1. NAFARROAKO FORU KOMUNITATEA
1.7. BESTELAKOAK
30/2012 FORU AGINDUA, abuztuaren 8koa, Sustapeneko kontseilariak emana. Honen bidez indarrik gabe uzten da abuztuaren 20ko 86/2009 Foru Aginduaren bidez hasitako jendaurreko aldiaren tramitea, behin-behinekoz onesten da "Iruñeko ingurabidea bikoiztea. Tartea: Olloki-Ezkabako tunelen iparraldeko irteera" izeneko trazadura proiektua, eta jendaurrean jartzen da ukitutako ondasun eta eskubideen eta ingurumenaren gaineko eraginaren ondorioetarako.
Azterlan eta Proiektuen Zerbitzuak aditzera ematen du ezen, Herri Lan, Garraio eta Komunikazioetako kontseilariaren abuztuaren 20ko 86/2009 Foru Aginduaren bidez, behin-behinekoz onetsi zela "Iruñeko ingurabidea bikoiztea. Tartea: Olloki-Ezkabako tunelen iparraldeko irteera" izeneko proiektua, eta jendaurrean jarri zela. Foru agindu hori 2009ko 110. Nafarroako Aldizkari Ofizialean argitaratu zen, irailaren 7an.
Jendaurreko aldian zenbait alegazio jaso ziren, gehienak ingurumen arlokoak.
Alegazioak aztertu eta kontuan harturik, aldatu egin da proiektua. Horren ondorioz, bidezkoa da jendaurreko aldiaren oraingo tramitea indarrik gabe uztea eta jendaurreko beste aldi bat irekitzea.
Hala, behin-behinekoz onets dadin aurkeztu da "Iruñeko ingurabidea bikoiztea. Tartea: Olloki-Ezkabako tunelen iparraldeko irteera" izeneko trazadura proiektua, LKS Ingeniería, S. Coop. enpresak prestatua, eta jendaurrean jartzen da, ukitutako ondasun eta eskubideen eta ingurumenaren gaineko eraginaren ondorioetarako
Nafarroako Errepideen III. Plan Zuzentzaileak (2010-2018), Nafarroako Parlamentuko Herri Lanen Batzordearen 2010eko urriaren 26ko bilkuran hartutako Erabakiaren bidez onetsiak, "Olloki-Ezkabako tunelen bikoizketa" jasotzen du, 199. jarduketa gisa.
Proiektuaren eremua Ezkabarteko, Uharteko eta Esteribarko udal mugapeetan dago.
Trazadura Arga ibaiaren gaineko zubian hasten da, Ollokiko gurutzagunean, eta Ezkabako tunelen iparraldeko irteerako zubian bukatzen, Ultzama ibaia Arreko biribilgunearen ondotik pasatuta. Jarduketak 2.600 metroko luzera du guztira, gutxi gorabehera.
Funtsean, hiru erreiko galtzadari lau errei eman nahi zaizkio, erdialdean erdibitzaile bat eginez, luzera osoan hesi zurruna duela; horretaz gainera, Arreko biribilgunearen ondoan Ultzama ibaiaren gainean dagoen zubiko taula zabaldu egin nahi da.
Hasierako tartean, errepidearen zabaltzea batez ere ezkerraldetik eginen da, plataforma alde horretatik zabaltzea errazagoa delako eta eskuinaldean ibilgailu motelendako errei bat dagoelako eta, beraz, horrek zabaltze lanerako zentzuzko aukerak mugatzen dituelako, malkartsua baita toki horretan dagoen lubeta.
0+240 K.P.aren parean, lotune bat eginen da bertan dagoen zerbitzu bideari sarbidea emateko, Ezkaba-Olloki norabidean. Zati batean bat egiten du Done Jakue Bidearekin.
0+400 K.P.tik 0+600 K.P.ra bitarte, bi aldeetan eginen da zabaltze lana, neurri mugatu batean (50 cm inguru), jada lau errei baitaude, izan ere ibilgailu motelendako bi aldeetako erreiek bat egiten dute lubaki eremuan.
0+600 K.P.tik aurrera, eskuinaldetik eginen da zabaltzea, Ultzama ibaiaren gaineko zubiraino, Arreko biribilgunearen ondoan. Zubi hori bi aldeetatik zabaltzeak, beraz, errepideko plataforma ere bi aldeetatik zabaltzea baldintzatzen du.
Arreko biribilgunean bertarako sarbideak aldatzen dira geometria berriari egokitzeko, zati nagusian lau errei eginez, baina planta orokorra funtsean aldatu gabe.
