1. NAFARROAKO FORU KOMUNITATEA
1.7. BESTELAKOAK
18/2012 EBAZPENA, martxoaren 21ekoa, Nafarroako Gobernuaren Eledunaren Bulegoa-Komunikazioko zuzendari nagusiak emana, Zangozako 92.6 MHz-eko irrati-igorgailuari dagokion lizentziaren eskualdatzea baimentzen duena, soinuaren frekuentzia modulatuko uhin metrikoen bidezko irrati-hedapenaren ikus-entzunezko komunikazio zerbitzua emateko.
Medipress, S.A. sozietatea da Zangozako 92.6 MHz-eko irrati-igorgailuari dagokion soinuaren frekuentzia modulatuko uhin metrikoen bidezko irrati-hedapenaren zerbitzuaren titularra, Komunikazioko zuzendari nagusiaren azaroaren 24ko 71/2010 Ebazpenaren bidez (2010eko 150. Nafarroako Aldizkari Ofiziala, abenduaren 10ekoa). Aldez aurretik, Erakundeekiko Harremanetarako kontseilari eta Gobernuaren eledunak, urtarrilaren 25eko 11/2010 Foru Aginduaren bidez, behin betiko eman zion Medipress, S.A.ri Zangozako irrati-igorgailuari (92.6 MHz) dagokion soinuaren frekuentzia modulatuko uhin metrikoen bidezko irrati-hedapenaren zerbitzua.
Radio Blanca, S.A. sozietatearen administratzaile bakarrak idazki bat aurkeztu du 2011ko azaroaren 4an, non eskatzen baitu Zangozako 92.60 MHz-eko FMko lizentziaren titulartasuna enpresa horren eskura aldatzeko. Gainera, lizentziaren gaur egungo titularrarekin (Medipress, S.A.) lortutako akordioa aurkeztu du, baita honako deklarazio hauek ere: indarra duen araudia betetzeari buruzkoa, lizentziaren titular eskualdatzailearen eskubide eta betebeharren subrogazioari buruzkoa eta sozietate eskatzailearen akzioen osaerari eta kapital sozialari buruzkoa.
Komunikazio Zerbitzuak txostena egin du, eta bertan adierazi Ikus-entzunezko Komunikazioari buruzko martxoaren 31ko 7/2010 Legeak 29-2 artikuluan, negozio juridikoak arautzen dituenean, honako hau dioela, hitzez hitz: "a) Bi negozio juridikoak egiteko, bi urte igaro beharko dira lizentziaren hasierako esleipenetik"; kasu honetan, baldintza hori bete dela ulertu behar da, 2010eko urtarrilekoa baita emititzeko behin betiko baimenaren hasierako kontzesioa.
Horrenbestez, Kulturako, Turismoko eta Erakunde Harremanetako Departamentuaren egitura organikoa ezarri zuen abuztuaren 1eko 119/2011 Foru Dekretuak ematen dizkidan ahalmenak erabiliz,
EBATZI DUT:
1. Radio Blanca, S.A.ren alde baimentzea Zangozako 92.6 MHz-eko irrati-igorgailuari dagokion lizentziaren eskualdaketa, titularra Medipress, S.A. baita, soinuaren frekuentzia modulatuko uhin metrikoen bidezko irrati-hedapenaren ikus-entzunezko komunikazio-zerbitzua eman dezan.
2. Eskualdaketarako baimen honek Radio Blanca, S.A.ren subrogazioa dakar, lizentziaren titular eskualdatzailearen eskubide eta betebeharretan.
3. Ebazpen hau Nafarroako Aldizkari Ofizialean argitara dadila agintzea.
4. Ebazpen hau jakinaraztea Radio Blanca, S.A.ri, Medipress, S.A.ri, Telekomunikazioen Ikuskapenerako Nafarroako Burutzari, Komunikazio Zuzendaritza Nagusia-Nafarroako Gobernuaren Eledunaren Bulegoko Komunikazio Zerbitzuari eta Nafarroako Ikus-entzunezko Komunikazio Zerbitzuen Emaileen Erregistroari, behar den inskripzioa egiteko.
5. Ebazpen honen aurka, interesdunek gora jotzeko errekurtsoa jartzen ahalko dute Kulturako, Turismoko eta Erakunde Harremanetako kontseilariari zuzendua, hura jakinarazi eta biharamunetik hilabeteko epean, Nafarroako Foru Komunitateko Administrazioari buruzko abenduaren 3ko 15/2004 Foru Legearen 57. artikuluari eta Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 114. eta 115. artikuluei jarraituz.
Iruñean, 2012ko martxoaren 21ean.-Edurne Elío Aldunate, Nafarroako Gobernuaren Eledunaren Bulegoa-Komunikazioko zuzendari nagusia.
Iragarkiaren kodea: F1204656
