4. PROZEDURA JUDIZIALAK
LIZARRAKO LEHEN AUZIALDIKO ETA INSTRUKZIOKO
1. EPAITEGIA
Etendako segidako traktua berriro hasteko 372/2012 jabari-espedientea
Carlos Javier Asín Basarte jaunak, Lizarrako Lehen Auzialdiko eta Instrukzioko 1. Epaitegiko idazkari judizialak,
Aditzera ematen dut: Maria Belen Ruiz de Larramendi Olazaran andreak eskatuta, etendako segidako traktua berriro hasteko 372/2012 jabari-espedientearen prozedura bideratzen ari da finka honetarako:
Lurzatien berrantolamendukoa.-Landa finka. Lurzatien berrantolamenduko plano orokorreko 1. poligonoko 99. finka, lehorreko zerealetarako erabilia (gaur egun larrea da) Zaldiburu deitutako tokian, Eulateko udalerrian, muga hauekin: iparraldera, Sergio Bados Alegríaren finkarekin (98.a) eta eraikin batekin (gaur egun, 1. poligonoko 3. lurzatia); hegoaldera, hirigunea eta bidea (kalea gaur egun); ekialdera, baztertutako gunea, orain kalea dena eta 1. poligonoko 171. lurzatia; eta mendebaldera, Sergio Bados Alegríaren finkarekin (98.a), orain 1. poligonoko 4. lurzatia dena.
Hauxe du azalera: zortzi area eta berrogei zentiarea. Ezin da banatu.
Katastroko erreferentzia.-Finkak Eulateko landa katastroko 1. poligonoko 356. lurzatia hartzen duela deklaratu dute.
Aipatu finka Lizarrako Jabetza Erregistroan dago inskribatua: 1.919. liburukia, 11. liburua, 148. orria, 975. finka.
Honen bidez, egun honetako ebazpenean erabakitakoarekin bat, Miguel Ruiz Olazaran jaunari, bere kausadun ezezagunei -finka Jabetza Erregistroan bere alde inskribatuta duen pertsona gisa- eta eskatutako inskripzioaren ondorioz kalte har dezaketen pertsona ezezagunei dei egiten zaie ediktu hau argitaratu ondoko hamar egunean espedientean ager daitezen eta eskubidez komeni zaiena alega dezaten.
Lizarran, 2012ko uztailaren 11n.-Idazkaria, Carlos Javier Asín Basarte.
Iragarkiaren kodea: J1210532
