1. NAFARROAKO FORU KOMUNITATEA
1.7. BESTELAKOAK
24E/2012 EBAZPENA, apirilaren 27koa, Nafarroako Administrazio Publikoaren Institutuko zuzendari kudeatzaileak emana, Vanesa Pérez Martínez andreak eskatuta jarritako administrazioarekiko auzi-errekurtsoari dagokion espedientea (32/2012 prozedura laburtua) Iruñeko Administrazioarekiko Auzien 2. Epaitegira igortzen duena, eta interesdunak epatzen dituena.
Xedea: ebazpena.
Erreferentzia: espediente kodea: 0004-INA2-2011-000017.
Nafarroako Administrazio Publikoaren Institutua.
Idazkaritza Teknikoaren Zerbitzua (NAPI).
Unitate kudeatzailea: Kudeaketa eta Araubide Juridikoaren Atala (NAPI).
Telefonoa: 848427862. Faxa: -.
Espedientea:
Prozedura: errekurtsoak eta erreklamazioak (NAPI).
Eskatzailea: Vanesa Pérez Martínez.
Eskaeraren data: 2011/07/18.
Iruñeko Administrazioarekiko Auzien 2. Epaitegiko idazkariak, 2012ko otsailaren 13ko idazkian, aditzera eman du ezen Vanesa Pérez Martínez andreak eskatuta administrazioarekiko auzi-errekurtsoa jarri dela Nafarroako Administrazio Publikoaren Institutuko (NAPI) zuzendari kudeatzailearen irailaren 2ko 14E/2011 Ebazpenaren aurka (32/2012 prozedura laburtua). Ebazpen horren bidez ezetsi egin zen Vanesa Pérez Martínez andreak jarritako gora jotzeko errekurtsoa, hain zuzen, Nafarroako Foru Komunitateko Administrazioaren eta haren erakunde autonomoen zerbitzuko administrari laguntzaile izateko lanpostu batzuk oposizio bidez betetzeko deialdiko epaimahaiak, bigarren ariketaren behin betiko emaitzak onesteko, 2011ko ekainaren 7an hartu zuen Erabakiaren aurka jarritakoa. Deialdi hori Nafarroako Administrazio Publikoaren Institutuko zuzendari kudeatzailearen maiatzaren 20ko 114/2010 Ebazpenaren bidez onetsi zen. Bestalde, idazkariak eskatu du administrazio espedientea igortzeko eta interesdunak epatzeko, Administrazioarekiko Auzien Jurisdikzioa arautzen duen uztailaren 13ko 2/1998 Legearen 48. eta 49. artikuluetan ezarritakoari jarraikiz.
Horrenbestez, eta Nafarroako Administrazio Publikoaren Institutua erakunde autonomoaren estatutuak onetsi zituen irailaren 3ko 117/2007 Foru Dekretuaren bidez eskuratu ditudan eskudantziak erabiliz,
EBATZI DUT:
1. Iruñeko Administrazioarekiko Auzien 2. Epaitegira igortzea Vanesa Pérez Martínez andreak eskatuta Nafarroako Administrazio Publikoaren Institutuko (NAPI) zuzendari kudeatzailearen irailaren 2ko 14E/2011 Ebazpenaren aurka jarritako errekurtsoari dagokion administrazio espedientea (32/2012 prozedura laburtua). Ebazpen horren bidez ezetsi egin zen Vanesa Pérez Martínez andreak jarritako gora jotzeko errekurtsoa, hain zuzen, Nafarroako Foru Komunitateko Administrazioaren eta haren erakunde autonomoen zerbitzuko administrari laguntzaile izateko lanpostu batzuk oposizio bidez betetzeko deialdiko epaimahaiak, bigarren ariketaren behin betiko emaitzak onesteko, 2011ko ekainaren 7an hartu zuen Erabakiaren aurka jarritakoa. Deialdi hori Nafarroako Administrazio Publikoaren Institutuko zuzendari kudeatzailearen maiatzaren 20ko 114/2010 Ebazpenaren bidez onetsi zen.
2. Ebazpen hau interesdunei jakinaraztea, Nafarroako Aldizkari Ofizialean argitaratuz, eta haiek epatzea autoetan demandatu gisa agertu ahal izateko, ebazpena argitaratu ondoko bederatzi eguneko epean, Iruñeko Administrazioarekiko Auzien 2. Epaitegian.
3. Ebazpen hau jakinaraztea Vanesa Pérez Martínez andreari, Iruñeko Administrazioarekiko Auzien 2. Epaitegiari eta Lehendakaritzako, Administrazio Publikoetako eta Barneko Departamentuko Aholkularitza Juridikoari, behar diren ondorioak izan ditzan.
Iruñean, 2012ko apirilaren 27an.-Nafarroako Administrazio Publikoaren Institutuko (NAPI) zuzendari kudeatzailea , Félix Taberna Monzón.
Iragarkiaren kodea: F1206770
