1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
186/2012 EBAZPENA, martxoaren 1ekoa, Nafarroako Kirolaren eta Jarduera Fisikoaren Institutuko zuzendari kudeatzaileak emana, Juan Carlos Lizarazu López jauna, Nafarroako Kirolaren eta Jarduera Fisikoaren Institutuko Kirolaren Azterlan, Ikerketa eta Medikuntzako Zentroari atxikitako Laguntzako Unitate Teknikoko buru izendatzen duena, bitarte baterako.
Nafarroako Foru Komunitateko Administrazioaren eta haren erakunde autonomoen organoetako langileen arloko eskudantziak zehazten dituen otsailaren 21eko 30/2005 Foru Dekretuak lehenbiziko xedapen gehigarrian ezartzen du erakunde autonomoetako burutzak bitarte baterako betetzeko araubidea kasuan kasuko erakundearen estatutuetan ezarriko dela.
Horrenbestez, Nafarroako Kirolaren eta Jarduera Fisikoaren Institutua erakunde autonomoaren estatutuak onetsi zituen abuztuaren 24ko 139/2011 Foru Dekretuaren 12.m) artikuluak ematen dizkidan eskumenei jarraikiz,
EBATZI DUT:
1. Juan Carlos Lizarazu López jauna, Nafarroako Kirolaren eta Jarduera Fisikoaren Institutuko Kirolaren Azterlan, Ikerketa eta Medikuntzako Zentroari atxikitako Laguntzako Unitate Teknikoko buru izendatzea, bitarte baterako.
2. Ebazpen hau Nafarroako Aldizkari Ofizialean argitaratzea.
3. Ebazpen hau jakinaraztea interesdunari, Nafarroako Kirolaren eta Jarduera Fisikoaren Institutuari, Administrazio eta Kudeaketa Atalari, Funtzio Publikoaren Zuzendaritza Nagusiari eta horren mende dauden Langileriaren Gastuaren Kontrolaren eta Nominen Zerbitzuari, Lan Harremanen eta Antolamenduaren Zerbitzuari eta Langileriaren Kudeaketako Zerbitzuari, behar diren ondorioak izan ditzan.
Iruñean, 2012ko martxoaren 1ean.-Nafarroako Kirolaren eta Jarduera Fisikoaren Institutuko zuzendari kudeatzailea, Miguel Ángel Pozueta Uribe-Echeverría.
Iragarkiaren kodea: F1203498
