190. ALDIZKARIA - 2012ko irailaren 26a

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.1. Kargu-uzteak, izendapenak eta bestelako egoerak

32/2012 EBAZPENA, abuztuaren 24koa, Lehendakaritza, Justizia eta Barne Departamentuko idazkari tekniko nagusiak emana, Nafarroako Administrazio Publikoaren Institutuaren Zerbitzuko zuzendariaren esku uzten duena euskarari eta Europar Batasuneko hizkuntzei buruzko prestakuntza jardueretako asistentzia- eta aprobetxamendu-ziurtagiriak eta hizkuntza horiek jakitearen gaineko ziurtagiriak luzatzeko eskumena.

Nafarroako Foru Komunitateko Administrazioko idazkaritza tekniko nagusiak arautzen dituen Erregelamendua onesten duen otsailaren 21eko 29/2005 Foru Dekretuaren 5. artikuluak idazkaritzen esku uzten du departamentuan dauden agiri eta datuen gainean fede emateko eta horien gaineko ziurtagiriak luzatzeko eskumena.

Euskarari eta Europar Batasuneko hizkuntzei buruzko prestakuntza jardueretako asistentzia- eta aprobetxamendu-ziurtagiriak eta hizkuntza horiek jakitearen gaineko ziurtagiriak luzatzeko orduan eraginkorragoak eta azkarragoak izateko asmoz, egokitzat jo da Nafarroako Administrazio Publikoaren Institutuaren Zerbitzuko zuzendariaren esku uztea agiri horiek luzatzeko eskumena, Nafarroako Foru Komunitateko Administrazioari buruzko abenduaren 3ko 15/2004 Foru Legearen 36. artikuluan xedatutakoarekin bat.

Agindu horretan xedatuakoari jarraikiz, Lehendakaritza, Justizia eta Barne Departamentuko idazkari tekniko nagusiak edozein momentutan beregana dezake eskumen hori. Eskuordetza honen bidez luzatzen diren ziurtagirietan espresuki aipatuko da inguruabar hori. Azkenik, ziurtagiri horiek eskuordetza egin duen organoak emanak bailiran hartuko dira ondorio guztietarako.

Horrenbestez, aipatu araudiak eman dizkidan ahalmenak erabiliz,

EBATZI DUT:

1. Nafarroako Administrazio Publikoaren Institutuaren Zerbitzuko zuzendariaren esku uztea euskarari eta Europar Batasuneko hizkuntzei buruzko prestakuntza jardueretako asistentzia- eta aprobetxamendu-ziurtagiriak eta hizkuntza horiek jakitearen gaineko ziurtagiriak luzatzeko eskumena.

2. Ebazpen hau Nafarroako Administrazio Publikoaren Institutuaren Zerbitzuari igortzea eta Nafarroako Aldizkari Ofizialean argitara dadila agintzea.

Iruñean, 2012ko abuztuaren 24an.-Lehendakaritzako, Justiziako eta Barneko Departamentuko idazkari tekniko nagusia, José Gabriel Iriarte Rived.

Iragarkiaren kodea: F1212247