2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
CORTES
32/2012 ebazpena, apirilaren 27koa
Cortesko alkate udalburuaren apirilaren 27ko 32/2012 Ebazpena. Haren bidez, Administrazioarekiko Auzien Jurisdikzioari buruzko Legearen 48.3 eta 48.4 artikuluetan xedatua bete beharrez eta Maika Méndez Villagrasak Eusko Langileen Alkartasuna (ELA) sindikatuaren izenean eta hura ordezkatuz funtzio publikoari buruz paratutako administrazioarekiko auzi errekurtsoa ikusirik, Administrazioarekiko Auzien 2. Epaitegira igorriko da errekurtso horren espediente osoa; orobat ebatzi da interesduntzat har daitezkeen guztiei horren berri ematea, eta horiek ediktu bidez epatzea, auzitaratu gisa ager daitezen eta azal daitezen bost eguneko epean.
Javier Blasco Mendívil, Cortesko Udaleko alkate udalburua naizen honek,
Iruñeko Administrazioarekiko Auzien 2. Epaitegiak 2012ko apirilaren 17an egin errekerimenduaren berri izanik, 2012ko apirilaren 19an jaso baitzen eta aditzera ematen baitu Maika Méndez Villagrasak Eusko Langileen Alkartasuna (ELA) sindikatuaren izenean eta hura ordezkatuz administrazioarekiko 159/2012 auzi errekurtsoa paratu duela, eta errekerimenduaren edukiari kasu eginik,
EBATZI DUT:
Lehenbizikoa.-Delako errekurtsoaren espediente oso eta folioz folio behar bezala zenbakituaren kopia eginbidetua igortzea Iruñeko Administrazioarekiko Auzien 2. Epaitegira.
Bigarrena.-Ebazpen hau Nafarroako Aldizkari Ofizialean eta Cortesko Herriko Etxeko ediktuen oholean argitaratzea, interesa izan dezaketenak azal daitezen eta auzitaratu gisa ager daitezen errekurtsoan, argitaratu eta bederatzi eguneko epean, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 59.5 artikuluaren gainean Administrazioarekiko Auzien Jurisdikzioa arautzen duen uztailaren 13ko 29/1998 Legearen 49. artikuluan ezarritakoari jarraikiz.
Hirugarrena.-Demandaren aurkako idazkia onestea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 54.4 artikuluan oinarrituta.
Laugarrena.-Ebazpen hau Administrazioarekiko Auzien Iruñeko 2. Epaitegira igortzea, eta haren berri ematea Udalbatzari, egiten duen lehen osoko bilkura arruntean.
Cortesen, 2012ko apirilaren 27an.-Alkate udalburua, Javier Blasco Mendívil.
Iragarkiaren kodea: L1206525
