4. PROZEDURA JUDIZIALAK
IRUÑEKO LAN ARLOKO 2. EPAITEGIA
Jakinarazpen ediktua. 561/2011 demanda
Aranzazu Ballesteros Pérez de Albéniz andreak, Iruñeko Lan arloko 2. Epaitegiko idazkari judizialak,
Aditzera ematen dut: Francisco Javier Urriza Latasak eskaturik, Ibañez Pintura en General, S.L. enpresaren, Gizarte Segurantzako Institutu Nazionalaren, Gizarte Segurantzako Diruzaintza Orokorraren, eta Pibasol, S.L.ren aurka, balioezintasun gabeko lesio iraunkorra dela-eta, lan arloko epaitegi honetan bideratu den 0000561/2011 prozeduran, xedapen zatian hauxe dioen ebazpena eman da:
Baiesten dut jarduketok eragin dituen demanda, hots, Francisco Javier Urriza Latasak Gizarte Segurantzako Institutu Nazionalaren, Gizarte Segurantzako Diruzaintza Orokorraren eta Ibáñez Pintura en General, S.L. eta Pibasol, S.L. enpresen aurka jarritakoa; horrenbestez, deklaratzen dut demandatzaileak eskubidea duela 1.242,85 euroko oinarri arautzailearen %98 aplikatzetik ateratzen den zenbatekoa jotzen duen pentsioa jasotzeko, dagozkion legezko hobekuntzekin eta 2010eko maiatzaren 1etik aurrera. Gizarte Segurantzako Institutu Nazionala eta Gizarte Segurantzako Diruzaintza Orokorra kondenatzen ditut 1.139,63 euro hileko oinarri arautzailearen %96 aplikatzetik ateratzen den zenbatekoa jotzen duen pentsioa ordaintzera, eta enpresa demandatuen erantzukizun zuzena eta solidarioa deklaratzen dut gainerakoa ordain dezaten (123,95 euro hilero); enpresa demandatuek Gizarte Segurantzako Diruzaintza Orokorrean ordaindu beharko dute dagokion kapital-kostua. Alderdi demandatukideak kondenatzen ditut deklarazio honi men egitera, eta Gizarte Segurantzako Institutu Nazionala, enpresei dagokien kantitatearen ordainketa aurreratzera, galarazi gabe hartzekodun izaera subrogatzea haien aurrean.
Jakinaraz bekie epaia alderdi guztiei, adieraziz haren aurka erregutze-errekurtsoa jar daitekeela Nafarroako Justizia Auzitegi Nagusiko Lan arloko Salari zuzendua, epaia jakinarazi eta ondoko bost egun balioduneko epean. Horretarako, aski izanen da epaia jakinaraztean alderdiak, haren abokatuak, lan harremanetako gradudun elkargokideak edo ordezkariak asmo horren berri ematea. Zilegi izanen da, orobat, adierazitako epean pertsona horiek bertan agertzea edo idazkia aurkeztea. Errekurtsoaren berri ematean, alderdi errekurtsogileak errekurtsoa zuzenduko duen legelaria edo lan harremanetako gradudun elkargokidea izendatu beharko du.
Demandatuari ohartarazten zaio, errekurtsoa jarri nahi izanez gero, errekurtsoa iragartzearekin batera, prestazioa egun horretatik aurrera eta errekurtsoa tramitatu bitartean ordainduko duela egiaztatzen duen frogagiria.
Beraz, epai honen bidez, behin betiko epaituz, hori erabaki, agindu eta sinatzen dut.
Eta Ibañez Pintura en General, S.L. eta Pibasol, S.L. enpresei legezko jakinarazpena egiteko balio izan dezan, non diren jakiterik ez baitago, honako hau egiten dut Nafarroako Aldizkari Ofizialean argitara dadin.
Hartzaileari ohartarazten zaio bulego judizialeko iragarki-oholean ebazpenaren kopia jarriz eginen direla hurrengo jakinarazpenak, salbu eta autoenak, epaienak, epatzeenak eta prozedurari amaiera ematen dioten ebazpenenak.
Iruñean, 2012ko martxoaren 22an.-Idazkari judiziala, Aránzazu Ballesteros Pérez de Albéniz.
Iragarkiaren kodea: J1204734