Arreko biribilgunetik hasita, gaur egungo Iruña-Behobia N-121-A errepidearen trazadurari jarraituz, Arreko saihesbidean barna, Ezkabako tunelen irteerako biribilgunearen aurreko zubiraino iristen gara. Tarte guztian, galtzada eskuinaldetik zabalduko da, zailagoa izanen bailitzateke ezkerraldetik egitea, Ezkaba mendiaren hegala baitago bertan.
Tarte guztian hiru gurutzagune agertzen dira, bata garrantzi eta trafiko handikoa, hau da, Arreko biribilgunea, zenbait sarbide dituena, eta bigarren mailako bi gurutzagune, Mankomunitateak Burringo eta Uharteko eremuetan dituen ur-biltegiei eta azken ur-biltegi horren ondoan dagoen azpiestazio elektrikoari sarbidea emateko.
Zati nagusiko eredu-sekzioa bi galtzadaz osatuta dago, bakoitzak 3,50 m-ko bi errei dituela, 2,50 m-ko bazterbideak kanpoaldean, 0,50 m-koak barnealdean, eta 1,00 m-ko erdibitzailea hesi zurrunarekin. Arren Ultzama ibaiaren gainean dagoen zubian, kanpoaldeko bazterbideak 1,00 m-tara murrizten dira eta 1,50 m-ko espaloiak ditu.
Arren Ultzama ibaiaren gaineko zubiaren taula zabaltzeari dagokionez, zubiaren pilareak eta horma-bularrak jada prest daude zabaltze horri eusteko, zubiak jada prest dauden horma-bularrak eta zubiburuak baititu, horretarako kalkulatuak. Hori hala, alboko bi habe jarriko dira eta horien gainean taula, aurreko taularekin lotuta.
Ekialdeko ingurabideko tarte bikoiztu horretarako kalkulatu eta diseinatu diren bide-zoruaren sekzioak, aplikazio eremuen arabera, honako hauek dira:
Zati nagusian, errodadura drainatzaileko geruza, PA 16 surf BM-3a ofita motakoa, 4 cm-koa; tarteko geruza, AC 22 bin 60/70 S kareharri motakoa, 6 cm-koa; oinarriko bi geruza, oinarriko AC 32 60/70 G kareharri motakoak, 10+10 cm-koak. Eta 25 cm-ko oinarria, zagor artifizialekoa, E-2 zabalgunean.
Arren Ultzama ibaiaren gainean dagoen zubian, galtzadan, 4 cm-ko errodadura geruza, M.B.C. drainatzailekoa, PA 16 surf BM-3a ofita motako agregakin ofitikoarekin, zubiko bereko konpresio lauzaren gainean; alboko espaloietan, 15 cm-ko geruza, hormigoiz, morteroz eta baldosa hidraulikoz osatua.
Aurreikusi da tarte horretan dauden oinezkoendako azpiko bi pasabideak luzatzea; lehena Done Jakue Biderako erabiltzen da 0+220 K.P.an, eta bigarrena Arreko biribilgunerako sarbidearen azpian dago.
Galtzadako eta bazterbideetako ikuspena hobetzeko, batez ere gauez, Iruñeko ingurabidean eraiki diren azken tarteetan erabilitako irizpide berari jarraikiz, argiztatu eginen da proiektuko tarte guztia.
Hotsari buruzko azterlana egin da, eta horren helburua da bide bikoizketak ekarriko duen hotsaren eragina ebaluatzea. Arreko etxebizitzak hotsetik babestuko direla bermatzeko, lur-kabailoi bat eginen da, 2,00 m-ko garaierakoa, errepideko sestraren kotaren gainetik. Arreko biribilgunetik hurbilen dagoen eremuan, bertako urbanizazioa hurbil baitago, ezin da lur-kabailoia egin, ez baitago leku erabilgarririk plantan; horregatik, hotsaren aurkako pantailak jarriko dira, 2,00 m-ko garaierakoak, errepideko sestraren gainetik.
Orobat, lizitazioa egin aurretik, beharrezkoa da obrek ukitutako ondasun eta eskubideak eskuratzeko kudeaketak egin eta haiek desjabetzeko espedienteari lehenbailehen ekitea.
Nafarroako Errepideei buruzko martxoaren 23ko 5/2007 Foru Legearen 20. artikuluko 2. eta 3. idatz-zatietan xedatutakoarekin bat, bidezkoa da trazadura proiektua behin-behinekoz onetsi eta jendaurrean jartzea, bai proiektuaren eduki teknikoari bai lurrak okupatu beharrari dagokienez, desjabetu ahal izateko.
