1. NAFARROAKO FORU KOMUNITATEA
1.7. BESTELAKOAK
59E/2012 EBAZPENA, maiatzaren 17koa, Ingurumen Kalitatearen Zerbitzuko zuzendariak emana, Ingurumen ukipenetarako baimena ematen duena, zenbait baldintzarekin, Zizur Nagusian A-15 eta A-12 autobideen arteko lotunean zuntz optikoaren kanalizaziorako obraren proiekturako, Navarra de Servicios y Tecnología, S.A.k (NASERTIC) sustatuta.
Xedea: Ebazpena.
Erreferentzia: Espediente kodea: 0001-0015-2012-000035.
Unitate kudeatzailea: Ingurumenaren eta Uraren Zuzendaritza Nagusia.
Ingurumen Kalitatearen Zerbitzua.
Ingurumenaren gaineko Eragina Aztertzeko Atala.
González Tablas kalea, 9. 31005 Iruña.
Telefonoa: 848 427625.
Posta elektronikoa: secevamb@cfnavarra.es.
Espedientea:
Ingurumen ukipenetarako baimena.
Jarduera: Zuntz optikoaren kanalizaziorako obra, A-15 eta A-12 autobideen arteko lotunean.
IBEHFL Erregelamenduaren eranskina: 2C-Ingurumen ukipenen baimenaren mende dauden jarduerak eta proiektuak.
Herria: Zizur Nagusia Udalerria: Zizur Nagusia.
Sustatzailea: Zizur Nagusiko Udala.
Eskaeraren data: 2012/02/16.
2012ko otsailaren 16an Ingurumen Kalitatearen Zerbitzuan sartu zen goian aipatutako espedienteari dagokion Ingurumen ukipenetarako baimena lortzeko eskaera. Espedientea abenduaren 28ko 93/2006 Foru Dekretuaren 2C eranskineko M atalean sartua dago. Foru dekretu horrek Ingurumena Babesteko Esku Hartzeari buruzko martxoaren 22ko 4/2005 Foru Legea garatzeko Erregelamendua onetsi zuen.
Proiektuko jarduera Iruñerriko zentro teknologikoen eta industrialdeen arteko konektibitaterako programaren zati da eta, zehatzago, Zuntz Optikoa Zabaltzeko Proiektuarena (III. proiektua, I. tartea, Noain-Elortzibarren eta Garesen arteko lotura). Proiektuaren xedea da A-15 eta A-12 autobien arteko lotunean zuntz optikoa hedatzea, Zizur Nagusiko lotunean. 1.200 metro linealeko ibilbidea eginen da, bai eta ONO1PP askea motako 3 kutxatila eta telekomunikazioetarako D motako kutxatila bat ere. Obra osoa autobide horien bazterretan eginen da, bereziki bazterbideetan, baina azken tartea hiri lurzoruan kokatuko da.
Abenduaren 28ko 93/2006 Foru Dekretuaren 36. artikuluak ezartzen du Ingurumen, Lurraldearen Antolamendu eta Etxebizitzako kontseilariak arrazoituz ebatziko duela Ingurumen ukipenetarako baimena eman edo ukatzeari buruz.
Foru dekretu horren 31.2 artikuluak ezartzen du Ingurumen ukipenetarako baimenak lurzoru urbanizaezinean baimentzen ahal diren jardueretarakoa ere bilduko duela, eta horrek Lurraldearen Antolamenduari eta Hirigintzari buruzko abenduaren 20ko 35/2002 Foru Legearen 117. artikuluan ezarritako ondorioak izanen ditu. Ondorio horietarako, Lurraldearen Antolamendu eta Hirigintza Zerbitzuak proiektuaren aldeko txostena eman zuen 2012ko maiatzaren 10ean, lurzoru urbanizaezinari dagokionez.
Zizur Nagusiko Udalak aldeko txostena eman du eskaeraren gainean, 93/2006 Foru Dekretuaren 35. artikuluan xedatutakoarekin bat.
Espedientean dauden txostenak ikusirik eta Ingurumenaren eta Uraren zuzendari nagusiaren irailaren 13ko 1436/2011 Ebazpenaren bidez emandako eskumenak erabiliz,
EBATZI DUT:
1. Ingurumen ukipenetarako baimena ematea, zenbait baldintzarekin, Zizur Nagusian A-15 eta A-12 autobideen arteko lotunean zuntz optikoaren kanalizaziorako obraren proiekturako, Navarra de Servicios y Tecnología, S.A.k (NASERTIC) sustatuta.
2. Baimena neurri zuzentzaile hauek betetzearen baldintzapean egonen da:
-Zangak irekitzetik sortutako material hondakinak izaeraren arabera kudeatuko dira, obran bertan berriro erabiliz edo, hondakin gisa, kudeatzaile baimendu baten bidez.
-Egin nahi den jarduerak uki ditzakeen edo obren trabagarri izan daitezkeen errepideei eta gainerako azpiegiturei eta zortasunei dagokienez, enpresa sustatzaileak, obrak gauzatzen hasi baino lehen, behar diren baimen guztiak eskuratuko ditu, kasuan kasuko gaian eskudun diren organoei eskatu eta gero.
3. Baimen honek, gainera, Lurraldearen Antolamenduari eta Hirigintzari buruzko abenduaren 20ko 35/2002 Foru Legearen 117. artikuluan ezartzen diren ondorioak izanen ditu. Artikulu horretan, lurzoru urbanizaezinean egin behar diren jarduerak baimentzeko prozedura ezartzen da.
4. Ebazpen honek ez du administrazio bidea amaitzen, eta espedientean interesa dutenek, administrazio publikoek izan ezik, horren kontra gora jotzeko errekurtsoa jar dezakete, Nafarroako Gobernuari zuzendua, hilabeteko epean.
Administrazio publikoek zilegi dute administrazioarekiko auzi-errekurtsoa jartzea, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du galarazten Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean.
Epeak ebazpen hau jakinarazi eta biharamunetik hasita kontatuko dira.
5. Ebazpen hau Nafarroako Aldizkari Ofizialean argitaratzea.
6. Ebazpen hau Lurraldearen Antolamendu eta Hirigintza Zerbitzuari, Zizur Nagusiko Udalari, 7. eremuko Basozaintzari (Iruña) eta interesdunari igortzea, behar diren ondorioak izan ditzan.
Iruñean, 2012ko maiatzaren 17an.-Ingurumen Kalitatearen Zerbitzuko zuzendaria, Pedro Zuazo Onagoitia.
Iragarkiaren kodea: F1207765
