1. NAFARROAKO FORU KOMUNITATEA
1.7. BESTELAKOAK
11E/2012 FORU AGINDUA, martxoaren 20koa, Sustapen eta Etxebizitzako kontseilariak emana, Murillo el Cuendeko arau subsidiarioen aldaketa behin betiko onesten duena. Aldaketa lurzoru urbanizaezinean abeletxeak debekatzeko guneari eta eraikuntza jarduerak arautzeari dagokie, eta sustatzailea Murillo el Cuendeko Udala da.
Murillo El Cuendeko Udalak idazpuruan azaltzen den espedientea aurkeztu du Sustapen eta Etxebizitza Departamentuan, behin betiko onets dadin.
Ikusirik aurkeztutako agiriak eta Lurraldearen Antolamendu eta Hirigintza Zerbitzuaren txostena, bidezkoa da behin betiko onestea.
Sustapen eta Etxebizitza Departamentuaren egitura organikoa ezarri zuen abuztuaren 24ko 143/2011 Foru Dekretuaren bidez eskuratu ditudan ahalmenak erabiliz,
AGINDU DUT:
1. Murillo el Cuendeko arau subsidiarioen aldaketa behin betikoz onestea. Aldaketa lurzoru urbanizaezinean abeletxeak debekatzeko guneari eta eraikuntza jarduerak arautzeari dagokie, eta sustatzailea Murillo el Cuendeko Udala da.
2. Adieraztea foru agindu honek ez duela administrazio bidea amaitzen. Interesdunek, administrazio publikoek izan ezik, gora jotzeko errekurtsoa jartzen ahalko dute legezkotasuna kontrolatzea helburu duen egintza honen kontra, Nafarroako Gobernuari zuzendua, foru agindu hau jakinarazi eta biharamunetik edo, hala denean, Nafarroako Aldizkari Ofizialean argitaratu eta biharamunetik hilabeteko epean.
Halaber, onetsitako hirigintza araudiaren kontra administrazioarekiko auzi-errekurtsoa jar daiteke, Nafarroako Justizia Auzitegi Nagusiko Administrazioarekiko Auzien Salari zuzendua, edukia Nafarroako Aldizkari Ofizialean argitaratu eta bi hilabeteko epean, dagokion udalak eskaturik.
Administrazio publikoek zilegi dute administrazioarekiko auzi-errekurtsoa jartzea, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du galarazten Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean.
3. Foru agindu hau Murillo el Cuendeko Udalari jakinaraztea eta Nafarroako Aldizkari Ofizialean argitaratzea, behar diren ondorioak izan ditzan.
Iruñean, 2012ko martxoaren 20an.-Sustapen eta Etxebizitzako kontseilaria, Anai Astiz Medrano.
Iragarkiaren kodea: F1204562
