33. ALDIZKARIA - 2012ko otsailaren 16a

4. PROZEDURA JUDIZIALAK

IRUÑEKO LAN ARLOKO 1. EPAITEGIA

Ediktua. 316/2011 prozedura

Rosa María Valencia Ederra andreak, Iruñeko Lan arloko 1. Epaitegiko idazkari judizialak,

Aditzera ematen dut: Nafarroako Lan eta Gizarte Segurantzako Probintzia Ikuskatzailetzak eskaturik, ofiziozko prozedurak direla-eta, Belkys Joséfina González Rivasen, Olga María Moreira Calixtoren, Adriana Patricia Gil Herreraren eta Exclusivas Noain S.L.ren aurka lan arloko epaitegi honetan bideratu den 316/2011 prozeduran, honako epaitza duen ebazpena eman da:

Baiesten dut jarduketa hauek eragin dituen demanda, hots, Nafarroako Lan eta Gizarte Segurantzako Probintzia Ikuskatzailetzak, ofiziozko prozedura dela-eta, Exclusivas Noáin S.L. (Super Models Club) enpresaren, Belkys Joséfina González Rivasen, Olga María Moreira Calixtoren eta Adriana Patricia Gil Herreraren aurka jarritakoa, eta horrenbestez deklaratzen dut Lan eta Gizarte Segurantzako Ikuskatzailetzak bideratutako 1312011000006919 arau-hausteko aktan aipatzen diren bi alderdien arteko harreman juridikoa lan harremana dela.

Epai honen aurka bidezko da erregutze-errekurtsoa aurkeztea Nafarroako Justizia Auzitegi Nagusiko Lan arloko Salari zuzendua, jakinarazpena egin eta ondoko bost egunetan. Horretarako, aski izanen da jakinarazpena egiten denean alderdiak, haren abokatuak, lan harremanetako gradudun elkargokideak edo ordezkariak asmo horren berri ematea, baina zilegi da, orobat, adierazitako epean pertsona horiek epaitegi honetan agertzea edo idazkia aurkeztea.

Errekurtsoa iragartzearekin batera, epaitegi honek Baneston (Nafarroako Gorteak kalea, 5, Iruña) duen Gordailu eta Kontsignazioen Kontuan, hots, 0030 1846 42 0005001274 kontuan (3158 0000 65 0316 11 prozedura), 300,00 euro sartu izanaren gordekina aurkeztuko da.

Errekurtsoa aurkezteko asmoaren berri ematean, errekurtsoaz arduratuko den legelaria izendatuko da, dela idazki baten bidez, dela bertan agertuz, bestela ofizioz izendatuko baita, doako justizia izateko eskubidea duen langilea edo enpresaburua bada. Legelariak ordezkari lanak ere eginen ditu, non eta hark ez duen propio ordezkari bat izendatzen.

Beraz, epai honen bidez, behin betiko epaituz, hori erabaki, agindu eta sinatzen dut.

Eta demandatuari legezko jakinarazpena egiteko balio izan dezan, non den jakiterik ez baitago, honako hau egiten dut Nafarroako Aldizkari Ofizialean argitara dadin.

Hartzaileari ohartarazten zaio bulego judizialeko iragarki-oholean ebazpenaren kopia jarriz eginen direla hurrengo jakinarazpenak, salbu eta autoenak, epaienak, epatzeenak eta prozedurari amaiera ematen dioten ebazpenenak.

Iruñean, 2012ko urtarrilaren 24an.-Idazkari judiziala, Rosa María Valencia Ederra.

Iragarkiaren kodea: J1201317