4. PROZEDURA JUDIZIALAK
TUTERAKO LEHEN AUZIALDIKO ETA INSTRUKZIOKO
2. EPAITEGIA
Enkante publikoa. 414/2011 prozedura
María González García andreak, Tuterako Lehen Auzialdiko eta Instrukzioko 2. Epaitegiko idazkariak,
Aditzera ematen dut: Banca Cívica, S.A.k eskaturik Monreal y Segura, S.L.ren, María Angeles Monreal Rinconen, Eduardo Segura Monrealen, Oliver Segura Monrealen, Silvia Segura Monrealen eta Noelia Segura Monrealen aurka epaitegi honetan bideratzen ari den 414/2011 betearazpen-prozesuan, erabaki da ondotik, tasazio-prezioa finkatuta, adierazten diren ondasunen enkante publikoa egitea hogei egunez:
Enkantean jartzen diren ondasunak eta horien balorazioa:
Hiri finka.-Etxebizitza, patio atxikia duena, Corellako Constitución kaleko 71n. Azalera, guztira, 600 m²-koa da, eta horietarik 252,15 m² etxeari dagozkio, eta gainerakoa, hots, 347,85 m², patioari edo lorategiari. Inskripzioa: 2827. liburukia, 369. liburua, 84. orria, 16.868. finka.
Enkantearen ondorioetarako, finka 300.000 euroan baloratu da, hipoteka-maileguaren eskrituran ageri den bezala.
Enkantea 2012ko ekainaren 28an eginen da, 09:30ean.
Enkantearen baldintzak:
1.-Lizitatzaileek baldintza hauek bete beharko dituzte:
1. Beren nortasuna behar bezala frogatzea.
2. Enkantearen baldintza orokorrak eta partikularrak ezagutzen dituztela adieraztea.
3. Epaitegi honetako Gordailu eta Kontsignazioen Kontuan, hots, Banestoren 0030 1846 42 000500 1274 kontuan (kontzeptua: 31810000 0414 11, eta onuradunaren laukian: Tuterako 2. Epaitegia), ondasunen tasazio-balioaren %20 sartu izanaren gordekina aurkeztea, edo bestela, kopuru hori adinako banku-abala jarri izanarena. Lizitatzaileak gordailu hori osorik edo partez hirugarren batengandik jasotako diruarekin egiten badu, halaxe adierazi beharko da gordekinean, Prozedura Zibilari buruzko 1/2000 Legearen 652. artikuluaren 2. idatz-zatian xedatutakoaren ondorioetarako.
2.-Posturak egin eta errematea hirugarren bati lagatzeko ahalmena alderdi betearazleari dagokio, ez beste inori.
3.-Idatzizko posturak enkantea iragartzen denetik hura hasi arte egin daitezke. Gutun-azal itxietan aurkeztuko dira, adierazitako baldintza berberetan.
4.-Posturarik onena balorazioaren %70ekoa edo handiagoa bada, errematea postura onenaren alde onetsiko da. Gutxiago bada, PZLaren 670. artikuluan ezarritakoari jarraituko zaio.
5.-Erregistroko ziurtagiria epaitegi honetako Idazkaritzan dago ikusgai.
6.-Auzi-jartzailearen kredituaren aurreko zamek eta kargek, horrelakorik badago, bere horretan segituko dute, eta horrenbestez, enkantean parte hartze hutsarekin lizitatzaileak hori onartzen du, bai eta haien ondoriozko erantzukizunean subrogatzea ere, errematea bere alde esleituz gero. Ezinbesteko arrazoiengatik, epaitegiari egotzi ezin zaizkion arrazoiengatik edo, oker bat dela-kausa, enkantearen deialdia igande baterako edo jaiegun baterako egiteagatik, enkantea adierazitako egunean eta orduan egiterik ez badago, ulertuko da hurrengo egun baliodunean eginen dela, ordu berean, larunbatak kenduta.
Tuteran, 2012ko martxoaren 27an.-Idazkari judiziala, María González García.
Iragarkiaren kodea: J1205578
