4. PROZEDURA JUDIZIALAK
IRUÑEKO LAN ARLOKO 4. EPAITEGIA
Jakinarazpen ediktua.
Titulu judizialak betearazteko 127/2011 prozedura
Jesús M.ª Melero Morenok eskaturik, norberaren lan arazoak direla-eta, Excatrans Telu, S.L.ren eta Obetrans Tudela, S.L.ren aurka epaitegi honetan titulu judizialak betearazteko bideratu den 0000127/2011 prozeduran, xedapen zatian hauxe dioen ebazpena eman da gaurko egunean.
Lehenbizikoa.-Ordaintzeko errekerimendurik egin gabe, diru-kopuru hauek berdintzeko adina ondasun enbarga biezazkiote betearazpenpeko alderdiari, hots, Obetrans Tudela, S.L.ri eta Excatrans Telu, S.L.ri:
1.-42.217,31 euroko printzipala.
2.-Interesetarako kalkulatu diren 2.533,03 euro.
3.-Kostuetarako kalkulatu diren 4.221,73 euro.
Zordunari adierazten zaio erreklamatzen zaizkion diru kopuru horiek epaitegi honetako Gordailu eta Kontsignazioen kontuan ordain ditzakeela: Banestoren 00301846420005001274 kontua, 4148.0000.64.0127.11 kontzeptua.
Igor bedi ofizioa Jabetza Erregistroko Indizeen Zerbitzura eta betearazpenpeko alderdiaren helbideari dagokion jabetza erregistrora, haien datuen arabera betearazpenpeko alderdiak dituen ondasun eta eskubide guztien zerrenda eman dezaten; halaber, erants bedi betearazpenpeko alderdiaren ibilgailuen titulartasunari buruzko informazio-oharra.
Ordainarazten den diru kopurua osorik ordaindu ezean, eta ondasunen enbargoa deusetan galarazi gabe, egin bekio zordunari edo haren legezko ordezkariari errekerimendua hamar eguneko epean bere ondasun eta eskubideen zerrenda aurkez dezan, bere erantzukizuna bermatzeko beharrezkoak diren xehetasunekin. Ebazpen honen jakinarazpenak horren berri emateko formazko errekerimendua egiteko balio du.
Bigarrena.-Erants bitez Nafarroako Zerga Ogasunaren, Tributu Administrazioaren Estatu Agentziaren, Trafiko Zuzendaritza Nagusiaren eta Gizarte Segurantzaren Diruzaintza Orokorraren datu-baseetara sartzeko aplikazio informatikoetatik lortutako oharrak. Horien edukia eta epaitegi honen 118/11 betearazpenean ondasunen berri izateko egin diren eginbideen emaitza aztertuta, betearazpenpeko alderdien honako ondasun edo eskubide hauen enbargoa deklaratzen da:
1.-Pertsona fisikoen errentaren gaineko zerga, balio erantsiaren gaineko zerga edo beste edozein zerga dela eta, Nafarroako Foru Ogasunak eta Zerga Agentziak betearazpenpeko enpresei itzuli behar dizkien diru kopuru guztiak, premiamenduaren xede diren diru kopuruak berdindu arte.
2.-Betearazpenpeko alderdiak ondotik ematen d(ir)en banku entitate(et)an izan ditzakeen kontu korronte, aurrezki kontu eta gordailu mota guztietako saldoak, baita haren izenean dauden balore higigarri guztiak ere, finantza entitate horiek haien gordailuzain edo bitarteko gisa jarduten badute; hori guztia premiamenduaren xede diren diru kopuruak berdindu arte:
Obetrans Tudela, S.L.: Nafarroako Aurrezki Kutxa, Nafarroako Rural Kutxa.
Excatrans Telu, S.L.: Nafarroako Aurrezki Kutxa, Nafarroako Rural Kutxa, Caixa D?Estalvis I Pensions de Barcelona.
3.-Betearazpenpeko alderdiak ondotik ematen diren enpresekin duen kreditua. Enpresa horiei ofizioa igorriko zaie, bost eguneko epean epaitegi honen banku kontura transferi dezaten betearazpenean ordaintzeko dagoen diru kopuru osoa, edo aurrerantzean izan ditzaketen zorrak, zenbateko osoa berdindu arte; eta ez betetzearen ondorioei buruz legezko adierazpen eta ohartarazpenak eginen zaizkie:
Obetrans Tudela, S.L. Construcciones Beltran Moux, S.A., Maquinza, S.A., Proyectos y Obras del Ebro, S.A., Canteras Bulbuente, S.A., Maquinza Servicios, S.A., Servicios y Obras Rio Alfaro, S.L., Talleres Zubiri e Hijos, S.L., Construcciones Santiago Calvo, S.A., Bigarrena Ute 18/1982 Legea.
Excatrans Telu, S.L.: Obras Especiales de Navarra, Construcciones y Desmontes Ribera Navarra, Servicios y Obras Rio Alfaro, Vitin y Pachi, S.L., Senur Constructora, S.L., Infraestructuras y Obras de Navarra.