Horrenbestez, Azterlan eta Proiektuen Zerbitzuak jakinarazi eta proposatu duenarekin bat, eta Departamentuaren egitura organikoa ezartzen duen abuztuaren 24ko 143/2011 Foru Dekretuaren 2.2 artikuluaren bidez eskuratu ditudan eskudantziak erabiliz,
AGINDU DUT:
1. Indarrik gabe uztea "Iruñeko ingurabidea bikoiztea. Tartea: Olloki-Ezkabako tunelen iparraldeko irteera" izeneko proiektuaren jendaurreko aldiaren tramitea, Herri Lan, Garraio eta Komunikazioetako kontseilariaren abuztuaren 20ko 86/2009 Foru Aginduaren bidez hasia.
2. Behin-behinekoz onestea "Iruñeko ingurabidea bikoiztea. Tartea: Olloki-Ezkabako tunelen iparraldeko irteera" izeneko trazadura proiektua.
3. Proiektuak ukitutako ondasun eta eskubideen desjabetze espedienteari hasiera ematea. Zerrenda eranskinean jaso da.
4. Proiektua jendaurrean jartzea, hilabetez, ukitutako ondasun eta eskubideak zehazteko eta ingurumenaren gaineko eragina ebaluatzeko. Epe horretan interesdunek egokitzat jotzen dituzten oharrak edo alegazioak aurkez ditzakete idatziz, eta ondasun eta eskubideen zerrendako okerrak zuzentzeko behar diren datuak eman. Eranskinean jaso dira. Interesdunek eskura izanen dute proiektua Sustapen Departamentuko Azterlan eta Proiektuen Zerbitzuaren bulegoetan eta Ezkabarteko, Uharteko eta Esteribarko udaletxeetan.
5. Foru agindu hau Nafarroako Aldizkari Ofizialean eta Nafarroan argitaratu eta gehien zabaltzen diren egunkarietako batean argitaratzea.
6. Foru agindu hau jakinaraztea Azterlan eta Proiektuen Zerbitzuari, Desjabetze Atalari eta Ezkabarteko, Uharteko eta Esteribarko udalei.
Iruñean, 2012ko abuztuaren 8an.-Sustapeneko kontseilaria, Luis Zarraluqui Ortigosa.
ERANSKINA "Iruñeko ingurabidea bikoiztea. Tartea: Olloki-Ezkabako tunelen iparraldeko irteera" izeneko trazadura proiektua Ukitutako ondasun eta eskubideen banakako zerrenda zehaztua: |
FINKA ZK. | JABEA ETA HELBIDEA | AZALERA DESJ. m2 | KATASTROA | LUR MOTA |
POL. | LURZ. |
ESTERIBARKO UDAL MUGAPEA |
ES-1 | Nafarroako Foru Komunitatea (Errepideak) San Ignazio etorbidea, 3 - Iruña | 28.260 | 1 | 285 | Elkorra |
ES-2 | Paternain Roldán, María Agustina Marcelo Celayeta etorbidea, 26, 3.a A - Iruña Paternain Roldán, María Isabel Petra San Adrian kalea, 7 - Olloki | 1.141 | 1 | 74 | Larreak |
ES-3 | Nafarroako Foru Komunitatea (Done Jakue Bidea) González Tablas kalea, 7 B, 4.a - Iruña | 218 | 1 | 298 | Done Jakue Bidea |
ES-4 | Nafarroako Foru Komunitatea (Done Jakue Bidea) González Tablas kalea, 7 B, 4.a - Iruña | 286 | 1 | 72 | Done Jakue Bidea |
UHARTEKO UDAL MUGAPEA |
HU-1 | Nafarroako Foru Komunitatea (Errepideak) San Ignazio etorbidea, 3 - Iruña | 8.076 | 2 | 862 | Elkorra |
EZKABARTEKO UDAL MUGAPEA |
EZ-1 | Nafarroako Foru Komunitatea (Errepideak) San Ignazio etorbidea, 3 - Iruña | 80.152 | 15 | 758 | Elkorra |
EZ-2 | Arrosarioko Kofradia Arre | 616 | 15 | 602 | Larreak |
EZ-3 | Huarte Echarte, Petra Erromesaren Zubia kalea, zk.g., 1.a - Ezkabarte | 241 | 15 | 603 | Larreak |
EZ-4 | Arrosarioko Kofradia Arre | 103 | 15 | 604 | Larreak |
