4. PROZEDURA JUDIZIALAK
IRUÑEKO LAN ARLOKO 4. EPAITEGIA
Jakinarazpen ediktua. 101/2012 gatazka kolektiboa
Unión Sindical de Comisiones Obreras de Navarrak eta Unión General de Trabajadoresek eskaturik Asociación Empresarial EANAren, Quavitae Servicios Asistenciales, S.A.U.ren, Avanvida S.L.ren, Adacenen, Fundación Aspace Navarra Residencialen (FANE), ELA sindikatuaren, LAB sindikatuaren eta Nafarroako Mendekotasunerako Agentziaren kontra adierazpena dela-eta epaitegi honetan bideratzen ari den gatazka kolektiboaren 101/2012 prozeduran, gaurko egunean ebazpena eman da. Hona hemen haren xedapen zatia:
Baiesten dut Unión Sindical de Comisiones Obreras de Navarrak eta Unión General de Trabajadoresek Asociación Empresarial EANAren, Quavitae Servicios Asistenciales, S.A.U.ren, Avanvida S.L.ren, Adacenen, Fundación Aspace Navarra Residencialen (FANE), ELA sindikatuaren, LAB sindikatuaren eta Nafarroako Mendekotasunerako Agentziaren kontra jarritako demanda, eta, horrenbestez, deklaratzen dut 2012ko lan egutegiak gatazka honek ukitutako zentroetan aldatzeko erabakia baliogabea dela, eta, hortaz, eskubidea aitortzen diet gatazka honek ukitutako langile guztiei aldatzeko erabakia hartu aurretik zeuden lanaldiaren eta soldataren baldintza guztiak berreskuratzeko, aplikatu beharreko hitzarmen kolektiboarekin bat, alderdiak kondenatzen ditut aurreko adierazpenari men egitera eta Nafarroako Mendekotasunerako Agentzia absolbitzen dut haren kontra egindako eskakizun guztietatik.
Epai honen aurka bidezko da erregutze-errekurtsoa aurkeztea Nafarroako Justizia Auzitegi Nagusiko Lan arloko Salari zuzendua, jakinarazpena egin eta ondoko bost eguneko epean. Horretarako, aski izanen da jakinarazpena egiten denean alderdiak, haren abokatuak edo ordezkariak asmo horren berri ematea, eta zilegi da, orobat, adierazitako epean pertsona horiek epaitegi honetan agertzea edo idazkia aurkeztea.
Enpresari ohartarazten zaio ezen, errekurritzen badu, iragarkiarekin batera, epaitegi honek Baneston duen Gordailu eta Kontsignazioen Kontuan, 4148 0000 65 0101.12 espedientearen erreferentziarekin, 300 euro sartu izanaren gordekina aurkeztu beharko duela.
Errekurtsoa aurkezteko asmoaren berri ematean, errekurtsoaz arduratuko den legelaria edo lan harremanetako gradudun elkargokidea izendatuko da, dela idazki baten bidez, dela bertan agertuz, bestela ofizioz izendatuko baita, doako justizia izateko eskubidea duen langilea edo enpresaburua bada.
Beraz, epai honen bidez, behin betiko epaituz, hori erabaki, agindu eta sinatzen dut.
Eta Asociación Enpresarial EANAri legezko jakinarazpena egiteko balio izan dezan, non den jakiterik ez baitago, honako hau egiten dut Nafarroako Aldizkari Ofizialean argitara dadin.
Hartzaileari ohartarazten zaio ez dela beste jakinarazpenik eginen, autoenak, epaienak edo epatzeenak izan ezik.
Iruñean, 2012ko azaroaren 15ean.-Idazkari judiziala, Alfonso Pérez Ruiz.
Iragarkiaren kodea: J1216055