4.-Jarraian adierazten diren betearazpenetan atxikitako ondasunen berrenbargoa, eta auto horietan betearazpenpekoarentzat gera daitekeen soberakinaren enbargoa. Igor bedi behar den idatzagiria, prozedura eta epaitegi horietan enbargoaren kontu har dezaten, eta eskatu, aldi berean, haien premiamendu bidearen egoerari buruzko ziurtagiria.
Obetrans Tudela, S.L.: Tuterako 1. Auzialdiko 2. Epaitegiaren 260/2011 beterazpena, Tuterako 1. Auzialdiko 4. Epaitegiaren 248/2011 betearazpena, Tuterako 1. Auzialdiko 5. Epaitegiaren 879/11, 806/11, 807/11, 887/11 eta 1122/11 betearazpenak, Nafarroako Lan arloko 1. Epaitegiaren 102/11 betearazpena eta epaitegi honen 118/11 ebazpena.
Excatrans Telu, S.L.: Tuterako 1. Auzialdiko 5. Epaitegiaren 852/11, 877/11 eta 815/11 betearazpenak, Nafarroako Lan arloko 1. Epaitegiaren 102/11 betearazpena eta epaitegi honen 118/11 betearazpena.
5.-Ondotik ematen d(ir)en ibilgailua(k). Horri dagokionez, igor bitez aginduaren bi kopia Ondasun Higigarrien Erregistro egokira, enbargoaren idatzoharra egiteko, eta eskatu, aldi berean, lotutako zama eta kargen ziurtagiria, Trafiko Zuzendaritza Nagusian ageri direnak ere barnean hartuko dituena.
Obetrans Tudela, S.L.: R8221BBB- NA8253BB -NA8038Z- NA04673R- 4885FXL- 4848FXL-0185FXB- 6156FLP- 9364FFJ-5858FBS.
Excatrans Telu, S.L.: 5066CSD, 7840DYR-NA08791R, NA08790R.
Igor bitez behar diren idatzagiriak enbargo horien bermerako.
Betearazpenpeko enpresak non diren jakiterik ez dago, betearazpen honen aurreko autoetan Tuterako Epaitegiak luzatutako eginbidearen arabera. Hortaz, igor bedi ediktua Nafarroako Aldizkari Ofizialera, jakinarazpena egiteko. Eman bekio horren berri Soldatak Bermatzeko Funtsari, eta jakinaraz bekio ebazpen hau, behar diren ondorioak izan ditzan.
Jakinaraz bekie ebazpen hau alderdiei legezko eran.
Aurka egiteko bidea.-Epaitegi honetako Idazkaritzan berraztertzeko errekurtsoa aurkeztea, jakinarazpena jaso eta ondoko hiru egun balioduneko epean. Errekurtsoa jartze hutsak ez du etengo erabakitakoa bete beharra (Lan Prozedurari buruzko Legearen 551.5 artikulua).
Botere Judizialari buruzko uztailaren 1eko 6/1985 Lege Organikoari azaroaren 3ko 1/2009 Lege Organikoak erantsitako 15. xedapen gehigarrian adierazten den moduan, errekurtsoa jartzearekin batera, epaitegi honek Baneston duen Gordailu eta Kontsignazioen Kontuan 25 euro sartu izanaren gordekina aurkeztuko da; agiri horretan zenbakia eta urtea idatzi behar dira, eta kontzeptu gisa, "31. errekurtsoa" . Diru kopuru hori sartzeko banku-transferentzia ere egin daiteke, 0030 1846 42 0005001274 kontura; espedientearen urte eta zenbaki berak jarriko dira eta jarraian, hutsune batez bereizita, goian adierazitako kodea ("31. errekurtsoa").
Gizarte Segurantzako araubide publikoaren onuradunei edo langileei ez zaie gordailu hori eskatuko. Estatua, autonomia erkidegoak, toki entitateak eta horien guztien mendeko erakunde publikoak gordailu hori egin beharretik salbuetsita daude, baita urtarrilaren 10eko 1/1996 Legearen 6.5 artikuluaren babesean doako laguntza juridikorako eskubidea duten auzilariak ere.
Ohartarazten da gordailu hori egin ezean errekurtsoa ez dela tramitatzeko onartuko.
Eta Obetrans Tudela, S.L.ri eta Excatrans Telu, S.L.ri legezko jakinarazpena egiteko balio izan dezan, non diren jakiterik ez baitago, honako hau egiten dut Nafarroako Aldizkari Ofizialean argitara dadin.
Hartzaileari ohartarazten zaio ez dela beste jakinarazpenik eginen, autoenak, epaienak edo epatzeenak izan ezik.
Iruñean, 2012ko otsailaren 9an.-Idazkari judiziala, Alfonso Pérez Ruiz.
Iragarkiaren kodea: J1202462
