1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
32/2012 EBAZPENA, uztailaren 24koa, Nafarroako Kirol eta Gazteriaren Institutuko zuzendari kudeatzaileak emana, Ramón Santesteban Úriz jauna Nafarroako Kirol eta Gazteriaren Institutuko Azpiegituren Zuzendariordetzari atxikitako Azpiegiturak Kudeatzeko Ataleko buru izendatzen duena, bitarte baterako.
Nafarroako Foru Komunitateko Administrazioaren eta haren erakunde autonomoen organoetako langileen arloko eskudantziak zehazten dituen otsailaren 21eko 30/2005 Foru Dekretuak lehenbiziko xedapen gehigarrian ezartzen du erakunde autonomoetako burutzak bitarte baterako betetzeko araubidea kasuan kasuko erakundearen estatutuetan ezarriko dela.
Horrenbestez, Nafarroako Kirol eta Gazteriaren estatutuak onesten dituen uztailaren 2ko 36/2012 Foru Dekretuaren 12.m) artikuluak ematen dizkidan eskumenak erabiliz, eta Funtzio Publikoaren txostena jasorik, aipatu artikuluak ezartzen duenez,
EBATZI DUT:
1. Ramón Santesteban Úriz jauna Nafarroako Kirol eta Gazteriaren Institutuko Azpiegituren Zuzendariordetzari atxikitako Azpiegiturak Kudeatzeko Ataleko buru izendatzea, bitarte baterako. 2012ko abuztuaren 1ean izanen du ondorioa izendapenak.
2. Ebazpen hau Nafarroako Aldizkari Ofizialean argitaratzea, behar diren ondorioak izan ditzan.
3. Ebazpen hau jakinaraztea interesdunari, Nafarroako Kirol eta Gazteriaren Institutuari, Administrazio eta Kudeaketa Atalari, Azpiegituren Zuzendariordetzari, Funtzio Publikoaren Zuzendaritza Nagusiari eta horren mende dauden Langileriaren Gastuaren Kontrolaren eta Nominen Zerbitzuari, Lan Harremanen eta Antolamenduaren Zerbitzuari eta Langileriaren Kudeaketako Zerbitzuari, behar diren ondorioak izan ditzan.
Iruñean, 2012ko uztailaren 24an.-Nafarroako Kirol eta Gazteriaren Institutuko zuzendari kudeatzailea, Pruden Induráin Larraya.
Iragarkiaren kodea: F1210953