EZ-5 | Errea Viscarret, José María Uxueko Andre Maria kalea, 5, 5.a D - Iruña Errea Viscarret, Carmen Mutilnova pasealekua, 65 - Mutiloa Errea Viscarret, Felisa Astobizkar Mendiaren kalea 7, 1.a I - Iruña Errea Viscarret, Inocencia Larrainak kalea 5, 1.a - Atarrabia Errea Viscarret, Martín José Zaldoko kalea, 51 - Gorraitz (Eguesibar) Errea Viscarret, Jesús Miravalles kalea 2, behea - Arre Errea Viscarret, María Nieves Urrobi Errekaren kalea, 8, 1.a D - Iruña Errea Viscarret, Natividad Fuerzas Armadas, 8 bis-Algeciras (Cádiz) | 52 | 15 | 739 | Larreak |
EZ-6 | Errea Viscarret, José María Uxueko Andre Maria kalea, 5, 5.a D - Iruña Errea Viscarret, Carmen Mutilnova pasealekua, 65 - Mutiloa Errea Viscarret, Felisa Astobizkar Mendiaren kalea, 7, 1.a I - Iruña Errea Viscarret, Inocencia Larrainak kalea 5, 1.a - Atarrabia Errea Viscarret, Martín José Zaldoko kalea, 51 - Gorraitz (Eguesibar) Errea Viscarret, Jesús Miravalles kalea 2, behea - Arre Errea Viscarret, María Nieves Urrobi Errekaren kalea 8, 1.a D - Iruña Errea Viscarret, Natividad Fuerzas Armadas, 8 bis-Algeciras (Cádiz) | 13 | 15 | 607 | Lehorreko alorra |
EZ-7 | Algoi Inversiones Navarras S.L. Ultzama plaza, 8 - Arrea | 543 | 15 | 608 | Lehorreko alorra |
EZ-8 | Algoi Inversiones Navarras S.L. Ultzama plaza, 8 - Arre | 364 | 15 | 610 | Lehorreko alorra |
EZ-9 | Algoi Inversiones Navarras S.L. Ultzama plaza, 8 - Arre | 344 | 15 | 740 | Lehorreko alorra |
EZ-10 | Urriza Larrea, Gerardo San Andres kalea, 21, behea - Sorauren | 113 | 15 | 741 | Lehorreko alorra |
EZ-11 | Aguinaga Azcarate, Gregorio Igeldea kalea, 1 - Arre | 158 | 15 | 742 | Lehorreko alorra |
EZ-12 | Algoi Inversiones Navarras S.L. Ultzama plaza, 8 - Arre | 114 | 15 | 614 | Lehorreko alorra |
EZ-13 | Errea Viscarret, José María Uxueko Andre Maria kalea 5, 5.a D - Iruña Errea Viscarret, Carmen Mutilnova pasealekua, 65 - Mutiloa Errea Viscarret, Felisa Astobizkar Mendiaren kalea 7, 1.a I - Iruña Errea Viscarret, Inocencia Larrainak kalea 5, 1.a - Atarrabia Errea Viscarret, Martín José Zaldoko kalea, 51 - Gorraitz (Eguesibar) Errea Viscarret, Jesús Miravalles kalea 2, behea - Arre Errea Viscarret, María Nieves Urrobi Errekaren kalea 8, 1.a D - Iruña Errea Viscarret, Natividad Fuerzas Armadas, 8 bis-Algeciras (Cádiz) | 73 | 15 | 616 | Lehorreko alorra |
EZ-14 | Ilarraz Urtasun, José Javier Antso Jakitunaren hiribidea, 24, 8.a esk. - Donostia (Gipuzkoa) Ilarraz Urtasun, Jesús María Boulevard zumardia, 25, 5.a ezk. - Donostia (Gipuzkoa) Ilarraz Urtasun Miguel Francisco Orreaga etorbidea, 4 - Uharte | 109 | 15 | 743 | Lurzorua |
EZ-15 | Urbaneit 21 S.L. Paret Pintorearen plaza, 5, 10.a - Iruña | 10 | 15 | 620 | Lurzorua |
EZ-16 | Construcciones Lusarreta S.A. Olaz-Chipi kalea, C12 - Uharte | 79 | 15 | 621 | Lurzorua |
EZ-17 | Construcciones Arregui S.A. San Juan kalea, 52 - Altsasu | 163 | 15 | 623-B | Lehorreko alorra |
EZ-18 | Kosmopolis Residencial Villaverde S.L. Paret Pintorearen plaza, 5, solairuartea - Iruña | 82 | 15 | 624 | Larreak |
