1. NAFARROAKO FORU KOMUNITATEA
1.7. BESTELAKOAK
169/2012 EBAZPENA, maiatzaren 17koa, Hezkuntza Baliabideen zuzendari nagusiak emana, Iruñeko "El Molino" Hezkuntza Bereziko ikastetxe pribatuari baimena ematen diona Derrigorrezko Oinarrizko Hezkuntzako ikasketak emateko, 6 urtetik 12ra bitarteko adin-tartean, eta Haur Hezkuntza Bereziko ikasketak, 3 urtetik 6 urtera bitarteko ikasleentzat.
Ikusirik, Derrigorrezko Oinarrizko Hezkuntzan eta Haur Hezkuntza Berezian ikasketa gehiago baimentzeko, Javier Aramendia Zabalza jaunak, "El Molino" Hezkuntza Bereziko ikastetxe pribatuaren entitate titularra den "Ciganda Ferrer" fundazioa ordezkatuz, aurkeztutako eskaera dela-eta instruitu den espedientea.
Ikusirik uztailaren 6ko 251/1992 Foru Dekretuak ezartzen duen prozedura, Nafarroako Foru Komunitatean araubide orokorreko irakaskuntza ez-unibertsitarioa ematen duten ikastetxe pribatuak baimentzeko.
Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1.d) artikuluaren bidez eskuordetutako ahalmenak erabiliz, eta Hezkuntzako Azpiegituren Zerbitzuak proposaturik,
EBATZI DUT:
1. Baimena ematen zaio Iruñeko "El Molino" Hezkuntza Bereziko ikastetxe pribatuari Derrigorrezko Oinarrizko Hezkuntzako ikasketak emateko, 6 urtetik 12ra bitarteko adin-tartean, eta Haur Hezkuntza Bereziko ikasketak, 3 urtetik 6 urtera bitarteko ikasleentzat. Erabaki honek 2012-2013 ikasturtearen hasieratik aurrera izanen ditu ondorioak.
2. Data horretatik aurrera, hauek izanen dira ikastetxeak Nafarroako Gobernuko Unibertsitatez Kanpoko Ikastetxeen Erregistroan izanen dituen inskripzio datuak:
-Ikastetxearen kodea: 31006971.
-Ikastetxearen izen generikoa: Hezkuntza Bereziko ikastetxe pribatua.
-Ikastetxearen berariazko izena: El Molino.
-Titularra: Ciganda Ferrer fundazioa.
-Helbidea: El Vergel kalea, 2.
-Herria: Iruña.
-Udalerria: Iruña.
-Baimendutako ikasketak: Haur Hezkuntza Berezia (3-6 urte), Derrigorrezko Oinarrizko Hezkuntza (6-16 urte), Helduarora Igarotzeko Prestakuntza Programak eta Hasierako Lanbide Kualifikazioko Programak, ikasturte bakoitzean baimentzen direnak.
Osaera juridikoa: ikastetxean baimentzen den gehieneko edukiera 90 ikaspostukoa da. Indarreko legediak ezarritako irakasleak/ikasleak proportzioak bete beharko dira.
3. Ikastetxearen titularrak baimena eskatu beharko du bere konfigurazioan edozein aldaketa egiteko, horren ondorioz aurreko atalean ageri diren erregistroko datuak edo instalazioak aldatzen badira edo instalazioen erabilera edo helburua aldatzen bada, uztailaren 6ko 251/1992 Foru Dekretuaren 29. artikuluan ezarritakoari jarraikiz.
4. Ikastetxearen baimena 251/1992 Foru Dekretuan adierazitako kasuetan iraungiko da, hartan ezarritako prozedurari jarraikiz.
5. Ebazpen honen aurka gora jotzeko errekurtsoa jar daiteke, Hezkuntza Departamentuko kontseilariari zuzendua, jakinarazi eta biharamunetik hilabeteko epean.
6. Ebazpen hau Nafarroako Aldizkari Ofizialean argitaratuko da.
7. Ebazpen hau igorriko zaie ikastetxearen titularrari, Hezkuntzako Ikuskapen Zerbitzuari, Hezkuntzako Azpiegituren Zerbitzuari, Aukera Berdintasunaren, Hezkuntzako Parte-hartzearen eta Irakasleentzako Arretaren Zerbitzuari, Hezkuntzako Azpiegituren Zerbitzuari, Araubide Administratiboaren Atalari, Ikastetxeen, Finantzaketaren eta Ikasketetarako Laguntzen Atalari, Ikasketak Antolatzeko Atalari, Kontratazioaren, Zerbitzu Osagarrien eta Koordinazio Administratiboaren Atalari, eta Ikastetxeetako Informazioa Kudeatzeko Bulegoari eta Kudeaketa Ekonomikoaren Bulegoari.
Iruñean, 2012ko maiatzaren 17an.-Hezkuntza Baliabideen zuzendari nagusia, Iñigo Huarte Huarte.
Iragarkiaren kodea: F1207808
