltegia/Gau-eskola:

Arduraduna:

Telefonoa:

Herria:

-Ikastaldearen datuak:

Ordutegia:

Ikastaroaren iraupena eta ikasle kopurua:

Ikastaldearen ordu/egun kopurua:

Matrikulazio diru-sarrerak:

IV. ERANSKINA

Euskaltegia/Gau-eskola:

Arduraduna: ........................................ Telefonoa:

Ikastaldearen zenbakia: .......... Hiruhilekoa: ...... Maila (urratsa):

Modalitatea (bertaratu beharrekoa/autoikaskuntza/barnetegia)

Irakaslea:

Ikasleak:

V. ERANSKINA

Frogagiriak. diruz lagundutako aldiari (2012ko urtarriletik irailera) dagozkion diru-sarreren eta gastuen ziurtagiria

Euskaltegia: ....................... Herria: .................... Telefonoa:

Helbide elektronikoa: .................. Zuzendaria edo arduraduna:

VI. ERANSKINA

Diru-laguntza eskaera 2012ko urtarrilaren 1etik irailaren 30era
bitarteko aldirako

Euskaltegia/Gau-eskola ......................................... IFK

Helbidea .................................................. Telefonoa

Iragarkiaren kodea: F1207253