EZ-19 | Arreko Kontzejuaren herrilurrak San Roman plaza, 4 - Arre/Ezkabarte | 89 | 15 | 505-B | Ibarbasoa |
EZ-20 | Aguinaga Azcarate, Gregorio Igeldea, 1 - Arre | 159 | 15 | 628 | Larreak |
EZ-21 | Arreko Kontzejuaren herrilurrak San Roman plaza, 4 - Ezkabarte | 69 | 15 | 749 | Larreak |
EZ-22 | Arreko Kontzejuaren herrilurrak San Roman plaza, 4 - Ezkabarte | 20 | 15 | 751-B | Ibarbasoa |
EZ-23 | Arreko Kontzejuaren herrilurrak San Roman plaza, 4 - Ezkabarte | 493 | 15 | 634-A | Larreak |
EZ-24 | Mundo Mueble, S.A. Irungo errepidea, 1 - Arre | 32 | 15 | 1-B | Elkorra |
EZ-25 | Inmobiliaria Casfondariz S.A. PG: Ezkabarte Cl l, 2 - Arre | 26 | 15 | 1-A | Zoladura |
EZ-26 | Ezkabarteko Udala Irungo etorbidea, 13, behea - Orikain | 322 | 15 | 639 | Lurzorua |
EZ-27 | Ezkabarteko Udala Irungo etorbidea, 13, behea - Orikain | 778 | 15 | 641 | Lurzorua |
EZ-28 | Ezkabarteko Udala Irungo etorbidea, 13, behea - Orikain | 198 | 15 | 642 | Lurzorua |
EZ-29 | Ezkabarteko Udala Irungo errepidea, zk.g. - Ezkabarte | 4.189 | 15 | 845 | Lurzorua |
EZ-30 | Arreko Kontzejua San Román plaza, 4 - Ezkabarte | 40 | 15 | 668 | Hilerria |
EZ-31 | Algoi Inversiones Navarras S.L. Ultzama plaza, 8 - Arre | 955 | 15 | 755 | Larreak |
EZ-32 | Arreko Kontzejuaren herrilurrak San Roman plaza, 4 - Ezkabarte | 1.500 | 15 | 713-A | Ibarbasoa |
Zortasuna, ukitutako zerbitzuengatik Ukitutako ondasun eta eskubideen banakako zerrenda zehaztua: |
FINKA ZK. | TITULARRA ETA HELBIDEA | ZORTASUNA EZARTZEA | EUSKARRIEN OKUPAZIOA m2 | LINEA MOTA | KATASTROA |
POL. | LURZ. | LUR MOTA |
ml | m2 |
EZKABARTEKO UDAL MUGAPEA |
EZ-7 | Algoi Inversiones Navarras S.L. Ultzama plaza, 8 - Arre | 49 | 148 | | Telef. | 15 | 608 | Lehorreko alorra |
EZ-9 | Algoi Inversiones Navarras S.L. Ultzama plaza, 8 - Arre | 5 | 26 | | Telef. | 15 | 740 | Lehorreko alorra |
EZ-9.1 | Larrea Viscarret, Elisa Trinitate kalea, 18, behea - Arre | 68 | 205 | | Telef. | 15 | 612 | Lehorreko alorra |
EZ-10 | Urriza Larrea, Gerardo San Andres kalea, 21, behea, Sorauren | 28 | 73 | | Telef. | 15 | 741 | Lehorreko alorra |
EZ-11 | Aguinaga Azcarate, Gregorio Igeldea kalea, 1 - Arre | 21 | 62 | | Telef. | 15 | 742 | Lehorreko alorra |
EZ-12 | Algoi Inversiones Navarras S.L. Ultzama plaza, 8 - Arre | 67 | 202 | | Telef. | 15 | 614 | Lehorreko alorra |
EZ-14 | Ilarraz Urtasun, José Javier Antso Jakitunaren hiribidea, 24, 8.a esk. - Donostia (Gipuzkoa) Ilarraz Urtasun, Jesús María Boulevard zumardia, 25, 5.a ezk. - Donostia (Gipuzkoa) Ilarraz Urtasun Miguel Francisco Orreaga etorbidea, 4 - Uharte | 73 | 219 | | Telef. | 15 | 743 | Lurzorua |
EZ-15 | Urbaneit 21 S.L. Paret Pintorearen plaza, 5, 10.a - Iruña | 25 | 74 | | Telef. | 15 | 620 | Lurzorua |
EZ-16 | Goicoechea Ganuza, Jesús Ultzama plaza, 8 - Ezkabarte | 48 | 144 | | Telef. | 15 | 621 | Lurzorua |
ESTERIBARKO UDAL MUGAPEA |
ES-5 | Inversiones Urcay, S.A. Kale Nagusia, 31 - Atarrabia | 56 | 168 | | Elektrikoa | 1 | 53 | Larreak |
F1211666 |
Iragarkiaren kodea: F1211666